Jerimaya 4:19 - Ạḍinya Iigbia

¹⁹ Eephina phọ! Mị útue mun ụ́kparam eephina phọ! Oḅio ạmi rakaph ni agey, mị kátue aḅoorian. Mị mạnaghan rụkuodu phọ ḅịle rꞌịlooghi ẹgham.

Jerimaya 4:19 Iomraidhean Croise

Emiighom 49:6

Mị káḍighom aani rạghaaph ẹkul ạbidi Ḅịle mꞌọrol aani aruuzue ạbidi; Ịyaar rẹghagh ologhi ạbidi bịn ọko enu; Kụ obunughi ruwol ilephiri ạsinam mụdi ephegh.

2 Ạbudaam 4:19

Kụ ọdi ạḅeni ọde phọ ọdi mọ, “Ẹmhu ạmi repin ni; ẹmhu ạmi repin ni.” Kụ ọde phọ ạḅeni otelhedom ọdi mọ, “Sịghe mọony phọ ạghiom onhiin phọ ọdi.”

2 Ạbudaam 8:11

Kụ Ilaisa akiton aphogh Hạzael ạnmagharan risigh phọ ọdi tụtu umugholoor rasiph nyọdi. Kụ oye phọ kꞌẸnaan amoghi.

Ạsuor 103:1

Boom Ọmoogh-we phọ, nạ uwaloor phọ ạmi! Oomo ịpe mị odimom bọ, iboom ḍien iigbia phọ ọdi.

Ạsuor 116:7

Mạar ạkpar, nạ oḅio phọ ạmi, loor esi dị Ọmoogh-we phọ muḍighi ịmi ịma.

Ạsuor 119:136

Izin ạmi rekil ghan ịdipho ạmuum ọphiiny, loor esi dị awe úuko mun ologh phọ ạna.

Ạsuor 119:53

Mem lọ mị ạmiin ịdi awe ạsipioghom roogbonyon ologh phọ ạna, repin ghan ni ologhi ạmi.

Ạsuor 146:1

Boom Ọmoogh-we phọ! Boom Ọmoogh-we phọ, nạ uwaloor phọ ạmi!

Ạsuor 16:2

Mị ạḅeni Ọmoogh-we phọ mọ, “Nạ kụ Ẹnaan ạmi. Nạ múlho bọ ọbo igey ịmi mị́teeny.”

Azaya 15:5

Ologhi ạmi ramoghinaan ni Mọab! Awe phọ mosumughu ọki ẹmha phọ aZoar, rꞌẹpe Eglat Selisiya. Buniin ọpam rꞌemoghi onyeeniom eten aLuhit, romoghi ịduon bịdi rọki bọ; buniin osuma rọki Horonaim, rꞌọto rꞌịlooghi.

Azaya 16:11

Mị odi ịkuph rꞌokururu ẹlo ạMoab, rꞌemoghi ẹlo aKir Heres.

Azaya 21:3

Ịpe mị ạmiin bọ ạḅile ạnaghan sịphe ịmiin phọ mịngo ịmi oboom oghiilaan rꞌeephina, eephina ịdipho ẹlo ạnir dị oghunughun rakun.

Azaya 21:4

Ẹmhu phọ ạmi reeghiraan, kụ mị raakpeka loor oghiilaan. Mị ụwa ghan dị adulhe ketu, kụ ọlo ọdi ịmi ịyaar úruom emuton okpereghaan.

Azaya 22:4

Nyịidipho ụwile ịmi bịn ụkaraghi umoghinaan oomo awe phọ ạmi momuughu bọ. Kẹ́wa ọodereghi ạmi.

Jerimaya 13:17

Eḍighi ịyaar dị nyina ị́naghanan, mị kamoghi ni esi ịbooghian loor esi ophoophe aloor phọ anyina. Mị kamoghi ni agey, kụ izin ạmi ekil, loor esi dị mọsighe weye Ọmoogh-we phọ rọkimom oḍighi ạrebene.

