Jerimaya 42:2 - Ạḍinya Iigbia

² kụ ụḅeni ịmi mọ, “Seseeny, ḍighi ịpe yoor ọḅeni bọ nyịna! Kol ẹmhu ayoor ạaḅereghi Ọmoogh-we Ẹnaan phọ ayira. Ḅẹeḅereghinaan oomo phọ ayoor okpetenaan bọ. Amem ịrol li dị yoor oḍiza, kụ nyịidipho ịyal-ikpo ayoor bịn kụ usugha, ịduon nạ rạmiin bọ ni.

Jerimaya 42:2 Iomraidhean Croise

1 Ạbudaam 13:6

Kụ ọdaam mọ ạphagharanaan kụ ạḅeni oye phọ Ẹnaan mọ, “Seseeny, ḍighi ịdi Ọmoogh-we Ẹnaan phọ ạna kụnma ịmi ighirigiir. Ughol ịmi ạaḅereghi ạḍighaagh phọ ạmi emoon ẹrol ịdipho ẹrol ghan bọ.” Kụ oyil ịmiin phọ ạmagh Ẹnaan, kụ ạḍighaagh ọdaam mọ emoon ẹrol ịdipho ẹrol ghan bọ.

Ạsuor 119:170

Nạghanan ịiḅereghi phọ ạmi ạḅile ụphel aani ịdipho nạ aguanaan bọ.

Ẹḍua 8:28

Kụ ọdaam eelhe phọ ạḅem mọ, “Mị kameera ni nyina ẹghi ẹpe ẹdala phọ eḍighi rạraar aghuḍum ẹngo Ọmoogh-we Ẹnaan phọ anyina, kụ ọlo kẹ́kel iboom. Ịiḅereghinaan ịmi.”

Ẹḍua 9:28

Ịiḅereghi Ọmoogh-we phọ asophe oghim mọ, ọraphan aḍio phọ rꞌạnian phọ mẹkasian. Mị aguan omeera dị nyina kekeel. Nyina sịen kẹ́tol mun.”

Azaya 1:15

“Mem dị nyina ephoophe rạghaagh anyina esi ịiḅereghi, mị inyina kíphogh. Tọrobo ịlo nyina ẹeḅereghi ghan, mị káler rụru ạnaghan ịdi eḍighi bọ nyina mezu ịḅaal.

Azaya 1:9

Eru mạar dị Ọmoogh-we oomo ịikpo phọ musugheeny bọ buniin awe mọ ọrol, ọbo mụkaraghi ni ophiemi Jeruselem ọmadan, ịdipho ophiemi bọ Sọdom rꞌaGomora.

Azaya 37:4

Ogbogh ọdaam Asiria phọ marom uwo ẹmhu ọnyo oḍighi ọdi mọ ạgilaam Ẹnaan phọ edi ghan bọ ni. Eḍighi ni ịdi Ọmoogh-we Ẹnaan phọ ạna kạnaghan rịgilaam mọ ịphen kụ ạliom bụphe ọghaaph bọ ịphen phọ. Loor ịphen phọ, ḅẹeḅereghi ạngo bụphe osugha bọ sịphe aḍita awe phọ ayira.”

Azaya 42:20

We Ịzirel, nyina mẹmiin ni iboom, kụ ẹkigh eeghe esi anyina?” Nyina ẹmoogh ni reḅeri ọnaghanam kụ nyina ẹkaraghi ẹnaghan eeghe?

Jerimaya 15:11

Ọmoogh-we, meera ni oomo igurughian phọ ạbidi eḍighi ekol eḍighi ịyaar dị mị úkumu nyịna agey, eḍighi ịyaar dị mị kőghol ghan ẹmhu ẹpomoghian phọ ạmi ạaḅereghian nyịna mem mọ ọpo bịdi ọrol bọ esi ịiḅaghami phọ.

