Jerimaya 4:1 - Ạḍinya Iigbia

¹ Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Jerimaya 4:1 Iomraidhean Croise

Emiighom 35:2

ẠJekob ạḅeni ọto ọdi rꞌoomo ạbuphe odi bọ kꞌọdi mọ, “Itoḅologhi oomo iiruen ạrumugh phọ anyina, ẹḅaal, enme rụsuoma phọ anyina.

2 Ạbudaam 23:13

AJosaya ọdaam mọ ạḅile kẹn ạphue roogbolom mọ ịpe koten bọ kụ ọteeny Jeruselem edi bọ ḍịghaagh esoorom sịphe Eegum Ọlivs, ẹpe Sọlomon Ọdaam mọ Ịzirel ạloghonaan bọ Astarte ẹya-eru phọ awe aSaidon ḅịle rꞌaKemos ḅạphanya awe ạMoab ḅịle rꞌạMolek ḅạphanya awe Amon.

2 Ạbudaam 23:24

Kụ kẹn, bụphe rodike yogh ghan bọ idike ịkaraph aruwaloor phọ, rꞌạruḅaghama phọ, rꞌịkaaghineen ạrumugh phọ, rꞌoomo ariisi ooseeny aruru phọ rꞌoomo ạsiḅaphanya phọ ọmiin bọ de phọ aJuda rꞌẹpe Jeruselem, aJosaya ạsighiogh aroḅologhi, ạdaph ikpo ọnhu iilogh phọ ịpe ọge bọ sịphe ạḍinya phọ ḍịphe ạHilkaya oyil ạrikia phọ ạmiin bọ sịphe Otu Ịiḅereghi phọ.

2 Krọnikuls 15:8

Mem dị Ạsa ạnaghan ịmiin phọ Azaria ọony phọ Oded, oḅio ọdi ạkpar. Ọdi aroḅologhi oomo ịkaaneen ạrumugh ẹpe Juda rꞌạBenjamin rꞌoomo ịkaaneen ạrumugh ẹpe igbogh ạramha phọ ọdi mạmooghaan bọ ẹpe aroogbolom mọ Ifraim. Ọdi ạḅile ni aselemi enmeny ạrikia Ọmoogh-we phọ sịphe ogiga Otu Ịiḅereghi phọ.

2 Krọnikuls 33:8

Kụ eḍighi ịyaar dị awe phọ Ịzirel kọnaghanan oomo ịtooghi phọ ạmi kụ ooko oomo Ologh phọ otelhedom ạmi Mozis ạngo bọ bịdi, bịn mị kámeera mọ ophorogh bịdi ọsighe sịphe ade phọ mị ạngo bọ bụrude ạburude ạbidi.”

2 Krọnikuls 34:33

AJosaya ọdaam mọ ạphueghi ịkaaneen ạraraar isa dị ẹrol eelhe phọ kụ eḍighi ịlo awe Ịzirel, kụ mem mọ ọdi ạrol bọ, ọdi ạkpaariom mọ awe phọ ọrolan rꞌẸnaan ạburude ạburude phọ ạbidi Ọmoogh-we.

Azaya 31:6

Ọmoogh-we phọ ạḅem mọ, “We phọ Ịzirel, nyina meḍighi ịkaraph esi ạmi kụ ịmi ị́naghanan. Kụ nyịidipho, itu eḅula esi ạmi.

Jerimaya 15:19

Esi ịphen phọ Ọmoogh-we phọ ạphagharanaan, “Eḍighi ịyaar lọ nạ arigheel, mị kạsighe ni nyịna aḅulemi, kụ nạ ạḅile aḍighi otelhedom ạmi. Eḍighi ịyaar dị kpạripe rꞌọghaaph ịlo arolologhi kụ nạ ạḅile ghan agbeelom dom dị ẹmoogh ịyaar oḍighinom, pọ nạ kạḅile ni aḍighi oyil ạmi. Awe phọ koḅula ni esi ạna, ḅịle kẹn ẹekpia dị nạ kụ kạki ọteeny ạbidi kẹ́tol.

Jerimaya 15:4

Mị kaḍighi ni ịdi keḍigh ruugu ọmiin ạbidi esi oomo awe aḅirini phọ loor esi ịpe ạManase ọony phọ ạHezekaya aḍighi yogh bọ ẹpe Jeruselem mem mọ ọpo ọdi aḍighi bọ ọdaam-ẹmha aJuda.”