Jerimaya 20:9

Kụ ọlo mem dị mị ạḅem mọ, “Mị kabula Ọmoogh-we phọ ḅịle kẹn mị kákol mun ḍien phọ ọdi ạkaaph ịyaar,” bịn adom mọ ạna mẹghigh nịan dị reemor ẹpe ologhi aloor phọ ạmi. Mị ạkparagha oḅoronom, kụ mị útue úḅoronom.

Jerimaya 23:9

Ekpom ạmi mẹezighiḍian, aruugu rusiph ni ịmi. Loor esi Ọmoogh-we phọ, loor esi ikpo ọnhu iigbia phọ ọdi, mị ạkigh oye dị amiim rakiigh, oye dị mạphughol muboom amiim.

Jerimaya 4:21

Mị kạmiin ghan oghur ẹgham mọ ạḅile ạnaghan ọkuodu ẹgham mọ kꞌạpur-aḍio?

Jerimaya 4:5

Ipula ọkuodu phọ ẹghiom ạnyu de phọ! Ịlo emitiom agey! Ịḅeni weye aJuda rꞌaJeruselem mọ oghiil oḍiku rạmha phọ ịpe oghoony bọ.

Jerimaya 49:2

Kụ amem retu ni dị mị kaḍighi ịdi awe ẹkpana ẹmha aRaba kọnaghan ọyugh elephiri, kụ keegulaan ni; kụ rạmha phọ etuman bọ ạnian kele oguulemi. Pọ kụ amem dị Ịzirel kọsighe de ạbidi ḍịghaagh ạbuphe ạar bọ de phọ bịdi.

Jerimaya 50:22

Ọnaghan ẹḍogh ẹgham sịen ade phọ, ḅịle rꞌoboom ọphueghi ạraraar.

Jerimaya 6:24

Kụ awe aJeruselem ọḅem mọ, “Yoor mọnaghan ni ịinaghan phọ, kụ ạraghaagh ayoor mẹḅoonian; aruugu rusiph iyoor ịdipho ạnir lọ oghunughun rakun.

Jerimaya 8:18

Kótue ookonom ọto phọ ạmi; Mephin esi ekpom ạmi.

Jerimaya 8:21

Ekpom mọ ạmi mẹegbighiḍian loor esi dị awe phọ ạmi mọogbighiḍian; mị odi ọto; eḍigh ni ruugu esi ạmi.

Jerimaya 9:1

Mụghumo aghuḍia ạmuum kụ odi ẹmhu ạmi, ḅịle kẹn ariḍien phọ ạmi eḍighi ḍikol izin, pịdi mị atue amoghi ḍughul rꞌootaany loor esi awe phọ ạmi mọze bọ.

Jerimaya 9:10

Mị ụḅem mọ, “Mị kamoghinaan ruugum mọ, ḅịle kẹn rꞌạroogho phọ, loor esi dị bịdi mẹnuughi ḅịle kẹn oye ráten ghan mun ẹpe phọ. Rọ́naghan ghan mun ẹḍogh ịnam; ịnun rꞌilhom ịnam mesumughu.”

Ịkunuma 1:16

“Ịdipho kụ iḍighi bọ kụ izin eekpereghiom bọ riḍien ạmi. Rꞌoye ịmi ụ́udereghi; rꞌoye oḅio ạmi ọ́kparami. Ạbumulogh-ḍien phọ mọkpar upu ịmi; awe ạmi ụ́moogh mun ịyaar lọ esugha.

Ịkunuma 1:20

“Mịin, Ọmoogh-we, dọl ọmiinom mọ ạmi, dọl ighirigiir phọ ạmi! Ologhi ạmi maḅonyonu esi ọto ịkaraph ạmi. Ọko enu edi ni sịphe areten phọ; ghạlamo iloghi aruutu bịn aḍuugh edi kẹn ni.

