Jerimaya 4:16 - Ạḍinya Iigbia

¹⁶ Bịdi moru ọphur ạruru reelhe phọ rꞌọḅeni aJeruselem mọ ẹpomoghian mọḍua ni ẹekela ekpisi rotu. Ẹpomoghian phọ ạbuen phọ kọlooghiom rạmha phọ aJuda,

Jerimaya 4:16 Iomraidhean Croise

Azaya 34:1

Weye oomo areelhe phọ, itu! Iikpomoghan ẹnaghan. Oomo ade phọ rꞌạtorobo oye lọ odi sịphe aru ạnaghan!

Azaya 39:3

Kụ Azaya oyil phọ ạghi ạteeny Hẹzekaya ọdaam mọ kụ apuru nyọdi mọ, “Awe phọ ạbuen phọ ụḍua ẹghen kụ oru bọ kụ ụḅeni nyịna eeghe?” Kụ ạHezekaya ạphagharanaan mọ, “Bịdi ụḍua ni kꞌẹpe eelhe phọ ạBabilon, ekpisi dị ẹkel iboom kụ oru bọ.”

Jerimaya 1:15

loor esi dị mị rạmagh oomo areelhe phọ edi bọ ẹpe ephunom mọ mọ oru. Ạbudaam mọ ạbidi kosereghi sịgada ọdaam-ẹmha phọ ạbidi sịphe ạrunhu-aḍibuo phọ aJeruselem ḅịle kẹn okitonom iikpe phọ ọdi, kụ ọḅile okitonom ịpheri phọ ạramha phọ aJuda.

Jerimaya 16:6

Ạraalha phọ rꞌarukulom mọ komuughu ni sịen ade phọ ạḍien, kụ ọlo oye kámoghi bịdi mụghumo oḍiighi ạbidi. Oye kạ́logha ẹlem loor ọdi mụghumo oghula ẹmhu ọdi esi oḍeenaan ọto.

Jerimaya 2:15

Bịdi rogbophoghu ghan kophoghom nyọdi ịdipho ạnam-dịka; bịdi motene de phọ ọdi de ophugh, ḅịle ạramha phọ meegulaan, oomo awe phọ mosumughu.

Jerimaya 31:10

Ọmoogh-we phọ ạḅem, “Reelhe, ịnaghanan ịmi kụ egbeelom ikpo ọnhu phọ ạmi ẹghimom rikpisi dị ẹkelogh. Mị ụuwalami ni weye phọ ạmi, kụ ọlo mị kaakpomoghi bịdi kụ ạmaar apogh bịdi ịdipho okoriom mọ rapogh ghan bọ ḍita ịga phọ ọdi.

Jerimaya 39:1

Ụnwanyu phọ ọpo amuneniom bọ ḍioph phọ, lhạ dị eḍighi esugha dị ạZedekaya aḍighi ọdaam-ẹmha phọ aJuda, ạNebukadnezar ogbogh ọdaam mọ ạBabilon arumom oomo awe ẹgham ọdi kụ azuom Jeruselem.

Jerimaya 4:17

ḅịle kẹn, kokoony Jeruselem ịdipho awe rokoony ghan bọ ozo, loor esi dị awe phọ ọdi mọḅaar ẹmhu esi Ọmoogh-we phọ. Ọmoogh-we phọ kụ ạḅem.

Jerimaya 5:15

Nyina awe phọ Ịzirel, Ọmoogh-we phọ mạsighe eelhe dị edi egher ratu ozuom anyina ẹgham. Eḍighi ni egbaany eelhe dị ẹmoogh ịikpo, eelhe dị nyina ị́naghan ọnhu ẹmha ạbidi.

Jerimaya 5:6

Ẹphen kụ ịyaar phọ ạnam-dịka kẹḍua bọ ni ẹpe ẹekpua phọ etu ẹze bịdi; ilhom ịnam kẹḍua ni ẹpe ẹdala phọ etu ẹpanyi bịdi kụ ariitiir eḅinighu ghan ekitonom rạmha phọ ạbidi. Eḍighi ịyaar dị awe phọ ạbuphe omite erugh, ịnam mọ kẹpanyi ni bịdi loor esi dị ịkaraph phọ ạbidi eḍiza ni mọ ẹphughan ḅịle amem etum mem bịdi mọḍua esi Ẹnaan.

Jerimaya 50:2

“Ịgba iphiligba phọ ẹḅeni reelhe phọ! Igbeelom! Iḍeenaan elegh phọ ẹkar eeleghemi iphiligba phọ! Kẹ́booghinaan we! ẠBabilon mameel. Eru phọ ọdi Maduk moḅomoghi! Ịkaaghineen ạrumugh phọ ạBabilon moseere dọl aroofola! Igbudu isa phọ ọdi mootughuḍi!

Jerimaya 6:18

Kụ iḍighi kụ Ọmoogh-we phọ ạḅem mọ, “Ịnaghan nyina areelhe phọ, ẹḅile elegheri ịpe kemitenaan bọ weye phọ ạmi.

Jerimaya 6:19

Nạ ade phọ, nạghan! Esi ọliom ạbidi loor oomo phọ ịphen bịdi roḍighi bọ, mị kaagulemi bịdi, loor esi dị bịdi moghel ịtughemi phọ ạmi ḅịle kẹn ikpo ọnhu phọ ạmi bịdi ụ́naghanan.

Jerimaya 6:22

Ọmoogh-we phọ ạḅem mọ, “Awe mọḍua eniin eelhe ẹpe ephunom mọ rotu; eelhe dị ẹmoogh ịikpo kụ ẹkel iboom, bịdi rookolobian ẹgham.

Jerimaya 6:23

Bịdi mọsighiogh ni sịkumugh rꞌarolhool ẹgham ạbidi; bịdi oḍighi ni ịgbagara awe dị ụ́moogh ọnma ighirigiir. Mem dị bịdi oḍiku ạsu kụ rotu, oghur phọ ạkigh oologh otu-ḅualhe. Bịdi mookolobian ozuom ẹgham Jeruselem.”

Jerimaya 8:19

Ịnaghanan! Sịen oomo phọ ade phọ mị ạnaghan ịdi awe phọ ạmi romoghi yogh mọ, “Ọmoogh-we phọ ólho mun Zạyon ḍụghum? Ọdaam-ẹmha mọ ạZayon ólho mun sịphe ḍụghum?” Ọmoogh-we phọ, Ọdaam phọ ạbidi, ạpagharanaan mọ, “Eeghe kụ iḍighi kụ nyina eḍighi bọ ịphen repin bọ ologhi phọ ạmi, esi ọoḅereghi aruru phọ anyina ḅịle kẹn rꞌokpuḍian ooseeny iiruen ạrumugh dị ị́moogh ịyaar oḍighinom?”

Izikiel 21:22

Nyịidipho! Ạḍighaagh elhiom ọdi ẹpam ẹkpina dị ọge ‘Jeruselem’. Ẹkpina phọ rẹḅeni ghan nyọdi ịlo ọghi ọmeremi ạraḅam, ịlo ọlo ạḍiolo ẹgham, ịlo osereghi ạraḅam ọḅagham ạrunhu-aḍibuo phọ, ịlo ọḅiir iikpe, ḅịle rꞌoguph asikol.