Jerimaya 42:1 - Ạḍinya Iigbia

¹ Kụ aJohanan ọony aKaria ḅịle rꞌAzaraya ọony aHosaya rꞌoomo ạbueri phọ abuḍiemiom ẹgham mọ rꞌạbukirokiro awe uru ni

Jerimaya 42:1 Iomraidhean Croise

2 Ạbudaam 25:23

Mem dị ạbuo ạrumhu awe ẹgham mọ aJuda, bịdi rꞌawe phọ ạbidi, ọnaghan bọ mọ ọdaam mọ ạBabilon mạsighe Gedalaya aḍighi oye dị rapogh ghan bọ Juda, kụ ọghi ọteeny Gedalaya ẹpe Mizpa. Bụen phọ kụ ạrumhu phọ: Ịsmael ọony phọ aNetanaya, rꞌaJohanan ọony phọ aKaria, rꞌaSeraya ọony phọ aTanhumet ọlo aNetofa, rꞌaJezanaya ọlo aMaaka.

Azaya 29:13

Ọmoogh-we phọ ạḅem mọ, “Awe phọ ạbuen okophora mọ ạbuno ruuseeny ghan ịmi, kụ ikpo ọnhu ạbidi ẹmhu ílho kụ iloghi ạbidi edi ni kịro ekpisi. Esi ạbidi ịyaar dị eḍighi ephigh, ọotughian oomo ịtooghi awe kụ ooko ghan eḍighinom ạraraar phọ ịpe awe ooko ghan bọ kꞌamem dị ebia.

Azaya 48:1

Iler rụru ẹnaghan ịphen phọ, weye Ịzirel, nyina ẹemara ẹemara phọ aJuda. Nyina ekunya esi aḍien Ọmoogh-we phọ kụ ekophora mọ nyina reeseeny ghan Ẹnaan phọ Ịzirel — kụ rꞌeniin ekpo ọnhu ạna dị ẹman ịyaar ílho.

Jerimaya 37:3

ẠZedekaya ọdaam mọ arom ni Jehukal ọony aSelemaya, ḅịle rꞌạZefanaya ọony aMaaseya oyil ạrikia phọ, mọ oru ụlhom ịmi ọoḅereghi Ẹnaan phọ ayoor Ọmoogh-we phọ ọngo eelhe phọ ayoor.

Jerimaya 40:13

Ịphen reten, kụ aJohanan rꞌabuḍiemiom awe ẹgham mọ dị kőphoophe rạghaagh ọngo ogbogh ọdaam mọ ạBabilon oru ọteeny Gedalaya sịphe Mizpa,

Jerimaya 40:8

Kụ Ịsmael ọony aNetanaya, aJohanan ọony aKaria, aSeraya ọony aTanhumet, ạnmuny Efai ọlo aNetofa, rꞌaJezanaya ọlo aMaaka ọghimom rꞌawe ạbidi esi aGedalaya ẹpe Mizpa.

Jerimaya 41:11

AJohanan rꞌoomo abuḍiemiom ẹgham mọ ọrolan bọ rꞌọdi ụnaghan ni ịphen Ịsmael aḍighi bọ.

Jerimaya 41:16

Kụ aJohanan rꞌabuḍiemiom ẹgham mọ ọdi ọpham we phọ Ịsmael asiphi bọ rạḍuanam sịphe Mizpa mem mọ moghiigh bọ Gedalaya — weye ẹgham, nmạriir, nmụny, rꞌawe dị opho.

Jerimaya 42:20

mọ nyina remeel keḍighinaan oboom ọpioman. Nyina ịlom ịmi ọoḅereghinaan anyina Ọmoogh-we Ẹnaan phọ ayira, kụ ẹḅile eguanaan mọ nyina keḍighi tọrobo ịlo ọdi ạto.

Jerimaya 42:8

kụ mị aakpomoghi Johanan, oomo abuḍiemiom ẹgham mọ, bụdi ọrolan rꞌọdi, rꞌoomo ạbueri phọ awe phọ.

Jerimaya 43:2

kụ Azaria ọony aHosaya rꞌaJohanan ọony aKaria rꞌoomo ạbueri phọ awe ophoophe aloor phọ ụḅeni ịmi mọ, “Nạ rạgba ghan ọkpe. Ọmoogh-we Ẹnaan phọ ayira órom nyịna ọḅeni ayoor mọ yoor kúkeel ụtol ẹpe Ijipt.

Jerimaya 44:12

Ịlo egbolomaam we phọ aJuda bụphe osugha bọ kụ ọnya bọ ọghi ọrol ẹpe Ijipt, mị kạmiin ni mọ oomo ạbidi oogulaan. Oomo phọ ạbidi, bugbogh rꞌạbubam, komugh ni ẹpe Ijipt mụghumo erugh ẹgham mꞌạdol ọkoony. Bịdi kobeeph ni ọmiin; awe kopogh bịdi ọḅitonaan kụ ọsighe ḍien ạbidi oḍighi ịlo itonyonaan.

Jerimaya 6:13

Tọrotoro oye, bugbogh rꞌạbubam, robianan ghan ọmoogh ikpoki ịkaraph areten; ghạlamo ariil Ẹnaan phọ rꞌariil ạrikia phọ bịn roogbegheḍiom ni weye phọ.

Jerimaya 8:10

Kụ iḍighi kụ mị kạsighe iizo phọ ạbidi ạngo bumoom awe, ạḅile ạsighe nmạriir phọ ạbidi ạngo bụnon awe. Tọrotoro oye, mꞌogbogh mꞌọbam, rabianan ghan ọmoogh ikpoki ịkaraph areten. Ghạlamo ariil phọ ḅịle rꞌariil ạrikia phọ kẹn bịn roogbegheḍiom ni weye.

Izikiel 11:1

Uwaloor phọ Ẹnaan uphoophe ịmi kụ ụsighe ịmi ạghi ọnhu-aḍibuo ạga emitenom erumuḍio Otu Ịiḅereghi phọ. Sịphe etuman bọ ọnhu-aḍibuo phọ mị ụmiin ni ịyaldi rꞌoogh awe, ọḅaram rꞌaJaazanaya ọony Azur rꞌaPelataya ọony aBenaya, ịyal abuḍiemiom eelhe phọ.

Izikiel 33:31

Esi ịduon phọ ịbadi awe ookpomoghan ọnaghan ịlo nạ kạkaaph, kụ ọlo bịdi róḍighi ịlo nạ ạḅeni bịdi oḍighi. Ikpo ọnhu ẹphomoghian edi ịidoronhu ạbidi, kụ ọlo bịdi omeeraam dị bịdi bịn kụ kole ẹper.

Izikiel 8:11

Oḍualdi abuḍiemiom Ịzirel ụrol li sịphe, ọḅaram Jaazanaya ọony aSafan. Tọrobo ọnyo ạbidi ạpham ịyaar ọsuom ịnsens kụ ạmughi ramite ghan sịphe ịnsens phọ.

Matiu 15:8

“‘Ẹnaan ẹḅem mọ awe phọ ạbuen ọsighe ịidoronhu ạbidi bịn kụ rughueniom ghan ịmi, kụ iloghi ạbidi ịkelan ni ịmi iboom.

Iiḍighi 8:10

Kụ oomo awe ụnaghanan ghan ni nyọdi, emiigh kꞌọbam ẹteeny kꞌogbogh, kụ ọḅem ghan mọ, “Oye phọ ọphon ịikpo phọ Ẹnaan oghol bọ mọ ‘igbogh ịikpo phọ’.”