Jerimaya 4:21 - Ạḍinya Iigbia

²¹ Mị kạmiin ghan oghur ẹgham mọ ạḅile ạnaghan ọkuodu ẹgham mọ kꞌạpur-aḍio?

Jerimaya 4:21 Iomraidhean Croise

2 Krọnikuls 35:25

AJerimaya ạlogh ḍụor ọotughianam aJosaya ọdaam mọ. Meḍighi eseeriom ẹpe Ịzirel dị ạroko-ạsuor, lephiri rꞌạnmariir, ụmoor ghan ḍụor phọ ạḍien mem dị bịdi romoghi nyọdi. Ḍụor phọ mọmiin esi dị ookpomoghi ịdo ạsuor phọ ịphen.

2 Krọnikuls 36:10

Mem dị ẹteeny unu, ạNebukadnezar ọdaam mọ ạsighe Jehoyasin dị osiph agheelom Bạbilonia, kụ aakoroghi ruphua phọ ẹrol bọ sịphe Otu Ịiḅereghi phọ, ạsighiogh ạḍuanam. Kụ ạNebukadnezar ạma Zẹdekaya umor ọde aJehoyasin ạdaami Juda rꞌaJeruselem.

2 Krọnikuls 36:17

Ịduon kụ iḍighi kụ Ọmoogh-we phọ ạsighe ọdaam eelhe phọ ạBabilon mọ eeghiom bịdi. Ọdi ạze ni ugheel ạnmuny phọ, ghạlamo rꞌịsiphe Otu Ịiḅereghi phọ. Ọdi ọ́mooghaan ọnma ighirigiir oye, mꞌonyugheel mꞌokumoor oye, mꞌolephiri mꞌạnir, mꞌómoom mꞌamoon. Ẹnaan ịḅogh ni oomo ạbidi ẹngo nyọdi.

2 Krọnikuls 36:3

ANeko Ọdaam mọ Ijipt asiph ni nyọdi kụ ạkpaariom mọ aJuda osogh iisogh 3,400 igbogh ịtoom ẹemor asilva ra 34 igbogh ịtoom ẹemor agol.

Jerimaya 4:19

Eephina phọ! Mị útue mun ụ́kparam eephina phọ! Oḅio ạmi rakaph ni agey, mị kátue aḅoorian. Mị mạnaghan rụkuodu phọ ḅịle rꞌịlooghi ẹgham.

Jerimaya 4:20

Iniin ịiḅaghami ẹdaph ịnon; oomo phọ ẹmha phọ meguul. Mophiemi rugbogo phọ ayira ekperenom, mọphanyi rukpe eghuugh phọ.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 6:1

Weye ạBenjamin, ikiil esumughu! Isumughu ẹḍua Jeruselem! Ipula ọkuodu phọ ẹpe Tekoa kụ ẹkpooni nịan eḍeenaan phọ ẹpe Bẹt Hakherem. Ilhom ịiḅaghami rꞌoogulemi mẹḍua ẹpe ephunom mọ retu.