Jerimaya 4:22 - Ạḍinya Iigbia

²² Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 4:22 Iomraidhean Croise

Emiighom 39:16

Ạnir phọ ạpham ạsuoma phọ ọdi tụtu ọde-otu phọ arigheel,

2 Sạmuel 13:3

Kụ ọlo ọony phọ ạmoogh ni ọyaghiri dị ạsu ologhi iboom, dị oghol mọ ạJonadab, ọony umor aDevid dị oghol mọ Sama.

Ạsuor 36:3

Ọghaaph ọdi, ọghaaph iigbegheḍiom rꞌọkpe bịn, ọdi maghel olegheri ịyaar rꞌoḍighan ịlo ẹnighe.

Ạsuor 36:4

Ịkaraph igbiighi bịn kụ ịitughian ọdi mem lọ ọdi ạmina; aseerian loor phọ ọdi ịkaraph igbiighi, óghel sịpioghom.

Ạsuor 53:4

“Bịdi phọ úlegheri?” Ẹnaan epuru. “Abuḍighinom ịkaraph phọ ạbuen phọ olegheri-ịyaar ụ́moogh ḍụghum? Bịdi odianaan omiighi ghan ạraraar awe phọ ạmi ḅịle bịdi ịmi rụ́uḅereghi ghan.”

Ạsuor 82:5

“Nyina edi ni élegheri. Nyina ighiil awe. Nyina ẹpu ni bịn ẹbugh, ḅịle igey ịiruen mephe aḅirini phọ.

Asidogh 28:5

Ạbukaraph awe úlegheri ịyaar dị iiḅi ịiruen eru, kụ ạbuphe rooseeny ghan bọ Ọmoogh-we phọ kụ ụkar ọnaghanan.

Azaya 1:3

Ạsinam elegheri ni nyọpo ạmoogh bọ bịdi, kụ ịnam adool elegheri ni ekpisi dị uwotu ạbidi rạngo ghan bịdi eḍien. Kụ ịpe awe phọ ạmi Ịzirel útue ulegheri. Bịdi ụ́naghanan rꞌẹnum.”

Azaya 27:11

Ịla ireeny phọ mẹgharaghar kụ eḅonyonu, kụ ạnmariir ọso eḍighi ịpe ạnian. Loor esi dị awe phọ ịyaar kőlhegheri bọ, Ẹnaan Ọlemia phọ ạbidi kạ́nma bịdi ighirigiir ḅịle kạ́seenyaan bịdi.

Jerimaya 10:8

Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 13:23

Oḍiil oye katue ni anme ḍizu phọ ọdi ḍụghum, ḅịle kẹn ootiir katue ni agburagha ikpem mọ ịpe oti bọ loor phọ ọdi ḍụghum? Eḍighi ịyaar dị bịdi kotue ni, pọ nyina phọ ạbuen reḍighi ghan bọ ịkaraph phọ pọ ketue ni ẹtuugha oḍighi aani ịlo ẹnighe.

Jerimaya 2:8

Ạbupinyon rịkia phọ úpuru mọ, ‘Ọmoogh-we phọ odi ẹghen?’ Ariil ạrikia phọ ạmi ịmi úlegheri. Ạbuo ịtooghi phọ muruphiom ịmi ẹgham; ariil phọ Ẹnaan ọḅile okol ḍien aBaal kụ rọkaaphom ghan ọḅile rọoḅereghi ghan ruru dị ị́moogh ịyaar oḍighinom.

Jerimaya 4:21

Mị kạmiin ghan oghur ẹgham mọ ạḅile ạnaghan ọkuodu ẹgham mọ kꞌạpur-aḍio?

Jerimaya 5:21

Nyina awe dị iloghi ílho, ịnaghanan. Nyina ẹmoogh riḍien kụ rẹ́miin ghan eten; ẹḅile ẹmoogh reḅeri kụ rẹ́naghan ghan ịyaar.

Jerimaya 5:4

Kụ mị ạatughian mọ, “Bụen phọ arukulom mọ ḅịle rꞌạbuphe ịyaar úlegheri bọ. Bịdi roḅo ghan ịlo arolologhi; bịdi úlegheri ịpe Ẹnaan phọ ạbidi rạwa bọ, ịpe Ọmoogh-we phọ rạwa bọ mọ bịdi oḍighi ghan phọ.

Jerimaya 9:2

Mụghumo mị ụmoogh ni esi ọrol ẹpe ẹdala phọ, ekpisi dị mị kạkelan weye phọ ạmi. Oomo phọ ạbidi úmeeraam mun Ẹnaan, oḍighi egu areepheeny.

Jerimaya 9:3

Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Jerimaya 9:5

Oomo phọ ạbidi rookeleghi ghan ni rịghiri ạbidi, ḅịle kẹn oye rạ́gba ghan mun igey phọ; Bịdi mọtughemi sinem mọ ạbidi ọgba ghan ọkpe ḅịle kẹn bịdi kótue ọbile ịkaraph. Bịdi roḍighi ghan iniin ịkaraph bịn kotum ịnon, ḅịle kẹn iniin areekeleghian retum ghan ịnon bịn. Ọmoogh-we phọ ạḅem mọ awe phọ ọno moghel nyịno.