Jerimaya 2:27

Koofolomi ni oomo anyina — nyina phọ ẹḅem bọ mọ oreeny kụ ọde anyina ḅịle mọ aḍighiigh kụ onhiin anyina. Ịphen phọ kemite loor esi dị nyina mẹḍua esi ạmi kpạripe rꞌoru esi ạmi. Kụ ạri mem lọ nyina edi esi ịiḅaghami, nyina rịmagh ghan ịmi oru ọphel anyina.

Jerimaya 21:2

“Seseeny, kol ẹmhu ayoor ạḅaanaan Ọmoogh-we phọ, loor esi dị ạNebukadnezar ogbogh ọdaam mọ ạBabilon rꞌawe ẹgham mọ ọdi moghoonyom ẹmha phọ. Iini sịen Ọmoogh-we phọ kaḍighi ni iniin ịiḍaany phọ ọdi ụngo iyira dị kạkpaariom Nẹbukadnezar mọ ọdi aḅula.”

Jerimaya 36:7

Iini bịdi kọoḅereghi Ọmoogh-we phọ kụ ọbileghi ịkaraph areten phọ ạbidi loor esi dị Ọmoogh-we phọ mạnya ọlhiom awe phọ ạbuen oboom ọghagh ologhi.”

Jerimaya 37:20

Kụ nyịidipho, ogbogh ọde ạmi, mị rạaḅereghi nyịna ọnaghanan ạmi oḍighi ịlo mị ạlom. Kạ́le, kúḅulemi mun ịmi ẹpe ikoli phọ sịphe otu phọ ẠJonatan. Nạ aḍighi ịduon, pọ agey phọ ni mị kamugh ni sịphe phọ.”

Jerimaya 37:3

ẠZedekaya ọdaam mọ arom ni Jehukal ọony aSelemaya, ḅịle rꞌạZefanaya ọony aMaaseya oyil ạrikia phọ, mọ oru ụlhom ịmi ọoḅereghi Ẹnaan phọ ayoor Ọmoogh-we phọ ọngo eelhe phọ ayoor.

Jerimaya 38:14

Ẹnon amem, ạZedekaya ọdaam mọ ạḅem mọ mụsighe ịmi osiom sịphe ọnhu-aḍibuo eḍighom Otu Ịiḅereghi phọ, nyọpo amuneniom bọ ịraar phọ, kụ ọdi ạḅem mọ, “Mị kapuru nyịna ḍipuru kụ mị rạwa dị nạ kụḅeni ịmi igey phọ.”

Jerimaya 40:15

Kụ aJohanan ạḅeni nyọdi esi ịbooghian mọ, “Meera mị ụki ukiigh Ịsmael kụ oye kálegheri oye phọ aḍighi bọ. Esi ika kụ omeera mọ ọdi aghiigh nyịna? Ịpe keḍighi ịdi oomo ạbuo aJu phọ mookpomoghan bọ okoom nyịna kọwalala, kụ kẹsighe igbogh ịiḅaghami etuomaan oomo awe phọ odi bọ sịphe Juda.”

Jerimaya 42:20

mọ nyina remeel keḍighinaan oboom ọpioman. Nyina ịlom ịmi ọoḅereghinaan anyina Ọmoogh-we Ẹnaan phọ ayira, kụ ẹḅile eguanaan mọ nyina keḍighi tọrobo ịlo ọdi ạto.

Ịkunuma 1:1

Pọ eeghe ạdol ookurughan dị aJeruselem odi, ẹmha dị awe omuza ghan mem dị meten! Mem dị meten aḅirini kụ ụlogh nyọdi eghuan, nyịidipho ọdi mạghigh ekpukele ạnir. Ẹmha ẹkar eghuan memeel dọl ạrebene.

Izikiel 12:16

Mị kameera ni ẹphurukpu ạbidi okpetenaan ẹgham mọ, ịgbakuro phọ rꞌạreezegh phọ, ọbo eḍighi ịdi sịphe ogbo areelhe phọ bịdi ologhoma ịpe eḍighinom ạraraar phọ ạbidi meeph bọ kụ olegheri mọ mị kụ Ọmoogh-we phọ.”

