Jerimaya 4:7 - Ạḍinya Iigbia

⁷ Ịdipho ạnam-dịka rạḍua ghan bọ esi ịbooghian ọdi kamite, kụ ẹdi oye dị kaagulemi reelhe phọ maḅetenu. Ọdi ratu ni oogulemi aJuda; Igbogh ạramha phọ aJuda keegulaan ni, kụ oye kátugh mun sịphe phọ.

Jerimaya 4:7 Iomraidhean Croise

2 Ạbudaam 24:1

Mem mọ ạmuphe aJehoyakim ạda bọ, ạNebukadnezar ọdaam mọ ạBabilon azuom Juda ẹgham kụ aJehoyakim aḍighi otelhedom ọdi ịraar ạsia, kụ ọdi akiton ạmoogh oḅom ẹmhu ọ́naghanan mun nyọdi.

2 Ạbudaam 25:1

ẠZedekaya ạḅaar ẹmhu esi ạNebukadnezar ọdaam mọ ạBabilon. Omuneniom ḍioph aḍio omuneniom ḍioph ụnwanyu esi ạlha dị emuneniom esugha dị ạZedekaya mạda bọ, ạNebukadnezar ọdaam mọ rꞌaḍita awe ẹgham mọ ọdi ọghi ozuom ẹgham Jeruselem. Adoghoḍi rugbogo akitonom, adoghoḍi ruutu ẹgham akoom Jeruselem.

Azaya 1:7

Eelhe anyina mophiemi, kụ rạmha anyina mọsuughi nịan oogulemi kꞌude. Nyina repogh ni kụ aruuruen phọ ọsighe bọ de phọ anyina opiemiom oomo ạraraar.

Azaya 5:9

Mị mạnaghan ni ịdi Ọmoogh-we oomo ịikpo phọ rạḅem mọ, “Oomo igbogh ịma aruutu phọ ịphen kepe ni oopho.

Azaya 6:11

Mị apuru mọ, “Kꞌạpur amem kụ ẹdi kẹtol bọ ịduon, Ọmoogh-we?” Ọdi ụphagharanaan ịmi mọ, “Tụtu oogulemi rạmha phọ ọman — tụtu útughogh mun ruutu phọ — tụtu ade phọ rꞌaloor eḍighi ọkpagha.

Jerimaya 2:15

Bịdi rogbophoghu ghan kophoghom nyọdi ịdipho ạnam-dịka; bịdi motene de phọ ọdi de ophugh, ḅịle ạramha phọ meegulaan, oomo awe phọ mosumughu.

Jerimaya 22:6

“Esi ạmi, ẹnighe ogiga phọ aJuda kọmaaniom ẹnighe ade phọ ạGiliad ḅịle kẹn rꞌạraaḅaraph phọ ạLebanon; kụ ọlo mị kạsighe ni atene ọkpagha dị oye katugh mun.

Jerimaya 22:7

Mị ratom weye mọ oru oogulemi ogiga ọdaam-ẹmha phọ. Bịdi kọpam ni sikubu ạbidi otumom kụ olereghiom ịma ikpo aroko ọsaga phọ ọdi, kụ ọsighe oguom nịan.

Jerimaya 25:38

Ọmoogh-we phọ mạḅitonaan weye phọ ọdi ịdipho ạnam-dịka lọ mẹḅitonaan epogh ọdi. Ạraraar aruugu ẹgham mọ ḅịle kẹn rꞌoboom ọghagh ologhi Ọmoogh-we phọ mekiton ẹmha phọ etene de ophugh.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 26:9

Eeghe kụ iḍighi kụ nạ ạsighe bọ ḍien Ọmoogh-we phọ rạḅemom ghan mọ Otu Ịiḅereghi phọ ọphon kạtol ịdipho aSailo ḅịle kẹn mọ koogulemi ẹmha phọ ẹphen kụ mọ oye kátugh mun sịen phọ?” Ọpo kụ amem dị awe phọ ukoom ịmi.

Jerimaya 27:8

“Kụ eḍighi ịyaar dị eelhe, mꞌọmar, késooromi loor ẹ́ngo ịtooghi phọ ọdi, pọ mị kạsighe ẹgham, ọkoony rꞌẹzegh kụ ạliom eelhe phọ tụtu mị ạngo ọgel ạNebukadnezar mọ aphiemi bịdi ạman.

Jerimaya 33:10

Ọmoogh-we phọ ạḅem, “Awe rọḅem ghan mọ esi phọ ịsien ẹkigh de ịisaar dị awe rꞌịnam ítugh. Kụ bịdi ụ́pioman; ạramha phọ aJuda rꞌaroḅodo phọ aJeruselem epoghogho ni; awe rꞌịnam ílho ghan. Kụ ọlo riisi phọ ịphen nyina kẹḅile ni ẹnaghan

Jerimaya 34:22

Mị kạto ạḅeni kụ bịdi kotigheel sịen ẹmha phọ ẹphen. Bịdi kozuom ni, ọsighe, kụ ọsu nịan oogulemi. Mị kaḍighi rạmha phọ aJuda mụdi ade ịisaar dị oye útugh. Mị, Ọmoogh-we phọ, kụ mạḅem.”

Jerimaya 4:29

Mem dị ọnaghan ḍịgum awe ẹgham dị oḍiku ạsu rꞌạbudi ọpham sịkumugh, tọrotoro oye kakiil li asuma. Abuniin kokiil osuma ẹekpua, ạbunon ọsiiny ạnyu igbo asighiigh. Oye kạ́tol mun rạmha phọ, kụ oye kátugh mun kẹn ni sịphe phọ.

