Jerimaya 4:13 - Ạḍinya Iigbia

¹³ Ipogh, ạbuo ẹpomoghian phọ rotu ịdipho ọotu. Arughuugh ẹgham ude phọ ạbidi ẹkigh ịdipho oghim, ḅịle ạrusu phọ ạbidi oḍiku bọ ekiil epu uga. Yira mophe! Yira moguul!

Jerimaya 4:13 Iomraidhean Croise

2 Sạmuel 1:23

“ẠSol rꞌạJonatan, ịikia ịma awe dị ọphomoghian. Bịdi ụḅoph ni ọrol, ọḅoph omugh; ukem ghan opu uga, ọkpar opu ạnam-dịka.

Azaya 13:5

Bịdi ọḍua ịikela areelhe dị ẹkel ẹpe aruukuna aḅirini phọ kụ rotu. Loor esi ọghagh ologhi ọdi Ọmoogh-we phọ ratu ni oogulemi oomo eelhe phọ.

Azaya 19:1

Ḍịen kụ adom ḍịo Ijipt. Ọmoogh-we phọ agburugburu ni ologhi ọotu ratu Ijipt. Ịkaaghineen ạrumugh phọ Ijipt reekpeka esomanan ọdi, kụ awe phọ Ijipt moroph ạkpo ologhi ạbidi.

Azaya 3:8

Agey ni, moruule Jeruselem! AJuda rameel! Tọrobo ịyaar dị bịdi ọḅem kụ oḍighi ị́ḅophan Ọmoogh-we phọ; bịdi omite obalelhe otonyon Ẹnaan rꞌaloor.

Azaya 5:28

Ịkpina ạbidi etoph, kụ ạsikumugh ạbidi eekolobian ọraph. Ạrada aruwol ạrusu ạbidi ẹkpar ịdipho aḍighiigh, kụ idighila arughuugh ẹgham ạbidi reeghiraan ghan mụdi kẹpeeph ni ịdipho olhom ookuugh.

Azaya 66:15

Ọmoogh-we phọ katumom rꞌạnian. Ọdi kạtol ạnyu araphaaph oghim kụ ạliom bụphe ropin bọ ologhi ọdi.

Jerimaya 10:19

Awe phọ aJeruselem umoghi ni agey mọ, “Ịphen ịghen ọdo ịkaraph dị miḍighi iyira! Ạroko phọ ayira ímeera mun íkeel. Ḅịle kẹn yira ụutughian mọ yira kotue ni ọkparam!

Jerimaya 4:12

ookuugh phọ ratu bọ esi ịto Ọmoogh-we phọ kạkpar ri iboom! Ọmoogh-we phọ rꞌaloor kụ rasoph ọoruen kạngo weye phọ ọdi.

Jerimaya 4:31

Mị ụnaghan emoghi, dị ẹghigh ẹlo ạnir dị oghunughun rakun, ḍịolho dị ẹghigh ḍịa ạnir dị rạmar ọḅel ọony ọdi. Eḍighi emoghi aJeruselem dị mạghurughan kụ rạwa ghan ịlo ophooghu aani, dị masele ḍịghaagh ọdi kụ rạḅem ghan mọ, “Mị maphe! Bịdi rotu oghiigh ạmi!”

Jerimaya 46:18

Mị Ẹnaan Oomo Ịikpo Ọmoogh-we phọ, mị kụ ọdaam. Mị kụ Ẹnaan phọ edi ghan bọ. Ịdipho Eegum aTabor epeleghom bọ rạaḅaraph phọ kụ Eegum ạKarmel ephoph bọ epeleghom ọphiiny phọ, ịdipho kụ ẹdi ịikpo ọpo kizuom bọ inyina kẹtol.

Jerimaya 48:40

Ọmoogh-we phọ maguanaan mọ eniin eelhe kesoorom Mọab ịdipho uga dị ạrar raphaaph rasoor,

Jerimaya 49:22

Ẹpomoghian phọ kozuom ni Bozra mụdi uga dị ạrar raphaaph rasoor ude. Ḍio phọ ạḍiphe awe ẹgham Idom kọmoogh oḅio-kakaph ịdipho ạnir dị oghunughun rakun.”

Jerimaya 6:23

Bịdi mọsighiogh ni sịkumugh rꞌarolhool ẹgham ạbidi; bịdi oḍighi ni ịgbagara awe dị ụ́moogh ọnma ighirigiir. Mem dị bịdi oḍiku ạsu kụ rotu, oghur phọ ạkigh oologh otu-ḅualhe. Bịdi mookolobian ozuom ẹgham Jeruselem.”

Jerimaya 9:19

Ịnaghan ẹḍogh emoghi ẹpe Zạyon, “Yira mophe! Yira moofola ọmadan! Ẹkpe ni dị yira kọbile de phọ ayira; molhereghi ruutu phọ ayira.”