Hosia 8:10

Kụ nyịidipho mị kaakpomoghi bịdi kụ ạliom bịdi. Kébia bịdi kokironaan esi eephina, mem dị ogbogh ọdaam Asiria amiigh ọkpiloghom ạbidi.

Lịvitikos 26:22

Kụ mị ạbile ilhom ịnam eḍigh pạ ogbo phọ anyina, kụ ẹsighiogh ghan nmụny phọ anyina, ẹḅile ghan ẹze ghan ịnam-otu phọ anyina, kụ ighome inyina nyina kéḍiza mun, kụ areten phọ anyina epeeghu.

Ẹmos 7:2

Sịphe ịmiin phọ ạmi, mị ụmiin igurubia phọ dị elhe ẹmadan oomo ạroogho dị ạrol sịphe ade phọ, kụ mị ạḅem mọ, “Ọmoogh-we Oomo Ịikpo, sạr ạwilenaan we phọ ạna. Bịdi koḍum bọ ika? Bịdi okom ni kụ ọḅile odugh!”

Matiu 24:22

Mọ Ẹnaan kụ ímeera bọ osoph ariiḍio ịminimiin phọ okpere, ọbo rꞌoniin oye músugha. Kụ loor ẹmhu ạbuphe dị mạsaḅar bọ, ọdi kasoph ni riiḍio phọ akpere.

Iiḍighi 8:24

Kụ aSaimon ạḅeni Pita rꞌạJon mọ, “Ikol ẹmhu ạmi ẹeḅereghi Ọmoogh-we phọ, ọbo ịphen nyina ẹghaaph bọ kimitenaan ghan bọ ịmi!”

Dutoronomi 28:62

Nyịidipho nyina eḍiza ịdipho ạraanaan phọ edi bọ kꞌạke phọ, kụ Ọmoogh-we Ẹnaan phọ anyina kighome inyina, ịdi eḍighi bọ nyina ị́naghanan ẹḍogh phọ ọdi.

Dutoronomi 28:63

Ịdipho Ọmoogh-we phọ ạmoogh bọ ḍịḅeeraan kụ iḍighi ghan bọ inyina igey, ịbughe inyina; ịdipho kụ ịdi Ọmoogh-we phọ kạsighe ni ḍịḅeeraan kụ iphiemiom inyina kụ ịkam inyina atoḅologhi ẹpe ade phọ nyina rẹki bọ oḍigh ọmoogh.

Dutoronomi 4:27

Ọmoogh-we phọ kịiwalami ni inyina ạngo ịnon areelhe dị ịphurukpu anyina bịn kụ koḍum.

Jems 5:16

Esi ịduon phọ, ọlo ạpioman ạghaaph ghan ạḅeni ọnon, oniin ạaḅereghinaan ghan nyoniin, ọbo nyina emoonogh! Oye aruukuan kụ ạaḅereghi, ịiḅereghi phọ rẹmoogh ghan ni ịikpo keḍighi ekol.

1 Sạmuel 12:19

Kụ bịdi ọḅeni Sạmuel mọ, “Seseeny, oye phọ, kol ẹmhu ayoor ạaḅereghi Ọmoogh-we Ẹnaan phọ ạna ọbo yoor komuughu ghan bọ. Yoor molhoghoma nyịidipho mọ yoor moḍighi kẹn ịnon ịkaraph ọḅaram oomo ịpheri phọ ọḅeni ạna mọ ụngo iyoor ọdaam ẹmha.”

1 Sạmuel 12:23

Ẹlo ạmi ạmi, Ọmoogh-we phọ kúmeera dị mị kạbile ọoḅereghinaan anyina bịn mị aḍighi ịkaraph esi ọdi. Kpạripe ghụn, mị kịtughemi ni inyina rạraar phọ ịpe ẹnighe bọ ẹḅile eḍighi elhiom, pịdi nyina eḍighi ghan.

1 Sạmuel 7:8

kụ ọḅeni Sạmuel mọ, “Ḅẹeḅereghi ghan ni Ọmoogh-we Ẹnaan phọ ayira mọ ọdi ụphel iyira ḍịghaagh awe aFilistia phọ.”