Jerimaya 44:2

Ọmoogh-we Egbogh Ẹnaan phọ Ịzirel ạḅem mọ, “Nyina rꞌaloor mẹmiin ni ịpe mị aphiemi bọ Jeruselem rꞌoomo ịpheri phọ ạramha phọ aJuda. Kꞌạnyiidipho bịdi eegulaan ni kụ rꞌoniin oye ólho ẹpe

Jerimaya 46:18

Mị Ẹnaan Oomo Ịikpo Ọmoogh-we phọ, mị kụ ọdaam. Mị kụ Ẹnaan phọ edi ghan bọ. Ịdipho Eegum aTabor epeleghom bọ rạaḅaraph phọ kụ Eegum ạKarmel ephoph bọ epeleghom ọphiiny phọ, ịdipho kụ ẹdi ịikpo ọpo kizuom bọ inyina kẹtol.

Jerimaya 49:19

Ịdipho ạnam-dịka dị ẹḍua emite rụukpua phọ ịpe edi bọ ọgbal ạJodan kụ rẹki de ạroogho, kụ ẹdi mị katu aḍighi ịdi awe Idom kokiil ekperenom ọḍua sịphe eelhe phọ ạbidi. Kụ oḍiemiom mọ ọpo mị ạsaḅar bọ kạda ni eelhe phọ. Ạnhian kụ ẹdi kụtomaam ịmi nụun? Ạnhian kụ kạmeera ghisigh ạmi? Ọghen ọdaam ẹmha kụ katue apogh egbodo ạmi?

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Jerimaya 50:17

Ọmoogh-we phọ ạḅem mọ, “Awe phọ Ịzirel ọkigh iyool-ịga, dị ạnam-dịka ephorogh ẹewalalami. Emiighom mọ, ọdaam-ẹmha phọ Asiria kụ azuom bịdi kụ, ịphen reten, ạNebukadnezar ogbogh ọdaam mọ ạBabilon ạraal ịḅarara ạbidi.

Jerimaya 50:44

“Ịdipho ạnam-dịka dị ẹḍua emite kꞌạruukpua phọ ịpe edi bọ ọgbal ạJodan kụ rẹki de ạroogho, kụ ịdi mị Ọmoogh-we phọ katu kụ aporogh we ạBabilon ekperenom sịphe ẹmha phọ ạbidi. Pọ kụ amem dị oḍiemiom mọ mị ạsaḅar bọ kạda eelhe phọ. Ạnhian kụ ẹdi kụtomaam ịmi nụun? Ạnhian kụ kạmeera ghisigh ạmi? Ọghen ọdaam ẹmha kụ katue apogh egbodo ạmi?

Jerimaya 8:16

Ẹpomoghian phọ ayira mosi ghụn ni ẹpe ẹmha phọ ạDan; yira rọnaghan ni ḍiphooghu ạrusu phọ ạbidi. Aruugu rasiph ni oomo phọ ade phọ mem dị ạrusu phọ ạbidi ẹḅeela. Ẹpomoghian phọ ayira moru oogulemi ade phọ ayira rꞌoomo phọ ạraraar phọ edi bọ sịen ade phọ, ẹmha phọ ayira rꞌoomo phọ awe phọ ọdi.”

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Izikiel 12:20

Kopiemi rạmha dị nyịidipho awe omuza ni, kụ oḍighi eelhe phọ ẹdala. Pọ kụ amem dị bịdi kolegheri mọ mị kụ Ọmoogh-we phọ.”

Izikiel 21:31

Nyina keloghoma ọghagh ologhi ạmi mem dị mị ạkatan nyọdi esi anyina ịdipho ạnian dị reemor. Kụ mị kịḅogh inyina ạlogh rạghaagh awe ẹkaraph ẹzo, rephelegbe esi ophiemi.

Izikiel 32:2

Ọdi ạḅem mọ, “Oye dị kamugh ni, pụr rụru ọdaam mọ Ijipt. Ḅẹni nyọdi dom mọ aḍien dị ẹḍua ḍịghaagh ạmi: Nạ raḍighi ghan ịdipho ạnam-dịka sịphe ogbo areelhe phọ, kụ nạ ạkar ạtol mụdi eghol dị rẹguph kẹḅeeny ọphiiny. Nạ agir mụum mọ rꞌaruwol ạna kụ ạpue rịphiiny phọ.

Dạniel 5:19

Ọdi ạbugh ni ḍịbugh dị awe ạtorobo eelhe rꞌeḍighinom ịyaar rꞌọnhu kịrokiro oghiilaan ghan ni nyọdi kụ okpereghaan ghan. Eḍighi mạar lọ ọdi ạwa oghiigh oye, aghiigh ghan bịn; eḍighi mạar lọ ạwa oseere oye, ọdi aḍighi ghan bịn. Ọdi aghueni ghan mụghumo oofolomi oye ịlo ẹḅeeraan nyọdi.

Dạniel 7:4

Ẹḅel phọ ịghigh ạnam-dịka, kụ ọlo ẹmoogh raphaaph ịdipho ịlo uga. Mị odi ni rapogh bịn ụphanyi ni raphaaph phọ ọsighiogh. Uphoophe ẹnam mọ ọmeremi mụdi oye, kụ ọngo nyọdi ologhi oye.

Lịvitikos 26:31

Kụ mị kakiton rạmha phọ anyina atene ịzeghe, kụ mị apiemi riisi ooseeny phọ anyina, kụ akel ọsighe ạrikia phọ anyina.

Lịvitikos 26:33

Kụ mị ịwalalami inyina aleenye oomo areelhe, kụ mị ạsighe elhool ẹgham iphoroghom inyina, kụ ade phọ anyina eguul, kụ ạramha phọ anyina epe.