Jerimaya 4:8 - Ạḍinya Iigbia

⁸ Kụ iḍighi kụ ịkpologhian rụsuoma ọto. Ẹḅile emoghi ẹlooghi, loor esi dị ogbogh ọghagh ologhi Ọmoogh-we phọ kọ̋ḍua esi aJuda.

Jerimaya 4:8 Iomraidhean Croise

Ạsuor 78:49

Ọdi aseenaan bịdi iboom ịiḅaghami, agananami oboom ophin ologhi phọ ọdi dị aru ịdipho ọokpaany aḍuugh.

Azaya 10:4

Kịze inyina mem ẹgham, iini inyuughi inyina ọloghoḍi ikoli. Ghạlamo ịduon ni bịn ọghagh ologhi Ọmoogh-we phọ kákunughian; ạḍighaagh ọdi kẹḅile ni esel ịlo ọlhiom ạbidi.

Azaya 13:6

Imoghi emoghi eephina! Aḍio Ọmoogh-we phọ mẹkpulan, aḍio phọ ḍịphe Ẹnaan Oomo Ịikpo phọ ketuom bọ muphe phọ.

Azaya 22:12

Egbogh Ẹnaan Oomo Ịikpo Ọmoogh-we phọ ịmagh ghan inyina mem mọ ọpo mọ imoghi rꞌọto, ịlo oghula ạrumhu anyina kụ oonmenan iinmenan ọto.

Azaya 32:11

Nyina edi ghan ni ḍiidugha ạdol dị ịiḅaghami ílho, kụ nyịidipho iikpeka rꞌoghiilaan! Ịkaranaan rukpe anyina kụ ẹkagha ịpherepe igbaany arukpe ọto ekitonom esin anyina.

Azaya 5:25

Ọmoogh-we phọ rạkagham ologhi we phọ ọdi kụ mạgbuton ḍịghaagh ọdi ọlhiom ạbidi. Aruugum mọ kepiigha ni, kụ bụphe momuughu bọ kọbile ni sịphe areten phọ ịdipho atopha. Ghạlamo ịduon ni bịn ọghagh ologhi Ọmoogh-we phọ kákunughian, kụ ọdi kạḅile ni asele ḍịghaagh ịlo ọlhiom.

Azaya 9:12

ẠSiria ạga phọ ọpo erumuḍio phọ remite ghan bọ rꞌaFilistia ạga phọ ọpo erumuḍio phọ remeel ghan bọ mọnya ophiemi Ịzirel. Ghạlamo ịduon ni bịn, ọghagh ologhi Ọmoogh-we phọ kősi eekuna; ạḅile ni ạgbuton ḍịghaagh ọdi ịlo ọlhiom ạbidi.

Azaya 9:17

Kụ esi ịduon Ọmoogh-we phọ kámeera rꞌoniin onyugheel akpetenaan, kụ ọdi káḍeenaan ọnma ighirigiir esi oniin ekpukele ạnir mꞌoniin ọnyigo ọony ịdi eḍighi bọ oomo awe phọ úlegheri Ẹnaan kụ obeeph kụ tọrobo ịyaar dị bịdi ọḅem pọ ịkaraph. Ghạlamo ịduon ni bịn ọghagh ologhi Ọmoogh-we phọ kákunughian kụ ạḅile ni ạgbuton ḍịghaagh ịlo ọlhiom ạbidi.

Azaya 9:21

Awe eghun phọ ạManase rꞌawe eghun phọ Ifraim robian ghan rạagham, kụ ọḅophoghan ozuom Juda. Ghạlamo ịduon phọ bịn, ọghagh ologhi Ọmoogh-we phọ ókunughian; ạḍighaagh ọdi ẹḅile ni esel ịlo ọlhiom ạbidi.

Jerimaya 25:34

Imoghi yogh, nyina abukoriom awe phọ ạmi, nyina phọ repogh bọ weye phọ ạmi, imoghi yogh emitiom! Ikururu ẹḅile eekila ophugh. Amem mọ kịze bọ inyina mẹteeny, kụ kịkanyan inyina ịdipho idughuna.

Jerimaya 48:20

‘ẠMoab mameel,’ bịdi kọpagharanaan, ‘moghinaan! Eḍighi roofola. Ịgba eleenye ọgbal Ọphiiny Anon mọ mophiemi Mọab!’

Jerimaya 6:26

Ọmoogh-we phọ ạḅeni weye phọ ọdi mọ, “Ịkpologhian ạsuoma ọto kụ eekila esi ọoru. Imoghi igey izin ịdipho oye lọ ogina ọony ọdi amugh loor esi dị ọpo ratu bọ oogulemi anyina kizuom ni inyina ekperenom.

Ịkunuma 1:12

“Uphogh ịmi!” ọdi amoghiom tọrobo ọlo raten. “Rꞌoye kőlhoghoma ghan eephina dị ẹrol ịduon ẹphen ạmi, eephina dị Ọmoogh-we phọ kụ uruom ịmi mem dị ophin ologhi kụ ạrol esi ọdi.

Izikiel 21:12

Moghi esi amukum ologhi, Oye dị kamugh ni; elhool ẹgham mọ ẹphen oseere ẹlo awe phọ ạmi rꞌẹlo oomo abuḍiemiom mọ Ịzirel. Kọze bịdi ọḅaram oomo ạbueri phọ awe phọ ạmi.

Izikiel 30:2

Ọdi ạḅem, “Oye dị kamugh ni, mịin ịmiin ạghaaph aleenye ịpe mị Ọmoogh-we dị ạmoogh oomo ịikpo phọ rạkaaph bọ. Nạ kạlooghiom ikpo ọnhu phọ ịphen: “Aḍio aḍiigu retu ni!

Joel 1:13

Ịkpologhian rụsuoma ọto kụ emoghi, nyina ariil ạrikia phọ, bụphe okumu ghan bọ sịphe enmeny phọ! Iḍigh Otu Ịiḅereghi phọ kụ emoghi oomo aḍughul phọ! Ịbiakpa rꞌamiim ílho mun ọngo Ẹnaan phọ anyina.

Ẹmos 8:10

Mị kakiton rạyaal anyina atene simaḍi, kụ mị anme sụor iboh anyina atene romoghi amukum ologhi. Mị kaḍighi ịdi nyina kẹsama yogh rụmhu kụ ẹkpologhian iinmenan ọto, kụ nyina ẹkigh ọde rꞌonhiin dị rọto ogina ọony. Aḍio phọ ạḍiphe phọ kekiḍim ni kꞌeekuna phọ.

Maika 1:16

Weye aJuda, ịsama sịlaal anyina kụ eḍeenaan okururu loor ạnmuny phọ nyina ẹphomoghian bọ. Ạrumhu anyina ekpokolo ịdipho ịlo ạredelhe, loor esi dị kọsighe nmụny anyina rạghaagh anyina ọkimom ẹnon ekpisi ọrolomi ạdol iiruen.

Igbiighi 25:4

Kụ Ọmoogh-we phọ ạḅeni Mozis mọ, “Sịghe oomo ạbuo ạrumhu phọ Ịzirel asinogh bịdi egbodo ạmi, sịphe ogogo phọ, bịn mị kạ́mooghom mun ophin ologhi we phọ.”