Ịkunuma 2:11

Ariḍien ạmi meminenom loor emoghi; uwaloor ạmi akururu. Aloor ạmi medugh rꞌẹ́ḅaal ologhi ọmiin ghan awe phọ ạmi dị ropiemi. Ịbam ạnmuny rꞌạnmuny asipugh rọkanyu komeleghu reten ẹmha phọ.

Dạniel 4:19

Sịen kụ ẹdi ạDaniel ọpo ọta bọ mọ ạBeltesazar akperenom kụ rꞌịyaar órue ọḅem ịyaar. Ọdaam mọ ạḅeni nyọdi, “Bẹltesazar, kámeera ạmalha phọ rꞌịpe ẹghaaph bọ ẹeḅaghami nyịna.” ẠBeltesazar ạphagharanaan, “Ogbogh ọdaam, mị ạḅem mọ ạmalha phọ rꞌẹmhu phọ ẹmoogh mạar oḍighinom bụmulogh-ḍien ạna, kíḍighi nyịna.

Dạniel 7:15

Ạraraar phọ mị ạmiin bọ uḍien iḍigh ni ruugu esi ạmi, ẹḅile ịiḅaghami ịmi iboom.

Dạniel 7:28

Phọn kụ ekureriom ọghaaph phọ. Aruugu usiph ni ịmi iboom dị tụtu mị amaghagha, ḅịle mị oye ụ́ḅeni oomo phọ ịphen phọ.

Dạniel 8:27

Mị uukurughan ni ạḅile ạrol émoon ịbadi aḍughul-otu kụ agbi oḅetenu ọghi oḍighi oḍighi phọ ọpo ọdaam mọ ạḅogh bọ ụngo ịmi, kụ ọlo mị ukiriri ni esi uḍien phọ ḅịle rꞌịduon mị útue bọ ụnaghanan.

Ẹmos 3:6

Ọkuodu ẹgham kạḅa ni ẹmha dị awe phọ kọ́moogh oghiilaan ḍụghum? Ịiḅaghami kemite ni ẹmha dị Ọmoogh-we phọ kútom ḍụghum?

Hạbakuk 3:16

Mị ạnaghan oomo ịphen, kụ akper kper; ịidoronhu epiigha rꞌaḍiigu. Aloor ạmi edugh kụ ạrada ạmi reekpeteghaan ude phọ. Mị kaḅoorian ni kụ akori mem mọ mọ eru mem dị Ẹnaan kẹliom bọ bụphe uzuom bọ iyoor.

Igbiighi 10:9

Tọrobo amem lọ nyina ẹdi sịphe ade phọ anyina kụ ạbumulogh-ḍien moru ozuom anyina ẹgham, nyina kepulaam ghan rụkuodu phọ rꞌịnyaam. Pọ kụ amem dị Ọmoogh-we Ẹnaan phọ anyina kịitughian inyina, ịphel inyina ạsighe esi ạbumulogh-ḍien phọ anyina.

Bụo aRom 10:1

Bụo asiya, ọbo ọphel aani awe phọ ạmi otene kụ ịkpana ịitughian ologhi phọ ạmi rꞌịdi mị aghol ghan bọ bịdi rạaḅereghi Ẹnaan.

1 Bụo ạKorint 14:8

Eḍighi ịyaar dị ọpo rapula ghan bọ ọkuodu ẹgham mọ ụ́maar ephulaam mọ, ạnhian kụ kạnya bọ ịinya ẹgham mọ?

Bụo aGaletia 4:19

Buuḅi ạnmuny ạmi, mị mạḅile kẹn ịtuan inyina rạmiinom ịdipho ạnir dị oghun-aḍien rakun, tụtu nyina ẹmoogh rọozo phọ aKraist.

Bụo Ịiruen 5:21

Ọphiiny ạKison aḅoor ri bịdi bịn ạsighiogh, amugbaany ạmuum mọ Ọphiiny ạKison. Uwaloor ạmi rạazeghiom ghan rꞌịikpo.