Jerimaya 42:3 - Ạḍinya Iigbia

³ Ḅẹeḅereghi Ọmoogh-we Ẹnaan phọ ayira dị ọdi kuḍeenaan iyoor eten rꞌịlo yoor koḍighi.”

Jerimaya 42:3 Iomraidhean Croise

1 Ạbudaam 8:36

pọ nạghanan bịdi ẹpe kꞌạke phọ nạ odi bọ ạsar ạwilenaan ịkaraph abutelhedom mọ ạna awe phọ ạna Ịzirel, ạtughemi bịdi igeny areten ịpe bịdi kotelhe ghan bọ, aseere ọlophia sịphe ade phọ ạḍiphe nạ ạngo bọ we phọ ạna mọ ọmoogh phọ.

Ẹzra 8:21

Ẹpe ọgbal aKoroma Ahava, mị ụto ni ạngo mọ oomo phọ ayoor ọrol ọkoony kụ osooromi loor ghisigh Ẹnaan phọ ayoor kụ kẹn opuru ọdi ịlo oḍiemiom ayoor mem erelhe phọ ayoor kụ ọoḅaki ayoor rꞌạnmuny ayoor rꞌoomo ịpe yoor ọmoogh bọ.

Ạsuor 27:11

Ọmoogh-we, ụtughemi ịmi ịpe nạ rạwa bọ mọ mị uḍighi. Nạ kurorori ni ịmi eten dị ịyaar ịmi kíḍighi ịdi eḍighi bọ mị ạmoogh ḍita ạmulogh-ḍien.

Ạsuor 86:11

Ụtughemi ịmi, Ọmoogh-we, ịlo nạ rạwa mọ mị uḍighi, bịn mị kạnaghanan ni agey; ụtughemi ịmi okumu ạna agey.

Asidogh 3:6

Tụutughian Ọmoogh-we phọ tọrobo ịyaar lọ nạ raḍighi, bịn ọdi kaḍeenaan ni nyịna eeḅi eten.

Azaya 2:3

Ịbadibadi areelhe kokiil li otu ookpomoghan sịphe, kụ awe ạbidi kọḅem mọ, “Itu ọghi eegbolom Ọmoogh-we phọ oḍigh Otu Ịiḅereghi Ẹnaan phọ Ịzirel. Ọdi kụtughemi ni iyira ịpe ọdi rạwa bọ dị yira koḍighi; yira kotelhe sịphe areten phọ ọdi mạsaḅar bọ. Ịyaar phọ eḍighi bọ ịtughemi Ọmoogh-we phọ rẹḍua ghan Jeruselem kụ keru; ịsiphe Zạyon kụ ẹdi ọdi rạtol ghan kạḅaanaan weye ọdi.”

Jerimaya 6:16

Ọmoogh-we phọ ạḅeni weye phọ ọdi mọ, “Ịmeera sịphe ịgbaranuom areten phọ kụ ephogh. Iipuruan reten ageedi phọ ḅịle kẹn rꞌekpisi lọ ọkaraghi egey eten phọ edi bọ. Itelhe nyẹpe phọ bịn nyina kẹmoogh ni ẹepho.” Kụ ọlo bịdi ụḅem mọ, “Eeye, yoor kọ́daph!”

Maika 4:2

kụ awe ạbidi kọḅem mọ, “Itu ọghi eegbolom Ọmoogh-we phọ oḍigh ogbogh Otu Ịiḅereghi Ẹnaan phọ Ịzirel. Ịdi eḍighi bọ ọdi kụtughemi iyira ịlo yira koḍighi ghan; yira kotelhe eten phọ ọdi mạsaḅar bọ. Ịyaar phọ eḍighi bọ ịtughemi Ọmoogh-we phọ ẹḍua ghan Jeruselem kụ retu; ịsiphe Zạyon kụ ẹdi ọdi kụ rạḅaanaan weye ọdi.”

Dutoronomi 5:26

Ạnhian oye kụ mạnaghan aani ghan ẹḍogh Ẹnaan phọ sịphe ologhi ạnian phọ rạkaaph ghan ịduon ayira kụ ạrol?

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.