Jerimaya 4:2 - Ạḍinya Iigbia

² pọ keḍighi ni sụo ịngo inyina dị nyina kekunya ghan rꞌaḍien ạmi. Pọ kụ amem dị oomo areelhe phọ kụlom ịmi ọseph ạbidi, ḅịle kẹn bịdi kuboom ni ịmi.”

Jerimaya 4:2 Iomraidhean Croise

Emiighom 22:18

Kọtuan nmụny ạna kụ ọseph oomo areelhe ịsien aḅirini phọ, ịdi eḍighi bọ nạ mụnaghanan ịmi.”

1 Ạbudaam 3:6

Kụ ạSolomon ạphagharanaan mọ, “Nạ uḍeenaan ni otelhedom mọ ạna aDevid ọde phọ ạmi eboom ẹphomoghian, ịdipho ọdi ạrol bọ risigh ạna rꞌọgba igey rꞌaruukuan rꞌologhi dị aseleman esi ạna, kụ nạ ạrolom nyọdi rꞌoboom ọnma ighirigiir, kụ nạ ạngo nyọdi mọony mọ ạrolom ạgada ọdaam eelhe phọ ịduon edi bọ rodon.

Ạsuor 72:17

Eḍighi ịdi ḍien ọdaam mọ kóbula, kụ aḍien phọ ọdi eeleghaan ịdipho erumuḍio phọ edi ghan bọ! Bụo oomo areelhe ọoḅereghi mọ Ẹnaan ẹseph aani bụno, ịdipho ọdi mạseph bọ ọdaam mọ!

Ạsuor 99:4

Ogbogh ọdaam, nạ ạpomoghian ịpe ẹnighe bọ; nạ maseere egeny eḍighinom ịyaar ẹpe Ịzirel. Nạ mạsighe atu dọl aruukuan rꞌegeny eḍighinom ịyaar.

Azaya 45:23

Oguan ạmi pọ ịne phọ ni ọkpe ólho ghan kụ kónme. Mị akunya esi aḍien phọ ạmi rꞌoomo ịpe mị ạman bọ: Tọrobo oye katu kụ akpuḍian ghisigh ạmi kụ akunya mọ ọno kaler ri loor ọdi ụngo ịmi.

Azaya 45:25

Mị Ọmoogh-we phọ kạtagharan ni oomo ẹemara ẹemara phọ ạJekob, kụ bịdi ụngo ịmi ḍịseph.

Azaya 65:16

Tọrobo oye lọ odi sịen ade phọ lọ ạwa ḍịseph kạlom mọ Ẹnaan phọ rébi ghan bọ ạseph nyịno. Tọrobo oye lọ aghunya kakunya ni rꞌaḍien Ẹnaan phọ rébi ghan bọ. Ịiḅaghami phọ ịpe emite bọ mem dị ebia, meten kụ obula.”

Jerimaya 10:10

Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Jerimaya 12:15

Kụ ọlo mem dị mị mạsighe bịdi ạḍuanam, mị kạmoogh ni ọnma ighirigiir esi ạbidi; mị kạsighe ni tọrotoro eelhe aḅulemi ẹpe ade phọ ạbidi ḅịle rꞌẹmha phọ ạbidi.

Jerimaya 12:16

Eḍighi ịyaar dị bịdi omeera mọ awe phọ ạmi ọtughemi bụno ịlo ooseeny ạmi rꞌoomo ologhi phọ kụ kokunya ghan mọ ‘Esi dị Ọmoogh-we phọ odi bọ ni’ — ọdo ịpe bịdi mọtughemi ghan bọ ni weye phọ ạmi oghunya rꞌaḍien aBaal — pọ bịdi kẹn koḍighi aani ni pạkiri awe phọ ạmi ḅịle kẹn edughom kẹtolonaan ni bịdi.

Jerimaya 16:19

Ọmoogh-we, nạ kụ oye phọ ruuko bọ ịmi kạḅile ụngo ịmi ịnyaam; nạ ụlhoghonaan ịmi ḍịghaagh mem ịiḅaghami. Areelhe kọḍua ni ẹpe aruukuna ade phọ kụ ọḅem ghan mọ, “Ạburude ạburude phọ ayoor ụ́moogh ịyaar omuton rụmugh ọkpe, rꞌaruru dị ị́moogh ịyaar oḍighinom.

Jerimaya 3:17

Mem dị ẹteeny mem mọ ạmuphe phọ, kokol Jeruselem mọ ‘Ạgada Ọdaam Ẹmha Ọmoogh-we phọ’, ḅịle kẹn, oomo areelhe phọ kookpomoghan ghan ẹpe phọ kụ ụuḅereghi ịmi. Bịdi kóḍighi ghan mun ịlo ịkaraph iloghi rꞌoḅom ẹmhu phọ ạbidi ạḅeni bịdi.

Jerimaya 33:9

AJeruselem kaḍighi zin iboh, eghuan rꞌoobagaam esi ạmi; kụ tọrobo eelhe sịen aḅirini phọ kekiilaan kụ epiigha mem dị bịdi ọnaghan ịlo igey ạraraar dị mị aḍighinaan weye aJeruselem rꞌedughom mọ mị aruomaan bọ ẹmha phọ.”

Jerimaya 5:2

Ghạlamo ịduon nyina ẹḅem bọ ni mọ nyina rẹeḅereghi ghan ni Ọmoogh-we phọ, nyina rẹḅem aani ghan ni bịn.

