Jerimaya 39:8 - Ạḍinya Iigbia

⁸ Mem mọ ạmuen phọ awe ẹgham mọ ạBabilon mọsuughi nịan otu ọdaam mọ rꞌaruutu awe phọ osiemi ude ọḅile olereghi iikpe phọ aJeruselem.

Jerimaya 39:8 Iomraidhean Croise

2 Ạbudaam 25:8

Omuneniom ḍioph aḍio omuneniom oogh ụnwanyu esi ạlha dị emuneniom ḍioph rꞌesugha dị ạNebukadnezar mạda bọ Bạbilonia, ạNebuzaradan otomoghiom ọdaam mọ rꞌoḍiemiom ẹgham mọ, aru asi Jeruselem.

2 Krọnikuls 36:19

Ọdi ạsu nịan Otu Ịiḅereghi phọ rꞌẹmha phọ, rꞌoomo arigiga phọ rꞌaruphua phọ kụ alhereghi iikpe ẹmha phọ.

Nehemaya 1:3

Ụḅeni ịmi mọ ạbuphe ọkparam bọ morigheel ẹpe Jeruselem kụ odi ni esi igbogh ịiḅaghami; kụ mọ aruuruen phọ ạbuphe orugh bọ etuman bịdi rọgilaam ni bịdi. Bịdi ụḅile ụḅeni ịmi mọ iikpe ẹmha phọ rꞌarughuugh ạrunhu-aḍibuo phọ molhereghi bọ kọ̋meremi edi ni nịiniin ịdipho ẹrol bọ mem mọ ọsu bọ nịan ẹmha phọ.

Ạsuor 79:7

ịdi eḍighi bọ bịdi mọze we phọ ạna, bịdi mọphue eelhe phọ ạna.

Azaya 5:9

Mị mạnaghan ni ịdi Ọmoogh-we oomo ịikpo phọ rạḅem mọ, “Oomo igbogh ịma aruutu phọ ịphen kepe ni oopho.

Jerimaya 17:27

Kụ ọlo ẹkpe ni dị bịdi kụnaghanan ịmi ọḅile ooko ḍio ophooghian phọ ịdipho aḍio iigbia. Bịdi kútool dool úḍighom rụnhu-aḍibuo phọ aJeruselem ḍio phọ ạḍiphe phọ; eḍighi ịyaar dị bịdi orool oḍighom, mị kạlogh nịan rụnhu-aḍibuo phọ aJeruselem. Ạnian kụ kele rigiga ọdaam-ẹmha phọ aJeruselem, kụ oye ólho dị katue aḍime nịan phọ.”

Jerimaya 21:10

Mị magbiighi ologhi ạmi amuneni mọ mị káseere mun ẹmha phọ ẹphen, mị kaagulemi ni. Mị kạḅogh ẹmha phọ ạngo ọdaam-ẹmha phọ ạBabilon kụ ọdi ạsu nịan oomo phọ ẹmha phọ. Mị, Ọmoogh-we phọ, kụ mạḅem.”

Jerimaya 32:29

kụ ọsu nịan. Bịdi kọsu ni ẹmha phọ ọḅile ọḅaram ruutu lọ awe mọrol ghan oḍighi ịlo kẹkagh ologhi ạmi esi ọsuughi ịnsens ọngo aBaal ẹpe ạnyu aruutu phọ ọḅile omoroghi miim ọngo ịnon aruru.

Jerimaya 34:2

Ọmoogh-we Ẹnaan phọ Ịzirel ụḅeni ịmi ọghi ọḅeni Zẹdekaya ọdaam mọ aJuda mọ, “Mị Ọmoogh-we phọ kạḅogh ẹmha phọ ẹphen ạngo ọdaam-ẹmha phọ ạBabilon kụ ọdi ạsu nịan apiemi.

