Jerimaya 4:18 - Ạḍinya Iigbia

¹⁸ Juda, nạ kụ ụwa ni ịphen phọ loor ạdol phọ nạ odi bọ rꞌaloor ạraraar dị nạ maḍighi. Ịkaraph phọ ạna kụ ịkom bọ ịminimiin phọ ịphen; ịkaraph phọ megim ẹleke ekpom ạna.

Jerimaya 4:18 Iomraidhean Croise

Ạsuor 107:17

Buniin uḍighi ighiil awe dị rọmiinom loor ịkaraph ạbidi, ḅịle rꞌaloor ạsipioghom ạbidi.

Asidogh 1:31

Kụ ịduon phọ nyina kẹmiin ni ịpe ịkpianaan bọ inyina, kụ eḍighinom ịyaar anyina kụ kịngo inyina eephina.

Asidogh 5:22

Ạsipioghom oye ẹkaraph eḍighinom ịyaar aḍiphil dị ọkpame. Esi ọseki ịkaraph phọ ọdi kụ ẹdi ọdi kameel.

Azaya 50:1

Ọmoogh-we phọ rạḅem ghan mọ, “Nyina egbi mọ mị ụsighe ni we ạmi ạḍuanam ịdipho oye dị aseere ạnir ọdi ḍụghum? Ạrinya ọgbaranaan phọ edi ẹghen nụun? Nyina regbi mọ mị kụ aal inyina mọ ịtol ikoli ẹgham, ịdipho oye dị aal nmụny ọdi mụdi ạrebene ḍụghum? Eeye, nyina kụ irelhe ni eḍigh ikoli ẹgham loor ịkaraph phọ anyina; ịsighe inyina ọḍuanam loor iilogh dị nyina esoroghu.

Jerimaya 14:16

Awe phọ bịdi mọḅeni bọ rạraar phọ ịphen phọ komugh aani kẹn ni eniin phọ eten phọ. Ruzu phọ ạbidi kotebeneghi roḅodo aJeruselem, kụ oye kạ́tol oḍiighi ạbidi. Ịphen phọ kemitenaan oomo phọ ạbidi — ẹḅaram nmạriir rꞌạnmuny rꞌạnmanyaan ạbidi. Mị kaḍighi ni ịdi ịkaraph phọ ạbidi kẹkpe bịdi.”

Jerimaya 2:17

Ịzirel, nạ kụ ụwa ni ịphen phọ! Nạ ụwile ịmi ạḍua, Ẹnaan phọ ạna Ọmoogh-we phọ, mem dị mị aḍiemiom ni nyịna rạkiom.

Jerimaya 2:19

Ịkaraph phọ ạna kẹliom ni nyịna, kụ ọwile ạmi phọ nạ ạwile bọ kesoph ni ọoruen ephume nyịna. Nạ kalegheri ni eghiḍim dị ẹdi rꞌịdi eeph ọwile ạmi Ọkar Ogbogh Ọmoogh-we phọ, ḅịle rꞌịduon nạ ịmi ụ́naghanan mun bọ. Mị Ọkar Egbogh Ẹnaan Oomo Ịikpo Ọmoogh-we phọ kụ ụḅem.”

Jerimaya 26:19

“ẠHezekaya ọdaam mọ ḅịle rꞌawe phọ aJuda úkiigh Maika. Kpạripe ghụn ạHezekaya ạlogh ni eegu Ọmoogh-we phọ kụ ạwa ghan oḍighi ghan ịlo kẹḅeeraan nyọdi. Kụ Ọmoogh-we phọ anme ni ologhi phọ ọdi esi ịpe ọdi ạḅem bọ mọ ọno kaagulemi bịdi phọ. Nyịidipho yira rọwa ọsighe igbogh ịiḅaghami ọngo asiloor ayira.”

Jerimaya 5:19

Mem lọ bịdi opuru ịpe eḍighi bọ kụ mị aḍighi bọ oomo ạraraar phọ ịphen phọ, Jerimaya, ḅẹni bịdi mọ ịdipho bịdi ụwile bọ ịmi kụ okumu iiruen ạrumugh sịen ẹmha phọ ạbidi, ịdipho kẹn kụ ịdi bịdi kokumu ruuruen ẹpe eelhe dị ítu nyẹen ạbidi.”

Jerimaya 5:25

Kpạripe ghụn, ịkaraph phọ anyina ímeera mọ igey ạraraar phọ ịphen ịteeny inyina.

Jerimaya 6:19

Nạ ade phọ, nạghan! Esi ọliom ạbidi loor oomo phọ ịphen bịdi roḍighi bọ, mị kaagulemi bịdi, loor esi dị bịdi moghel ịtughemi phọ ạmi ḅịle kẹn ikpo ọnhu phọ ạmi bịdi ụ́naghanan.

Ịkunuma 3:15

Ọkar ịminimiin kụ ẹdi ọdi ụngo ịmi ịdipho eḍien rꞌamiim.

Izikiel 39:24

Mị ạngo bịdi ịdi ẹkpianaan bịdi esi ẹ́ḅaal phọ ạbidi rꞌẹkaraph eḍighinom ịyaar phọ ạbidi, kụ mị ạgbol loor ạbidi.”

Hosia 7:2

Amem ílho ọotughian mọ mị kạatughian ni oomo ịkaraph phọ ịphen; kụ ịkaraph ạbidi ekoom bịdi, kụ mị kạbile dị mị kạ́miin.”