Jerimaya 4:5 - Ạḍinya Iigbia

⁵ Ipula ọkuodu phọ ẹghiom ạnyu de phọ! Ịlo emitiom agey! Ịḅeni weye aJuda rꞌaJeruselem mọ oghiil oḍiku rạmha phọ ịpe oghoony bọ.

Jerimaya 4:5 Iomraidhean Croise

Azaya 28:19

Kabugh ghan bịn ạḅile abugh, ạḍiroor etum ḍịroor. Nyina kẹkparam ghan ḍughul rꞌootaany. Tọrobo aḍimoom adom dị ẹḍua kꞌẸnaan kẹpam ghan emoom ịyaar oghiilaan!

Jerimaya 11:2

“Nạghan iilogh ịyo phọ. Ḅẹni weye phọ aJuda rꞌaJeruselem

Jerimaya 35:11

Kụ mem mọ ạNebukadnezar ogbogh ọdaam mọ aḍigh bọ eelhe phọ rꞌẹekpara ekpeḍien, kụ ẹdi yoor ụutughian bọ oru sịen Jeruselem ịlo okpetenaan we ẹgham mọ ạBabilon rꞌạSiria. Ịdipho kụ iḍighi bọ kụ ẹdi yoor odi ghan bọ Jeruselem.”

Jerimaya 5:20

Ọmoogh-we phọ ạḅem mọ, “Ḅẹni ẹemara ẹemara phọ ạJekob, ḅẹni weye phọ aJuda:

Jerimaya 6:1

Weye ạBenjamin, ikiil esumughu! Isumughu ẹḍua Jeruselem! Ipula ọkuodu phọ ẹpe Tekoa kụ ẹkpooni nịan eḍeenaan phọ ẹpe Bẹt Hakherem. Ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 8:14

Awe phọ Ẹnaan opuru mọ, “Eeghe kụ iḍighi kụ yira ọtol bọ bịn oḅoorian? Itu yira kokiil ọki ẹpe igbogh ạramha phọ oghoonyogh bọ kụ ọtol omuughu. Ọmoogh-we Ẹnaan phọ ayira mụḅogh iyira ạngo ḍuugh; ọdi mạsighe ịyaar dị kekiigh oye ụngo iyira mọ ọphughol, loor esi dị yira moḍighi ịkaraph esi ọdi.

Jerimaya 9:12

Kụ mị apuru mọ, “Ọmoogh-we, eeghe kụ iḍighi kụ ade phọ mẹgharaghar bọ eten ẹdala phọ, dị tụtu oye ráten ghan mun bọ? Ạnhian kụ ạsu ologhi dị katue alegheri ịphen phọ? Ạnhian kụ ẹdi nạ mạḅeni ghan ịphen phọ, pịdi ọdi ạḅeni bụnon awe?”

Izikiel 7:14

Ọkuodu phọ ạḅa, kụ tọrobo oye aakolobian. Kụ ọlo oye ólho dị kạki ẹgham, ịdi eḍighi bọ ọghagh ologhi Ẹnaan kasoorom ni tọrobo oye iniin phọ.

Hosia 8:1

Ọmoogh-we phọ ạḅem mọ, “Pula eeḍue phọ! Ạbumulogh-ḍien rosoor ghan de phọ ạmi ịdipho aruga. Awe ạmi moogbonyon ịyo phọ mị aghiran bọ rꞌạbidi kụ mọḅaar ẹmhu esi ịtughemi phọ ạmi.

Joel 2:1

Ipula eeḍue ẹpe Zạyon; ekar ogele ẹeḅaraph iigbia Ẹnaan phọ. Weye aJuda, ikpereghaany! Aḍio Ọmoogh-we phọ retu. Mesi ẹda ạḍighaagh.

Ẹmos 3:6

Ọkuodu ẹgham kạḅa ni ẹmha dị awe phọ kọ́moogh oghiilaan ḍụghum? Ịiḅaghami kemite ni ẹmha dị Ọmoogh-we phọ kútom ḍụghum?

Ẹmos 3:8

Mem dị ạnam-dịka mamoogha, ạnhian kụ ẹdi kạ́moogh oghiilaan. Mem dị Ọmoogh-we Oomo Ịikpo phọ mạḅa, ạnhian kụ ẹdi kápiigha ogbeel adom mọ?

Igbiighi 10:2

“Sịghe silva ạlemom ịyal ạrukuodu; ạmaar ạgbe ạzeghe kụ ạsighe ạlemom. Nạ kạsighe ghan rụkuodu phọ ịphen kụ agbologhom ghan ḍita awe phọ Ịzirel, ḅịle rꞌamem lọ kọḍua sịphe arugbogo phọ omiigh erelhe.

Igbiighi 10:3

Tọrobo amem lọ nạ aphula ịyal phọ ịdi ạdoonye, pọ oomo aḍita awe phọ Ịzirel ookpomoghan ghan esi ạna sịphe ọnhu-aḍibuo Ogbogo Ạdol phọ ạmi.

Josua 10:20

Mem dị aJosua rꞌawe phọ Ịzirel mọze bịdi ẹziom dị ẹphughan, ọboor bịdi ọmadan. Kụ ịyal-ikpo ạbudi osugha bọ osumughu ogheleghu rạmha dị oghoonyogh.