Jerimaya 18:11

Kụ iḍighi kụ ḅẹni weye phọ aJuda rꞌaJeruselem mọ mị ragbiighi ni ạḅile raakolobian ọliom ạbidi. Ḅẹni bịdi mọ ọwile ọrol ạdol ịkaraph — mọ bịdi onme reten phọ rꞌeḍighinom ạraraar phọ ạbidi.

Jerimaya 24:9

Mị kaagulemi ni bịdi ịdi keḍigh ni ruugu esi oomo areelhe aḅirini phọ. Awe kọnmoghoghoom ghan ni bịdi, ọsighe bịdi ọmaarom ghan ịmaar ịnhu, ọmilogh ghan bịdi, ọḅile kẹn ọsighe ḍien phọ ạbidi oḍighi itonyonaan tọrotoro ekpisi lọ mị ạwalalami bịdi ạghiom.

Jerimaya 25:5

Bịdi ịḅeni ni inyina mọ ịbile ịkaraph areten phọ anyina, ẹwile oḍighi yogh ịkaraph, pịdi nyina etugh ẹkiom risigh sịen ade phọ Ọmoogh-we phọ ịngo bọ inyina rꞌạburude ạburude phọ anyina mọ ịmoogh phọ.

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:12

Ọdi ụḅeni ịmi ọghi ọḅeni Ịzirel mọ, “Ịzirel ghạlamo ịduon nyina ologhi réḍuom ghan bọ ni, tigheel esi ạmi. Mị aḍighi oye ọnma ighirigiir ḅịle kẹn mị kạ́kagh mun ologhi; mị nyịna kạ́kagham ologhi kꞌagee-pọ.

Jerimaya 3:14

“Nyina awe dị ologhi róḍuom ghan, itigheel; nyina ạbuo ạmi. Mị kạsighe weye phọ anyina, oniin oye ẹmha ẹmha, ịyal awe eghun eghun, kụ mị kịsighe inyina aḅulemi ẹpe Eegum ạZayon.

Jerimaya 3:22

Itigheel, oomo phọ anyina phọ mẹḍua bọ ḍịghaagh Ọmoogh-we phọ; ọdi kiikonom ni inyina ạḅile iḍighi inyina weye oḍuom ologhi. Ịḅem mọ, “Ii, yoor rotu ni esi Ọmoogh-we phọ, loor esi dị ọdi kụ Ẹnaan phọ ayoor.

Jerimaya 35:15

Mị miruom ghan ni inyina oomo abutelhedom mọ ạmi, riil phọ kụ bịdi mịḅeni inyina ọwile yogh ẹkaraph eḍighinom ạraraar kụ eḍighi ghan ịlo ẹnighe. Bịdi ịḅeni ghan inyina mọ kéeseeny ịnon ạrumugh ẹrol dị nyina ẹtol ẹkiom ghisigh de phọ mị ịngo bọ inyina rꞌạburude ạburude anyina, kụ ọlo nyina ímeera ọnaghanan ạmi ḅịle rꞌoler ạruru ọnaghanan mem lọ mị rạkaaph.

Jerimaya 36:3

Iini mem dị awe phọ aJuda ọnaghan ịlo oomo ophiemi phọ mị ạnya bọ oḍighi ạbidi, bịdi kọbileghi ni ịkaraph areten phọ ạbidi kụ mị kạsar ạbilenaan ẹkaraph eḍighinom mọ ạbidi rꞌạsipioghom mọ ạbidi.”

Jerimaya 4:4

Ịmaar eeko ịyo phọ nyina eghiran bọ rꞌạmi Ọmoogh-we phọ anyina, ẹḅile ẹḅogh siloor anyina ịngo ịmi, nyina aweye aJuda rꞌaJeruselem. Eḍighi ịyaar dị nyina ímeera, ọghagh ologhi phọ ạmi kaamor ịdipho ạnian loor esi ịkaraph phọ nyina meḍighi bọ. Ọghagh ologhi phọ kaamor ri, kụ oye ólho dị katue aḍime.”

Jerimaya 7:5

“Inme dọl phọ nyina edi bọ ẹwile oḍighi ạraraar phọ nyina reḍighi yogh bọ. Oniin kụ́gbiphoghom nyoniin.

