Jerimaya 4:27 - Ạḍinya Iigbia

²⁷ (Ọmoogh-we phọ mạḅem mọ oomo phọ ade phọ keḍighi ẹdala, kụ ọlo mọ ọno káagulemi ạmadan.)

Jerimaya 4:27 Iomraidhean Croise

2 Krọnikuls 36:21

Ịduon phọ ịpe Ọmoogh-we phọ mạḅeni bọ Jerimaya oyil phọ emiteghu ni: “Ade phọ keḍighi ni ọkpagha esi rꞌoḍualdi ạsia omuneniom ophooghian phọ ọpo awe úpooghian ghan bọ.”

Nehemaya 9:31

Kụ kẹn ni, loor esi ogbogh ọnma ighirigiir phọ ạna, nạ óghinom, ḅịle óphiemi bịdi. Nạ Ẹnaan ạghusan rꞌọnma ighirigiir.

Azaya 17:6

Iikoma awe bịn kụ kọtol, kụ Ịzirel kạkigh oreeny-ọliv dị mọku ọman emuton ịyal mꞌịraar arughuuny lọ esugha kꞌẹpe eekuna ạnyu phọ mꞌẹphurukpu dị ọwile ẹphen ịla ude phọ. Mị Ọmoogh-we Ẹnaan phọ Ịzirel phọ mạḅem.”

Azaya 24:1

Ọmoogh-we phọ kaagulemi ni de phọ kụ atene ọkpagha. Ọdi kakpululumi ni ạnyu ade phọ kụ ạwalawalami we phọ.

Jerimaya 18:16

Bịdi mọsighe de phọ ạḍien oḍighi ịlo aruugu, ịyaar dị kọḅitonaan kꞌagee-pọ. Keḍigh ni ruugu esi oomo awe lọ roten; bịdi kooḅoghomi ghan ni rụmhu ạbidi omaghagha.

Jerimaya 25:11

Oomo phọ ade phọ ạḍien keegulaan bịn kụ ẹtolom kụ eḍigh ruugu ọmiin ghan, kụ areelhe phọ ịpe etuman bọ kekumu ni ọdaam-ẹmha phọ ạBabilon oḍualdi ạsia.

Jerimaya 30:11

Mị katu ni esi anyina ịtagharan inyina. Mị kapiemi ni oomo areelhe phọ ẹpe mị ịiwalalami bọ inyina, kụ ọlo mị inyina kíphiemi. Mị kạ́bile ọliom anyina kụ mem dị mị ịliom inyina, mị kạtuugh ni eḍighinom. Mị Ọmoogh-we phọ kụ mạḅem.”

Jerimaya 4:20

Iniin ịiḅaghami ẹdaph ịnon; oomo phọ ẹmha phọ meguul. Mophiemi rugbogo phọ ayira ekperenom, mọphanyi rukpe eghuugh phọ.

Jerimaya 4:7

Ịdipho ạnam-dịka rạḍua ghan bọ esi ịbooghian ọdi kamite, kụ ẹdi oye dị kaagulemi reelhe phọ maḅetenu. Ọdi ratu ni oogulemi aJuda; Igbogh ạramha phọ aJuda keegulaan ni, kụ oye kátugh mun sịphe phọ.

Jerimaya 44:6

Ịpe kụ iḍighi kụ mị aakuom bọ ọghagh ologhi ạmi rꞌophin ologhi ạmi rạmha phọ aJuda rꞌẹpe aroḅodo phọ aJeruselem, kụ mị ạsu bịdi nịan. Bịdi eegulaan kụ ebeeph ọmiin, ịdipho edi bọ kꞌarodon.

Jerimaya 46:28

Mị katu ni ịteeny inyina kụ ịphel inyina. Mị kapiemi ni oomo areelhe phọ ẹpe mị mịiwalami bọ inyina kụ ọlo mị inyina kíphiemi. Mị kạ́bile ọliom anyina; kụ ọlo mem dị mị ịlhiom inyina, mị kapogh ni esi akpo ukpe. Mị Ọmoogh-we phọ, kụ mạḅem.”

Jerimaya 5:10

Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Jerimaya 5:18

Ọmoogh-we phọ ạḅem mọ, “Ghạlamo ariiḍio phọ ịpe phọ ni mị káagulemi ạmadan weye phọ ạmi.

Jerimaya 7:34

Ade phọ keten ọkpagha. Sịphe ạramha phọ aJuda rꞌaroḅodo phọ aJeruselem mị kakunughi ḍịolho iboh rꞌạsuor ọḅaal ologhi amem apinien.

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Ịkunuma 2:7

Ọmoogh-we phọ aghel enmeny ọphinyon ẹkia phọ ọdi kụ ạwile Otu Ịiḅereghi phọ ạḍua. Ọdi ạngo ọgel kụ ạbumulogh-ḍien phọ olhereghi iikpe phọ. Bịdi ọlo ḍịolho ọkpar opu esi phọ yoor ọrol ghan bọ kụ ooseeny rꞌiboh.

Izikiel 11:13

Ịduon mị rạkaaph bọ ọghaaph phọ, aPelataya ameel bịn amugh. Mị alher loor ạmi azumeri risigh sịphe ude phọ kụ ạlho, “Kị́dipho, Ọmoogh-we dị ạmoogh oomo ịikpo. Nạ kakiigh ni tọrobo ọlo asugha sịen Ịzirel ḍụghum?”

Izikiel 20:17

“Kụ ọlo mị ụnma ni bịdi ighirigiir. Mị agbiighi mọ mị kạ́ze bịdi ẹpe ologhi ẹdala phọ.

Izikiel 33:28

Mị katene eelhe phọ de dị ịyaar ílho, kụ ịikpo phọ bịdi roobagaam ghan bọ kekunughian. Ạraaḅaraph phọ Ịzirel kebeeph iboom dị rꞌoye kátelhe ạ́ḅeeny.

Izikiel 6:14

Agey ni, mị kạgbuton amitiom ḍịghaagh ạmi kụ apiemi eelhe ạbidi. Amarugh phọ ạbidi kaḍighi ọkpagha emiigh kꞌẹdala ẹpe ạga esoorom mọ kụ ẹghi esi ẹmha aRibla ẹpe ạga ephunom mọ, kósugheeny rꞌeniin esi dị awe phọ Ịzirel orugh. Pọ kụ amem dị tọrobo oye kalegheri mọ mị kụ Ọmoogh-we phọ.”

Lịvitikos 26:31

Kụ mị kakiton rạmha phọ anyina atene ịzeghe, kụ mị apiemi riisi ooseeny phọ anyina, kụ akel ọsighe ạrikia phọ anyina.

Lịvitikos 26:44

Ghạlamo ịdipho bịdi odi bọ ni ẹpe areelhe ạbumulogh-ḍien phọ ạbidi, mị kạ́tu ịpe bịn amutonaan bịdi. Mị kạ́tu ịpe bịn akel bịdi ạḅitonaan bịdi, aguule bịdi, ạphue ịyo phọ bịdi rꞌạmi oghiran bọ. Mị kụ Ọmoogh-we Ẹnaan phọ ạbidi.

Zẹfanaya 1:18

Ḍio dị Ọmoogh-we phọ aḍeenaan ọghagh ologhi ọdi, ghạlamo oomo asilva rꞌagol ạbidi bịn kẹ́pel bịdi. Ạnian ophin ologhi ọdi kele epiemi oomo ade phọ. Ekperenom bịn ọdi kakunughi tọrobo oye lọ odi sịen ade phọ.