Jerimaya 39:9 - Ạḍinya Iigbia

⁹ Ekureriom mọ, ạNebuzaradan oḍiemiom ọnyo ẹgham mọ ạsighe ạḍuanam we phọ osugha bọ ẹmha phọ ḅịle rꞌạbuphe mosuma bọ kụ oru ọteeny nyọdi ạghimom ẹpe Bạbilonia.

Jerimaya 39:9 Iomraidhean Croise

Emiighom 37:36

Mem mọ ạmuen phọ, ẹpe Ijipt, awe ạMidian ọsighe Jọsef ọolha Pọtifar, otelhedom ọdaam eelhe phọ aḍighi bọ uwo ẹmhu ugheel ẹkpar phọ ọdi.

2 Ạbudaam 20:18

Buniin alephiri ạnmuny phọ ạna bụphe nạ kạmar bọ, bịdi kosiphi ni ọḍuanam, kụ bịdi opo nmụny phọ ạbuen phọ kụ ọsighe oḍighi rẹbene sịphe ogbogh otu ọdaam mọ ạBabilon.”

2 Ạbudaam 25:11

ẠNebuzaradan ạsighe ạpham ạḍuanam bụphe osugha bọ sịphe ẹmha phọ rꞌạbueri phọ awe ạmaka phọ rꞌạbuphe osumughu bọ ọtuonom ọdaam mọ ạBabilon.

2 Ạbudaam 25:20

ẠNebuzaradan ạpham bụen phọ ạghiom ọdaam mọ ạBabilon ẹpe Ribla.

Azaya 5:13

kụ esi ịduon phọ kịsighe ni inyina ọḍuanam ịdipho ạbuo ikoli. Abuḍiemiom anyina kọtol ọkoony kụ omuughu, kụ oopho awe komughom ịgbakuro ạmuum ọphughol.

Jerimaya 10:18

Ọmoogh-we phọ kiphorogh inyina amitiom sịen ade phọ ạḍien; ọdi kighuur inyina ạmadan rꞌoye kásugha. Ọmoogh-we phọ kụ mạḅem.

Jerimaya 16:13

Kụ iḍighi kụ mị kiroph inyina ạsighe sịen ade phọ ạḍien phọ ạkiom ekpisi dị nyina rꞌạburude ạburude anyina kólhegheri ghan. Kụ ẹpe phọ kụ ẹdi nyina kekumu ịnon ạrumugh ḍughul rꞌootaany, kụ mị inyina ighirigiir kạ́nma.’”

Jerimaya 24:8

“ẠZedekaya ọdaam mọ aJuda rꞌạbuo oḍighi phọ okoom bọ nyọdi, ḅịle rꞌạbueri phọ awe phọ aJeruselem bụen ọrol bọ sịen ade phọ ạḍien mụghumo ạbuphe ọḍua bọ ogheel Ijipt — mị Ọmoogh-we phọ kaḍighi oomo phọ ạbidi ịduon ịkaraph iimuma ạfig phọ ịphen ị́nighe bọ olhe.

Jerimaya 38:19

Kụ ọdaam-ẹmha phọ ạphagharanaan mọ, “Mị rakiilaan ni we ẹmha phọ bụphe mosuma bọ ọdaphan we ạBabilon phọ. Iini kụḅogh ni ịmi ọngo bịdi kụ ukuphogh ịmi.”

Jerimaya 40:1

Ọmoogh-we phọ ụḅaanaan ni ịmi mem dị ạNebuzaradan, oḍiemiom ọnyo ẹgham mọ, museere ịmi dọl ẹereegh ẹpe Rama. Ọbo mụsighe ni ịmi ọkpoom aani izime rꞌạbunon awe aJeruselem rꞌaJuda dị mosiphi rọkimom ẹpe Bạbilonia.

Jerimaya 40:7

Buniin abuḍiemiom rꞌạbuo ẹgham mọ aJuda kőphoophe rạghaagh ạbidi ọngo ogbogh ọdaam mọ ạBabilon. Bịdi ọnaghan mọ ọdi maḍighi Gedalaya ọdaam-eelhe phọ kụ ạḅem mọ ọdi kụ aphogh ghan oomo ạbuphe kọ̋sighe bọ ọghimom ẹpe Bạbilonia — ọkaraghi arukulom mọ sịphe ade phọ.

Jerimaya 52:26

ẠNebuzaradan ạpham bụen phọ ạghiom ọdaam mọ ạBabilon ẹpe Ribla.

Jerimaya 52:27

Kụ ọdaam mọ aḍighi ịdi okophogh bịdi ọze ẹpe Ribla ẹpe ade phọ ạHamat. Ịdipho kụ ịdi osiphi bọ weye phọ aJuda ọpham ọḍuanam sịphe ade phọ ạbidi osiom iiruen arikpisi.

Dạniel 2:14

Pọ kụ amem dị ạDaniel ạghi ạteeny Ạriok, ogbogh ọnyo abukoriom ọdaam mọ. Ọdi kụ ẹdi ọḅeni bọ mọ ạze weye phọ. Rꞌomiighe aloor ọdi ạasonion ikpo ọnhu ọdi,

Lịvitikos 26:33

Kụ mị ịwalalami inyina aleenye oomo areelhe, kụ mị ạsighe elhool ẹgham iphoroghom inyina, kụ ade phọ anyina eguul, kụ ạramha phọ anyina epe.

Dutoronomi 4:27

Ọmoogh-we phọ kịiwalami ni inyina ạngo ịnon areelhe dị ịphurukpu anyina bịn kụ koḍum.