Ịkunuma 4:19

Rꞌookuugh dị apu uga lọ ạḍua okuaḍio rasoor kụ ịdi bịdi uphorogh iyoor osoore rạaḅaraph; bịdi uphorogh iyoor sịphe aroogbolom mọ, bịdi ụteeny iyoor ịlo ịiḍaany sịphe ade ịisaar phọ.

Izikiel 26:10

Ọoru phọ ạrusu phọ kemitiom bọ kiikpereghiom ni inyina. Ạḍiaḅa erelhe ạrusu phọ reḍur bọ rạraar ariigida rꞌarughuugh-ude adool phọ kemenyon iikpe anyina mem dị bịdi rọteeny rụnhu-aḍibuo ẹmha phọ mophiemi bọ.

Izikiel 38:9

Ọdi rꞌawe ẹgham mọ ọdi rꞌịbadi areelhe phọ rꞌọdi kozuom mụdi oghim kụ ookpereghiom de phọ mụdi ọotu.”

Dạniel 11:40

“Mem dị eekuna amem ọdaam eelhe phọ ạSiria mẹkar rekureri, ọdaam mọ Ijipt katuphiom ni ẹgham nyọdi, kụ ọdaam eelhe phọ ạSiria kamerenyan ni abianaan rꞌoomo ịikpo ọdi. Ọdi kabiom ni rughuugh-ude, rꞌịnam ạsu, rꞌịbadi arughuugh ạmuum. Ọdi kaḍigh ni ịbadi areelhe rꞌẹekpara ekpeḍien ịdipho ạmuum-aḍigho.

Dạniel 7:4

Ẹḅel phọ ịghigh ạnam-dịka, kụ ọlo ẹmoogh raphaaph ịdipho ịlo uga. Mị odi ni rapogh bịn ụphanyi ni raphaaph phọ ọsighiogh. Uphoophe ẹnam mọ ọmeremi mụdi oye, kụ ọngo nyọdi ologhi oye.

Hosia 8:1

Ọmoogh-we phọ ạḅem mọ, “Pula eeḍue phọ! Ạbumulogh-ḍien rosoor ghan de phọ ạmi ịdipho aruga. Awe ạmi moogbonyon ịyo phọ mị aghiran bọ rꞌạbidi kụ mọḅaar ẹmhu esi ịtughemi phọ ạmi.

Maika 2:4

Mem dị retu, awe kọsighe ọghaaph anyina kụ oḍighinom ịyaar dị reḍeenaan igbogh ịiḅaghami, kụ bịdi kọmoor ḍụor phọ ạḍien dị keḍeenaan ologhi dị eeph esi ịdi nyina mẹmiin: “Yoor mophe ọmuneen! Ọmoogh-we phọ mạsighe de ayoor kụ ạngo bụphe usiphi bọ iyoor ọḍuanam.”

Nẹhum 1:3

Ọmoogh-we phọ ịyaar rẹ́nuun ghan kephin ologhi, Ọdi ạmoogh ni ịikpo kụ kạ́bilenaan ọliom ọpo aḍighiton eephanaan bọ. Esi lọ Ọmoogh-we phọ arelhe, oghim akim; ọotu phọ kụ ophugh dị ạrada ọdi emitiom ghan!

Hạbakuk 1:8

“Ịnam-ạsu phọ ạbidi ekiil epu riitiir, kụ ọmoogh eḍighinom dị eeph epu ịnam dị rẹsighe ghan ịga. Abukiilom ịnam-ạsu ạbidi ụḍua rikpisi dị ẹkel kụ oru; ạrusu phọ ạbidi eguph ude phọ. Bịdi eru kụ esoor ude phọ ịdipho aruga dị resoor ọsighe ẹnam ạa.

Zẹkaraya 6:1

Mị ụḅile ni aphogh. Egi phọ ẹphen mị ụmiin inya arughuugh-ude dị ẹḍua remite ịbaay ịyal aroogbolom dị oḍighinom enaba.

Matiu 24:30

Pọ kụ amem dị eḍeenaan Ọony phọ Oye kemite ẹpe kꞌạke, kụ oomo arughunughun ịsien aḅirini phọ kọmoogh ni ọto, kụ ọmiin dị Ọony phọ Oye ạḍua ẹpe okuaḍio phọ kụ ratu rꞌịikpo rꞌiboom igbogh phọ ọdi.

Dutoronomi 28:49

Ọmoogh-we phọ kạsighe ni eelhe ẹpe egher ekpisi otu izuom inyina ẹpe eekuna aḅirini phọ, eelhe dị rẹpepheghuan ịdipho uga, eelhe dị nyina kẹ́naghan ịpe bịdi rọḅa bọ,

Ogonanami Phọ 1:7

Ịmiin, ọdi ratumom ni rꞌọotu. Oomo awe, ọḅaram bụphe ogimogh bọ nyọdi, kọmiin ni nyọdi. Oomo areelhe aḅirini phọ komeelom ni ọto loor ẹmhu ọdi. Ịduon phọ ni. Ẹrol li ịdipho!