Jerimaya 4:6 - Ạḍinya Iigbia

⁶ Ịma eten phọ rẹki bọ Zạyon! Ikiil ẹghi ạaghian! Kétoph mem! Ọmoogh-we phọ mạsighe ịminimiin ratu; ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 4:6 Iomraidhean Croise

Azaya 62:10

Weye aJeruselem, ịḍua sịphe ẹmha phọ Kụ ẹsamanaan eten we phọ anyina rotigheel bọ! Iseleminaan bịdi oḅodo, ẹsighiogh sighiigh phọ eroḅologhi! Ịkpo ạlagba oḍeenaan ọbo areelhe olegheriom

Jerimaya 10:22

Iler aḅeri! Ịinaghan meru! Iboom ịlooghi edi ni eniin eelhe ẹpe ephunom mọ; awe ẹgham mọ ạbidi kọsighe ni rạmha phọ aJuda otene de ophugh, ekpisi dị ạsino bịn kụ erugh.”

Jerimaya 18:11

Kụ iḍighi kụ ḅẹni weye phọ aJuda rꞌaJeruselem mọ mị ragbiighi ni ạḅile raakolobian ọliom ạbidi. Ḅẹni bịdi mọ ọwile ọrol ạdol ịkaraph — mọ bịdi onme reten phọ rꞌeḍighinom ạraraar phọ ạbidi.

Jerimaya 21:7

Kụ ọlo ịlo anyina, ạbuo ịtooghi phọ anyina, ḅịle kẹn rꞌawe lọ okpetenaan ẹgham mọ rꞌịgbakuro phọ ḅịle kẹn rꞌẹzegh phọ — mị kameera ni mọ ạNebukadnezar ọdaam mọ ḅịle kẹn rꞌawe ẹpomoghian phọ anyina bụphe rọwa bọ ọze anyina, isiphi inyina ọḍuanam. ẠNebukadnezar kụ kịze inyina. Ọdi kásugheeny rꞌoniin ọnyo anyina mụghumo ọnma ighirigiir ọnyo anyina. Mị, Ọmoogh-we phọ, kụ mạḅem.”

Jerimaya 22:7

Mị ratom weye mọ oru oogulemi ogiga ọdaam-ẹmha phọ. Bịdi kọpam ni sikubu ạbidi otumom kụ olereghiom ịma ikpo aroko ọsaga phọ ọdi, kụ ọsighe oguom nịan.

Jerimaya 25:9

‘Mị katom ni ạkiomaan oomo awe phọ odi bọ ẹpe ephunom mọ, ḅịle kẹn rꞌotelhedom mọ ạmi Nẹbukadnezar ogbogh ọdaam mọ ạBabilon. Mị kạsighe ni bịdi atu mọ eenan ẹgham rꞌawe phọ aJuda ḅịle rꞌoomo areelhe phọ etuman bọ bịdi. Mị kaagulemi eelhe phọ ẹphen rꞌạbuphe otuman bọ bịdi kụ bịdi ọtolom ịdipho kꞌagee-pọ, kụ eḍigh ruugu ọmiin ghan. Mị, Ọmoogh-we phọ, kụ mạḅem.

Jerimaya 4:21

Mị kạmiin ghan oghur ẹgham mọ ạḅile ạnaghan ọkuodu ẹgham mọ kꞌạpur-aḍio?

Jerimaya 50:2

“Ịgba iphiligba phọ ẹḅeni reelhe phọ! Igbeelom! Iḍeenaan elegh phọ ẹkar eeleghemi iphiligba phọ! Kẹ́booghinaan we! ẠBabilon mameel. Eru phọ ọdi Maduk moḅomoghi! Ịkaaghineen ạrumugh phọ ạBabilon moseere dọl aroofola! Igbudu isa phọ ọdi mootughuḍi!

Jerimaya 50:22

Ọnaghan ẹḍogh ẹgham sịen ade phọ, ḅịle rꞌoboom ọphueghi ạraraar.

Jerimaya 51:12

Ịngo elegh ozuom iikpe ạBabilon. Ịkparami bukoriom mọ. Itom bụo ọmeregha phọ! Isereghi we riisi ịbooghian!” Ọmoogh-we phọ maḍighi ịpe ọdi ạḅem bọ mọ ọno kaḍighi we ạBabilon phọ.

Jerimaya 51:27

“Ịngo elegh ozuom mọ! Ipula ọkuodu phọ ẹrol dị areelhe phọ ọnaghan! Ịḅeni reelhe phọ ọnyaaghian eenom ẹgham rꞌạBabilonia! Ịḅeni ọmar kịrokiro ạbuphe Ạrarat, Mini rꞌAskenaz mọ ozuom. Ịma ogbogh dị kaḍiemiom ozuom mọ! Ịpam erumom rụsu phọ ịdipho aḍita igurubia.

Jerimaya 51:54

Ọmoogh-we phọ ạḅem mọ, “Ịnaghanan ẹḍogh emoghi ẹpe Bạbilon, emoghi ịlo ạraraar dị mophiemi sịen ade phọ.

Jerimaya 6:1

Weye ạBenjamin, ikiil esumughu! Isumughu ẹḍua Jeruselem! Ipula ọkuodu phọ ẹpe Tekoa kụ ẹkpooni nịan eḍeenaan phọ ẹpe Bẹt Hakherem. Ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 6:22

Ọmoogh-we phọ ạḅem mọ, “Awe mọḍua eniin eelhe ẹpe ephunom mọ rotu; eelhe dị ẹmoogh ịikpo kụ ẹkel iboom, bịdi rookolobian ẹgham.

Izikiel 9:1

Pọ kụ amem dị mị ạnaghan Ẹnaan dị ẹlo mọ, “Itu ẹphen, nyina awe phọ ạbuphe kọmiine bọ ẹmha phọ. Ịsighe rẹenema phọ anyina erumom.”

Izikiel 9:2

Egina amem bịn odiiny awe ụḍua ni ẹpe ọnhu-aḍibuo erugh ọpo ephunom Otu Ịiḅereghi phọ oru, tọrobo ọnyo ạbidi ạpam ẹenema. Rꞌạbidi ạrol li oye dị aanmenan ịyegheyeghe arukpe, ạpam ịyaar ọgeom. Oomo phọ ạbidi oru kụ ọmeera ọogaany enmeny enaba phọ.

Zẹfanaya 1:10

“Ḍio phọ ạḍiphe,” Ọmoogh-we phọ ạḅem, “Nyina kẹnaghan ni emoghi sịphe Ọnhu-aḍibuo Ina phọ ẹpe Jeruselem. Nyina kẹnaghan ni ịlooghi ạga amumoom amarugh ẹmha phọ rꞌẹḍogh dị kẹtol mụdi ịyaar kụ imeel eetughuḍian ạnyu aroogbolom mọ.

Zẹkaraya 6:6

Oghuugh-ude phọ ọpo iḍiil ạrusu phọ kụ eḍur ghan bọ anyeene ẹpe ephunom mọ rạki Bạbilonia; ịphalaḅaal ạrusu phọ inyeene ẹpe erumuḍio phọ remeel ghan bọ, kụ ịpe epoghogho bọ inyeene eelhe ẹpe esoorom mọ.