Jerimaya 4:20 - Ạḍinya Iigbia

²⁰ Iniin ịiḅaghami ẹdaph ịnon; oomo phọ ẹmha phọ meguul. Mophiemi rugbogo phọ ayira ekperenom, mọphanyi rukpe eghuugh phọ.

Jerimaya 4:20 Iomraidhean Croise

Ạsuor 42:7

Aḍigher ẹmagh ḍigher, loor ẹḍogh okiilian ạmuum mọ ạna. Oomo arookpoogh oologh phọ ạna miikpereghiom ịmi.

Ạsuor 72:19

Iboom ḍien oghur phọ ọdi kꞌagee-pọ. Oghur phọ ọdi amuza oomo aḅirini phọ. Ẹrol li ịdipho! Ẹrol li ịdipho!

Ẹḍua 33:5

ịdi eḍighi bọ Ọmoogh-we phọ mạḅeni Mozis mọ ạḅeni nmụny Ịzirel mọ, “Nyina awe ọḅaar ẹmhu. Mị katu ni ogbo anyina ekperenom iphiemi inyina. Nyịidipho ịkaranaan ịma iinmenan phọ anyina, kụ mị kạatughian ni ịlo ẹkpe oḍighi anyina.”

Azaya 13:6

Imoghi emoghi eephina! Aḍio Ọmoogh-we phọ mẹkpulan, aḍio phọ ḍịphe Ẹnaan Oomo Ịikpo phọ ketuom bọ muphe phọ.

Azaya 15:5

Ologhi ạmi ramoghinaan ni Mọab! Awe phọ mosumughu ọki ẹmha phọ aZoar, rꞌẹpe Eglat Selisiya. Buniin ọpam rꞌemoghi onyeeniom eten aLuhit, romoghi ịduon bịdi rọki bọ; buniin osuma rọki Horonaim, rꞌọto rꞌịlooghi.

Azaya 33:20

Ipogh Zạyon ẹmha phọ yira role ghan bọ rạyaal iigbia phọ ayira. Ipogh Jeruselem. Pọ eeghe esi ẹereegh orugh! Ọdi kạtol ịdipho ogbogo erelhe dị ogim rọ́sighe ghan, sịkan rọ́kporion ghan kụ iḍigh phọ rétunyian ghan.

Azaya 47:9

Kụ egina amem, ḍiniin aḍio, ịyal ạraraar phọ ịphen kemite ni. Ghạlamo oomo oḍighi ịiḍaany phọ ạna, olhom mọ rꞌạnmuny phọ kokpetenaan ni nyịna.

Azaya 54:2

Bụghe ogbogo amarugh phọ ạna, ạdoonye iḍigh phọ ạkparamiom sịkan phọ!

Jerimaya 12:11

Bịdi mọsighe otene ọkpagha; ade phọ edi ni oopho bịn risigh ạmi. Oomo phọ ade phọ meḍighi ophugh, bịn kụ oye óphogh.

Jerimaya 17:18

Muton eephoogh bụphe rụgbiphoghom bọ ịmi, kụ ọlo ụgur ịmi ạsighe, Ọmoogh-we. Muzeḍinaan bịdi ruugu, kụ ọlo kúḍighi ịmi ịlo aruugu. Ḅomoghi bịdi ạḅile aagulemi bịdi.

Jerimaya 4:21

Mị kạmiin ghan oghur ẹgham mọ ạḅile ạnaghan ọkuodu ẹgham mọ kꞌạpur-aḍio?

Jerimaya 4:27

(Ọmoogh-we phọ mạḅem mọ oomo phọ ade phọ keḍighi ẹdala, kụ ọlo mọ ọno káagulemi ạmadan.)

Jerimaya 4:6

Ịma eten phọ rẹki bọ Zạyon! Ikiil ẹghi ạaghian! Kétoph mem! Ọmoogh-we phọ mạsighe ịminimiin ratu; ilhom ịiḅaghami rꞌoogulemi mẹḍua ẹpe ephunom mọ retu.

Jerimaya 9:18

Awe phọ ọḅem mọ, “Ịḅeni bịdi mọ oogborion ụmooronaan iyoor ḍụor amaḍi, tụtu izin emuza riḍien ayoor, ḅịle kẹn iidum ariḍien phọ ayoor ẹḅor loor esi emoghi phọ.”

Ịkunuma 3:47

Yoor mọkar oḍighi ịiḅaghami ọḅile ope; yoor odi igbo aḍuugh rꞌaghuḍum kụ rokiilaan.

Izikiel 14:21

Ịphen kụ ịpe Ọmoogh-we dị ạmoogh oomo ịikpo rạḅem bọ: “Mị kiruom inya ạmalhiom ạmi dị eeph igey sịphe Jeruselem — ẹgham, ịgbakuro, ilhom ịnam rꞌẹzegh — ophiemi awe rꞌịnam igina phọ.

Joel 1:15

Aḍio Ọmoogh-we phọ mekpekian; aḍio phọ Ẹnaan Oomo Ịikpo phọ kemitiom bọ ophiemi phọ. Pọ eeghe aḍiigu dị kẹtol ḍio phọ ạḍiphe!

Lịvitikos 26:18

“Kụ eru mạar dị ghạlamo amem dị oomo ịphen meten kụ nyina ịmi ị́naghanan ni, pọ mị kạbughe ni ghelhe phọ anyina oḍual amem

Lịvitikos 26:21

“Eru mạar dị nyina reten phọ ạmi ị́daph kụ erelhe ghan, nyina ịmi rị́naghanan, pọ mị kạḅile ni ạbughe ni ọmiinom mọ anyina oḍual amem

Lịvitikos 26:24

pọ mẹteeny dị mị kịgbatanaan inyina kụ ịliom inyina oḍual amem ịdi ẹkpar epu ịḅel phọ.

Lịvitikos 26:28

pọ mị kạtuugh ni ịdipho phọ ịgbatanaan inyina rꞌọghagh ologhi, kụ mị ạḅile ịliom inyina oḍual amem ịdi ẹkpar epu ịḅel phọ.

Hạbakuk 3:7

Mị ụmiin ni awe aKusan ọmoogh oghiilaan kụ awe ạMidian okper kper.

Igbiighi 16:21

“Ịgbatanaan ḍita awe phọ ạbuen. Mị kapiemi ni bịdi mọony ẹnum amem.”

Igbiighi 16:45

“Mẹera ạkelan ogbo aḍita phọ ạbidi. Mị kapiemi bịdi mọony ẹnum amem.” Kụ ịyal phọ ạbidi omeleghu ezuemi.

Matiu 10:28

Kékiilaan bụphe kokiigh bọ ḍizu ạnyu phọ bịn kụ kótue bọ okiighom uwaloor phọ. Ikiilaan ghụn ni Ẹnaan phọ ketue bọ ekiigh ḍizu phọ rꞌuwaloor phọ sịphe ooni ạnian phọ.

2 Bụo ạTesalonika 1:9

Bịdi kọmiinom ịminimiin amuphe dị eekuna ílho. Kọgbatan bịdi ọsighe ghisigh Ọmoogh-we phọ rꞌigbogh ịikpo phọ ọdi,