Jerimaya 7:5

“Inme dọl phọ nyina edi bọ ẹwile oḍighi ạraraar phọ nyina reḍighi yogh bọ. Oniin kụ́gbiphoghom nyoniin.

Jerimaya 9:24

Eḍighi ịyaar dị oye rạwa obaga, pọ abaga mọ ọdi ulegheri ni ịmi ạḅile ụnaghanan ịmi, loor esi dị ẹphomoghian phọ ạmi rénmia ghan, ḅịle kẹn mị raḍighi ghan ịpe eḍighi bọ elhiom ẹḅile esel. Ịphen kụ ạraraar dị ịḅeeraan ịmi. Mị Ọmoogh-we phọ kụ mạḅem.”

Hosia 2:19

Ịzirel, mị kaḍighi nyịna ạnir ạmi; Mị kịrolom inyina dọl ogey oye omeeraam; Mị kaḍeenaan ẹphomoghian oomo amem rꞌọnma ighirigiir kụ aḍighi nyịna ọlo ạmi kꞌagee-pọ.

Joel 2:12

Ọmoogh-we phọ ạḅem mọ, “Nyịidipho, ikiton rꞌoomo ologhi eḅula esi ạmi ẹḅaram ọkaagh ẹḍogh rꞌemoghi, rꞌọto.

Zẹkaraya 8:8

kụ mị ạsighe bịdi ẹpe erumuḍio phọ remite ghan bọ rꞌẹpe erumuḍio phọ remeel ghan bọ kụ mị aḅulemi mọ orugh sịen Jeruselem. Bịdi koḍighi weye ạmi, kụ mị aḍighi Ẹnaan ạbidi dị kạda bịdi asophonaan ghan iiḅi ịiruen.

Malakai 1:11

Awe aḅirini phọ emiigh eniin eekuna ẹghi esi ẹpheri phọ rụngo ghan ni ịmi rughuenian. Tọrotoro ekpisi bịdi rọsu ghan ni ịmuwa kụngo ịmi kọḅile ọphinyon igey ạrikia kụ ụngo ịmi. Oomo phọ ạbidi rụngo ghan ni ịmi rughuenian!

1 Bụo ạKorint 1:31

Ịduon kụ iḍighi kụ ạḍinya iigbia phọ ẹḅem bọ mọ, “Oye lọ rạwa obaga ạtuan ghụn ịpe Ọmoogh-we phọ maḍighi bọ kụ abaga ghan!”

2 Bụo ạKorint 10:17

Ịdipho ạḍinya iigbia phọ ẹḅem bọ mọ, “Oye lọ rạwa obaga ạtuan ghụn ịpe Ọmoogh-we phọ maḍighi bọ kụ abaga ghan!”

Bụo aGaletia 3:8

Ọge ni sịphe ạḍinya iigbia phọ mọ Ẹnaan ilegheri ni kꞌaḍiodi mọ ọno kạtuan omeeraam kụ ạsighenom ruuruen phọ mọ awe aruukuan ni, kụ ịghaaph ni ooḅi ọghaaph phọ ẹḅeni Ebraham kꞌaḍiodi mọ, “Kọtuan nyịna kụ ọseph oomo areelhe aḅirini phọ.”

Dutoronomi 10:20

Ikueni Ọmoogh-we Ẹnaan phọ anyina. Ọdi kụ ọdi nyina keeseeny ghan. Iḍighom ghan nyọdi, eghunya ghan ḍien phọ ọdi,

Dutoronomi 4:30

Mem lọ ịiḅaghami eru rịteeny inyina, kụ oomo ịphen phọ eru isoroghuom inyina mem eekuna aḍio phọ, eru mạar dị nyina ekiton esoman Ọmoogh-we phọ Ẹnaan phọ anyina kụ ẹnaghanan ẹḍogh phọ ọdi,

Dutoronomi 6:13

Ikueni Ọmoogh-we Ẹnaan phọ anyina, eeseeny ghan nyọdi, eghunya ghan ḍien phọ ọdi.

Bụo aFilipai 3:3

Yira kụ ụkaraghi ọghaaph bọ oḍuna, kạ́bidi. Yira phọ rooseeny ghan Ẹnaan ruwaloor kụ kọmoogh ọḅaal ologhi esi ạmuḅoph phọ ayira rꞌạJizos Kraist. ẠJizos Kraist bịn kụ ọdi yira robomaam bọ. Oḍuom ologhi phọ ayira ólho aani sịphe osopha oodu ạnyu phọ.

Rut 3:13

Mịna sịen ẹḅaal ḍịroor kụ ọghi ọwaaghi ophogh mụghumo ọdi kaḍighi ni nyịna ịlo arogo. Ọdi ameera, pọ ẹnighe ni; mụghumo ọdi ómeera, pọ mị akunya rꞌaḍien Ẹnaan phọ edi ghan bọ, mị kaḍighi ni nyịna ịlo arogo. Mịna sịen tụtu ẹḅaal ḍịroor.”

1 Sạmuel 20:3

Kụ aDevid ạphagharanaan mọ, “Ọde phọ ạna alegheri ni mọ nạ ụphomoghian ni ịmi iboom kụ ọdi magbiighi mọ ọdi káḍighi ịlo nạ kalegheri ịpe ọdi rạwa bọ oḍighi phọ, loor esi dị kepin ni esi ạna iboom. Ageny ni, mị ọkpe rạ́gba ghan. Mị akunya ni rạḅeni nyịna rꞌaḍien Ọmoogh-we phọ ọpo odi ghan bọ mọ ọku dị odi ogbo ạmi rꞌaḍuugh ọ́bugh.”