Jerimaya 7:7

Eḍighi ịyaar lọ nyina enmia, pọ mị kameera ni nyina erugh sịen ade phọ mị ạngo bọ bụrude ạburude phọ anyina mọ ọmoogh kꞌagee-pọ phọ.

Izikiel 11:18

Mem dị bịdi origheel, ẹkpe ni dị bịdi kopiemi oomo ịkaaghineen ạrumugh isa phọ ịpe bịdi ọmiin bọ.

Izikiel 18:13

kụ kạngo ọmugh ịlo ạsuo. Ọdi kạtol li ḍụghum? Eeye, ọdi kạ́tol. Ọdi maḍighi oomo ạraraar isa phọ ịphen, kụ esi ịduon phọ ọdi kamugh ni. Ọdi kụ ẹdi kọkpalham ịlo aḍuugh phọ ọdi.

Izikiel 43:9

Nyịidipho ẹkpianaan bịdi ọwile ooseeny ghan ịkaaghineen ạrumugh ḅịle ọsighiogh iḍim ạbudaam mọ ạbidi. Eḍighi ịyaar lọ bịdi ọdaphan ịphen phọ, mị kạtolan rꞌạbidi kꞌagee-pọ.”

Hosia 14:1

Weye Ịzirel, iḅula esi Ọmoogh-we Ẹnaan phọ anyina. Ịkaraph anyina meḍighi ịdi nyina mekpetaan emeel.

Hosia 2:2

Nmụny ạmi, ịḅaanaan onhiin anyina — ọbo ọdi kạ́nir ạmi mun, kụ mị kólom ọdi mun. Ịḅaanaan nyọdi ọdi ạwile olhe ẹmha rꞌorelhe yogh.

Hosia 7:16

Bịdi rọḍua ghan loor ạmi kọghi ooseeny ẹmugh dị ịikpo ị́moogh. Bịdi awe dị ologhi kőḍuom ịdipho ạkumugh dị akula. Loor esi dị abuḍiemiom ạbidi rọkaaph ghan rꞌophoophe aloor, bịdi komugh ḍuugh ekperenom, kụ awe phọ Ijipt ọmilogh.”

Joel 2:12

Ọmoogh-we phọ ạḅem mọ, “Nyịidipho, ikiton rꞌoomo ologhi eḅula esi ạmi ẹḅaram ọkaagh ẹḍogh rꞌemoghi, rꞌọto.

Zẹkaraya 1:4

Kẹ́kigh bụrude ạburude phọ anyina. Mem dị mẹkel iboom, ariil phọ ụngo ghan ni bịdi dom ạmi, ọḅeni ghan bịdi mọ kụ́tolom mun sịdol ịkaraph rꞌạsipioghom. Kụ ọlo bịdi úler rụru, ịmi ụ́naghanan.

Dutoronomi 27:15

“‘Itulughian ẹrolonaan oye lọ ạka tọrobo ịyaar mꞌạḅol igbudu, ẹmugh dị ọsighe rạghaagh kụ ọkaam arukumuan ọkaam ạmaka, kụ ạsighe aseere esi ịbooghian. Ạḅaphanya ni esi Ọmoogh-we phọ.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Dutoronomi 4:30

Mem lọ ịiḅaghami eru rịteeny inyina, kụ oomo ịphen phọ eru isoroghuom inyina mem eekuna aḍio phọ, eru mạar dị nyina ekiton esoman Ọmoogh-we phọ Ẹnaan phọ anyina kụ ẹnaghanan ẹḍogh phọ ọdi,

Josua 24:14

“Kụ nyịidipho, ikueni Ọmoogh-we phọ eeseeny ghan nyọdi rꞌoomo ologhi anyina rꞌomeeraam. Ịbile rụmugh phọ ịpe ạburude phọ anyina ooseeny ghan bọ ẹpe Mesopotamia rꞌẹpe Ijipt. Iiseeny ghan Ọmoogh-we phọ bịn.

Bụo Ịiruen 10:16

Kụ bịdi omutonaan loor ạbidi iiruen ạrumugh phọ kụ ọḅile ooseeny ghan Ọmoogh-we phọ. Kụ ịminimiin phọ awe phọ Ịzirel ẹeḅaghami Ọmoogh-we phọ.

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”