Jerimaya 34:22

Mị kạto ạḅeni kụ bịdi kotigheel sịen ẹmha phọ ẹphen. Bịdi kozuom ni, ọsighe, kụ ọsu nịan oogulemi. Mị kaḍighi rạmha phọ aJuda mụdi ade ịisaar dị oye útugh. Mị, Ọmoogh-we phọ, kụ mạḅem.”

Jerimaya 37:10

Ghạlamo nyina ịkpar ri epu oomo awe ẹgham ạBabilon phọ, eḍighi dị bụdi oḍighima rạraar bịn kụ usugha, ọmina yogh sịphe arugbogo phọ ạbidi, awe phọ ạbuphe kọḅile ni oḅetenu otu ọsu ẹmha phọ ẹphen oguulemi ude.”

Jerimaya 38:18

Kụ ọlo nạ óphoophe rạghaagh, pọ kọḅogh ni ẹmha phọ ẹphen ọngo we ạBabilon. Bịdi kọsu ni oguulemi, kụ nạ kákpetenaan bịdi.”

Jerimaya 5:10

Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Jerimaya 7:20

Kụ iḍighi kụ mị Ọkar Ogbogh Ọmoogh-we phọ kaakuom ni ogbogh ọghagh ologhi phọ ạmi Otu Ịiḅereghi phọ ọphon. Mị kaakuom ni weye phọ rꞌịnam mọ iniin phọ, ghạlamo kẹn ireeny phọ rꞌịizupha phọ. Ọghagh ologhi phọ ạmi kạkigh ịdipho ạnian dị oye kátue aḍime.

Ịkunuma 1:10

Ạbumulogh-ḍien odi omiighi oomo aruphua ọdi. Ọdi ạmiin dị bịdi oḍigh ọkar Otu Ịiḅereghi phọ, esi phọ Ọmoogh-we phọ mạḅem bọ mọ aruuruen kụ́ki ghan phọ.

Ịkunuma 2:2

Ọmoogh-we phọ aphiemi ghan dị ọnma ighirigiir ụ́tol tọrobo ẹbam ẹmha aJuda. Kụ alhereghi ruutu-ịikpo phọ ekpeki bọ de phọ. Ọdi ạsighe umugholoor aruomaan eelhe phọ rꞌạbuphe ọdaaghi bọ.

Ịkunuma 2:7

Ọmoogh-we phọ aghel enmeny ọphinyon ẹkia phọ ọdi kụ ạwile Otu Ịiḅereghi phọ ạḍua. Ọdi ạngo ọgel kụ ạbumulogh-ḍien phọ olhereghi iikpe phọ. Bịdi ọlo ḍịolho ọkpar opu esi phọ yoor ọrol ghan bọ kụ ooseeny rꞌiboh.

Izikiel 16:41

Bịdi kọsuughi ruutu ạna nịan oler ude kụ omeera aḍita ạnmariir ọmiin mạlhiom mọ ạna. Mị kaḍighi ịdi nạ kakureri olhe ẹmha, ạḅile aḍighi ịdi nạ kakureri ọngo ghan inmo rụga phọ ạna.

Izikiel 23:47

Meera aḍita awe phọ ụ́nighe bọ oroḅol bịdi ikpo kụ ozuom bịdi rꞌarolhool ẹgham, ọze nmụny ạbidi kụ ọsuughi ruutu ạbidi.

Izikiel 33:21

Omuneniom oogh aḍio phọ omuneniom aḍioph ụnwanyu esi ạlha dị emuneniom ḍioph rꞌịyal sịphe ạdol iiruen phọ ayoor, oye dị asuma ẹpe Jeruselem aru kụ ụḅeni ịmi mọ ẹmha phọ memeel.

Ẹmos 2:5

Esi ịduon phọ mị kạlogh nịan Juda kụ eemor elhe ruutu-ịikpo phọ aJeruselem.”

Maika 3:12

Esi ịduon phọ, loor ẹmhu phọ anyina, Zạyon koḅeph ịdipho ozo, Jeruselem keten egu asighiigh kụ eegbolom Otu Ịiḅereghi phọ keten ẹekpua.