Izikiel 16:30

Ịphen kụ ịdi Ọmoogh-we dị ạmoogh oomo ịikpo rạkaaph bọ: “Nạ maḍighi oomo ịphen ịdipho oliom ẹmha dị umugholoor úlegheri.

Hosia 4:1

Ọmoogh-we phọ ạmoogh ni ọkpalhagham awe phọ odi bọ sịen ade phọ ạḍien. Iler rụru ịpe ọdi rạkaaph bọ: “Ọmeeraam ḅịle rꞌẹphomoghian ílho sịen ade phọ ạḍien, ḅịle awe phọ ịmi ụ́sighe mọ Ẹnaan.

Hosia 4:6

Awe phọ ạmi kọmiin ekureriom loor esi dị bịdi ịmi ụ́logh elegh. Nyina ariil ạrikia phọ ímeera íphogh ịmi, kụ moghel ịtughemi phọ ạmi, kụ ịdipho kụ ịdi mị mighel inyina kụ kạ́sighe mun nmụny anyina mọ ariil ạrikia ạmi.

Hosia 5:4

Ịkaraph phọ awe phọ moḍighi yogh bọ ekikima bịdi oḅula kꞌẸnaan ạbidi. Ọmeeraam aruru mạmoogh ịnyaam esi ạbidi kụ bịdi ụ́meeraam mun Ọmoogh-we phọ.

Ẹmos 3:10

Ọmoogh-we phọ ạḅem mọ, “Awe phọ ạbuen phọ omuzeḍi ruutu ạbidi rꞌạraraar dị ọmoogh reten ẹekpara ekpeḍien rꞌoḍighi ịkaraph. Bịdi úlegheri ọgba igey.

Maika 2:1

Pọ eeghe ọdo ịminimiin dị kẹtolonaan bụphe ọmina kụ ụ́naani ọḅile rogbiighi ghan ịkaraph! Mem lọ ạḍiroor ẹḅaal, bịdi rọmoogh eepoogh bịn, bịdi oḍighi omitiom ịkaraph ịitughian phọ ạbidi.

Maika 7:3

Oomo ạbidi ạbuo ẹmaar esi oḍighi ịkaraph. Awe ịtooghi rꞌabuugboom ịiruen role ghan oti ọman. Oye aḍigbogh ạdol rạḅeni ghan bịdi ịyaar lọ ọdi rạwa; ịdipho kụ ẹdi bịdi ọḅoph ọnhu kụ roopuruan.

Elegh aLuk 16:8

“Ọde-otu phọ aboom ni opoghom ephua phọ ọdi esi ikem iigbegheḍiom mọ dị ạmaar bọ, loor esi dị aweye aḅirini phọ ọphon ọsu iloghi ọphamam aloor ạbidi opu weye phọ ạbuphe oḍighi bọ bụo ẹphalaḅaal.”

Elegh ạJon 16:3

Bịdi kiḍighi ni inyina ịphen phọ, loor esi dị bịdi Ọde phọ rꞌạmi úlegheri.

Bụo aRom 1:22

Bịdi role ghan oghoph mọ ạbuno ọsu ni ologhi, kụ ạri moḍigh ruwelologhi.

Bụo aRom 1:28

Ịdipho bịdi mogbiighi bọ mọ bụno kólegheri mun Ẹnaan, ọdi maghel bịdi ạḅogh ạngo ịkaraph ịitughian bịn bịdi mọḅile roḍighi yogh ghan rạraar dị ị́kpe.

Bụo aRom 16:19

Oomo awe mọnaghan ni ịdi nyina mẹnaghanan ooḅi ọghaaph phọ, kụ loor esi ịduon phọ ologhi ạmi ạḅaal li iboom ịlo anyina. Mị rạwa ni mọ ilegheri ịyaar ịlo ịpe ẹnighe bọ, kụ ịlo eru ịkaraph ílegheri aani ghan.

Bụo aRom 3:11

oye lọ rạnaghan ghan ḍụghum, ạḅile rạwa ghan olegheri Ẹnaan ólho.

1 Bụo ạKorint 14:20

Bụo asiya, isereghi ịitughian ạnmuny, ẹmoogh ịitughian awe dị mọmanam, kụ esi lọ eḍighi ịlo ịkaraph ịtol ghan dọl ịpuuny ạnmuny.

Dutoronomi 32:28

“Ịzirel eelhe dị ologhi úsu; eelhe dị rọ́naghan ghan ḍụghum.

Dutoronomi 32:6

Ịduon kụ ịdi nyina keḍighi Ọmoogh-we phọ, nyina ạbuo elologhi, we dị ologhi úsu? Ọdi kọ́de phọ anyina, ọpo ịlhem bọ inyina? Ọdi kụ iikpomoghi inyina aḍighi we eniin eelhe.