Jerimaya 41:1 - Ạḍinya Iigbia

¹ Ụnwanyu dị amuneniom oḍual sịphe ạlha phọ ạḍiphe, Ịsmael ọony aNetanaya rꞌọony ọony Elisama, ọlo eghunotu dị rọda ghan, rꞌoniin ogbogh ọnyo iiḍighi ọdaam mọ, ụghi ẹpe Mizpa rꞌiḍioph awe ọmiin aGedalaya. Mem dị oomo phọ ạbidi ookpomoghan role eḍien,

Jerimaya 41:1 Iomraidhean Croise

2 Sạmuel 3:27

Mem mọ Ạbner asi bọ Hẹbron, aJoab ạsighe ni nyọdi atenom ọgbal ẹpe ọnhu-aḍibuo phọ ẹghigh mụdi ọdi rạwa ọḅeni ịyaar ọgbal, kụ ẹpe phọ kụ ẹdi ọdi agim ẹleke ọkuruḅaka oye phọ. Ịduon kụ ịdi oghiigh bọ Ạbner loor esi dị ọdi maghiigh Ạsahel umor phọ aJoab.

2 Ạbudaam 11:1

Mem dị Atalaya onhiin phọ Ahazaya ạmiin bọ mọ ọony phọ ọno mamugh, bịn dị aḅetenu aphiemi oomo ọophi arughunughun phọ ịpe rẹda ghan bọ.

2 Ạbudaam 25:22

ẠNebukadnezar ọdaam mọ ạBabilon ạsighe Gedalaya ọony phọ Ahikam ọony phọ aSafan aḍighi uwo ẹmhu dị kapogh ghan we phọ ạbuphe ọwile bọ ẹpe ade phọ aJuda.

2 Ạbudaam 25:25

Ịphen phọ reru reten esi oḍual ụnwanyu bịn Ịsmael ọony phọ aNetanaya ọony phọ Elisama ọlo ạbuphe rọda ghan bọ ẹmha phọ, ọdi rꞌiḍioph awe, ọghi ọgurogh Gedalaya oghiigh, ọḅile ọze bụo aJu phọ rꞌạbuo ạBabilon phọ bụphe rꞌọdi ọrol bọ ẹpe Mizpa.

2 Krọnikuls 22:10

Mem mem mọ Atalaya, onhiin phọ Ahazaya ọdaam mọ, ạnaghan bọ mọ ọony phọ ọno mamugh, ọdi ạto mọ ophiemi oomo ọophi arughunughun phọ ịpe rẹda ghan bọ Juda.

Ạsuor 109:5

Bịdi ọsighe ghan ịkaraph kụ rọkpiom igey lọ mị aḍighi, ẹ́pomoghian kụ ọkpiom ẹphomoghian.

Ạsuor 41:9

Rꞌọkaraghi ọyaghiri phọ ạmi ọpo mị aḍuom bọ ologhi, rꞌạmi rolian ghan bọ riiḍien, makitonaan bịn uzuom ịmi.

Asidogh 13:10

Ophoophe aloor ọ́moogh ịyaar oḍighinom emuton ịiḅaghami. Ẹnighe ghụn opuru ọnon oye oroma.

Asidogh 27:4

Ophin-ologhi abeeph ni kụ rạpueghi ghan ni rạraar, kụ kị́yaar ọ́tomaam igbeghian.

Jerimaya 36:12

Kụ ọdi ạghi ogiga ọdaam mọ aḍigh osoph ọgeeghia ogiga ọdaam mọ, esi dị oomo ạbuo iiḍighi phọ mookpomoghan. Elisama ọgeeghia phọ, aDelaya ọony aSemaya, Ẹlnatan ọony Akbor, aGemaraya ọony aSafan, ạZedekaya ọony aHananaya rꞌoomo ạbueri phọ awe iiḍighi phọ ụrologhu ni.

Jerimaya 36:20

Awe iiḍighi phọ useere ni ḍịnya phọ osoph Elisama ọgeeghia ogiga ọdaam mọ, kụ ọghi ẹpe osoph ọdaam mọ; ịsiphe kụ ẹdi bịdi ọghaaph tọrobo ịyaar ọḅeni ọdaam mọ.

Jerimaya 39:14

ụsighe ịmi omitiom sịphe ogbo ogiga phọ. Bịdi useenaan ịmi Gedalaya ọony Ahikam rꞌọony ọony aSafan mọ ọdi ạmaar uphogh ịmi ạḅile ụsighe ịmi asiemi otu rꞌẹepho. Ịdipho kụ ẹdi mị ạrolan rꞌawe phọ.

Jerimaya 40:13

Ịphen reten, kụ aJohanan rꞌabuḍiemiom awe ẹgham mọ dị kőphoophe rạghaagh ọngo ogbogh ọdaam mọ ạBabilon oru ọteeny Gedalaya sịphe Mizpa,

Jerimaya 40:5

Mem dị mị ụ́pagharanaan, ạNebuzaradan ạḅem mọ, “Ḅula ạteeny Gedalaya, ọony Ahikam rꞌọony ọnyo aSafan, ọpo ọdaam-ẹmha phọ ạBabilon maḍighi bọ ogbogh ọdaam ạramha phọ aJuda. Nạ atue ni atughan rꞌọdi kụ ạtolan rꞌawe phọ, ḅịle nạ atue ni ạki tọrobo ekpisi lọ nạ ạatughian.” Pọ kụ amem dị ọdi ụngo ịmi ruunmo rꞌeḍien ọphamam kụ ọghi ekpisi lọ ịḅeeraan ịmi.

Jerimaya 40:6

Kụ mị agbi ọghi ọrolan rꞌaGedalaya sịphe Mizpa kụ orughan rꞌawe phọ ọwile bọ sịphe ade phọ.

Jerimaya 40:7

Buniin abuḍiemiom rꞌạbuo ẹgham mọ aJuda kőphoophe rạghaagh ạbidi ọngo ogbogh ọdaam mọ ạBabilon. Bịdi ọnaghan mọ ọdi maḍighi Gedalaya ọdaam-eelhe phọ kụ ạḅem mọ ọdi kụ aphogh ghan oomo ạbuphe kọ̋sighe bọ ọghimom ẹpe Bạbilonia — ọkaraghi arukulom mọ sịphe ade phọ.

Jerimaya 40:8

Kụ Ịsmael ọony aNetanaya, aJohanan ọony aKaria, aSeraya ọony aTanhumet, ạnmuny Efai ọlo aNetofa, rꞌaJezanaya ọlo aMaaka ọghimom rꞌawe ạbidi esi aGedalaya ẹpe Mizpa.

Izikiel 17:13

Ọdi ạsighe oniin ọlo eghun ọdaam mọ, ạgian ḍịnya ọḅoph ọnhu rꞌọdi, kụ aḍighi ịdi ọdi aghunya ịlo ọnaghanan ọdi. Ọdi asiph ikpolom awe ạḍuanam ịdipho ạbuo ikoli

Elegh ạJon 13:18

“Ịphen phọ mị rạ́kaaphaan oomo phọ anyina. Mị alegheri ni bụphe mị mạsaḅar bọ. Kụ ọlo ịpe ọge bọ pạ ạḍinya iigbia phọ kemite ni emuneen mọ, ‘Oye phọ ale ni eḍien phọ ạmi ạayom ẹkpa phọ.’