Jerimaya 4:9 - Ạḍinya Iigbia

⁹ Ọmoogh-we phọ ạḅem mọ, “Ḍio phọ ạḍiphe phọ ạbudaam-ẹmha rꞌạbuo ịtooghi kọ́moogh mun ạkpo ologhi; ariil ạrikia phọ kokperenom yogh ni ḅịle ariil phọ Ẹnaan komaghagha ni.”

Jerimaya 4:9 Iomraidhean Croise

2 Ạbudaam 25:4

Kụ okputon iikpe ẹmha phọ. Awe ạbuo ạBabilon oko ẹmha phọ okitonom mem mọ ạmuphe phọ ozuom ẹgham, kụ oomo awe ẹgham mọ aJuda osumughu ḍughul eten ịsiphe eḍighom ẹmha phọ sịphe ịbaay ịyal phọ iikpe phọ edi bọ sịphe ịigaany oghoony ozo ọdaam mọ; kụ ọdaam mọ asuma agheel ẹpe Eḍiiny ạJodan.

Ạsuor 102:4

Mụuzeghi ịmi ọkiom ude ịdipho ạtugharaghar ạroogho; ẹephua eḍien mẹḍua loor ạmi.

Azaya 19:16

Amem retu ni dị awe phọ Ijipt konakara ịdipho ạnir-ephoph. Bịdi kookpeka loor eegu aḍuugh mem dị bịdi ọmiin mọ Ọmoogh-we Oomo Ịikpo phọ mạgbuton ḍịghaagh ọlhiom ạbidi.

Azaya 19:3

Mị kạpue ni igbiighi ạbuo Ijipt phọ kụ asooromi igey ịitughian ạbidi. Bịdi kọlom ịkaaghineen ạrumugh ạbidi ọloghonaan ạbidi ḍịghaagh, kụ bịdi kọki ghan idike kụ opuru ghan ruwaloor iḍim oroma.

Azaya 28:19

Kabugh ghan bịn ạḅile abugh, ạḍiroor etum ḍịroor. Nyina kẹkparam ghan ḍughul rꞌootaany. Tọrobo aḍimoom adom dị ẹḍua kꞌẸnaan kẹpam ghan emoom ịyaar oghiilaan!

Jerimaya 2:26

Ọmoogh-we phọ ạḅem mọ, “Ịdipho roofolomi ghan bọ ọḅa lọ osiph, ịduon kụ ịdi koofolomi oomo awe phọ Ịzirel — bụdaam mọ anyina rꞌạbuo ịtooghi phọ, bụpinyon rịkia phọ rꞌariil phọ anyina.

Jerimaya 25:34

Imoghi yogh, nyina abukoriom awe phọ ạmi, nyina phọ repogh bọ weye phọ ạmi, imoghi yogh emitiom! Ikururu ẹḅile eekila ophugh. Amem mọ kịze bọ inyina mẹteeny, kụ kịkanyan inyina ịdipho idughuna.

Jerimaya 37:19

Eeghe kụ imitenaan riil phọ ạna bụphe ọḅeni bọ nyịna mọ ọdaam mọ ạBabilon nyịna ḅịle rꞌeelhe phọ ạna kázuom mọ?

Jerimaya 48:41

kụ rạmha phọ rꞌịikpara arikpisi phọ kọsighe ni. Ḍio phọ ạḍiphe awe ẹgham kọmoogh eepuph mụdi ạnir dị odi rꞌoghunughun.

Jerimaya 5:31

ariil Ẹnaan phọ rọgba ghan ọkpe bịn; ariil ạrikia phọ rọdaph ghan ịlo ariil phọ ọto, kụ awe phọ ạmi ụ́ḅem ịyaar. Kụ bịdi koḍighi bọ ika mem dị oomo phọ ịdi kesi bọ eekuna phọ?”

Jerimaya 52:7

Kụ okputon iikpe ẹmha phọ. Ghạlamo ịduon awe ạbuo ạBabilon oko bọ ni ẹmha phọ okitonom mem mọ ạmuphe phọ ozuom ẹgham, oomo awe ẹgham mọ osumughu ḍughul eten ịsiphe eḍighom ẹmha phọ sịphe ịbaay ịyal phọ iikpe phọ edi bọ sịphe ọgbal oghoony ozo ọdaam mọ; kụ ọdaam mọ asuma agheel ẹpe Eḍiiny ạJodan.

Iiḍighi 13:41

“‘Ịmiin, nyina ạbuphe isooromi bọ ịmi! Iyeela emuughu, loor esi dị oḍighi phọ mị raḍighi bọ ọrugh phọ anyina, nyina kémeeraam ni bịn, ghạlamo oye ạghaaph ni ịḅeni inyina.’”