Jerimaya 39:5 - Ạḍinya Iigbia

⁵ Kụ ọlo awe ẹgham mọ ạBabilon ophorogh bịdi kụ osiph Zẹdekaya ẹpe ạḍiyaghaghaany ade dị etuman Jeriko. Kụ bịdi ọsighe nyọdi ọghiomaan Nẹbukadnezar ogbogh ọdaam mọ dị ạrol sịphe ẹmha aRibla ẹpe eelhe ạHamat, kụ sịphe kụ edị ạNebukadnezar asoph ọoruen aphume nyọdi.

Jerimaya 39:5 Iomraidhean Croise

2 Sạmuel 8:9

AToi ọdaam mọ ạHamat ạnaghan ni mọ aDevid mạkpar apu oomo awe ẹgham mọ aHadadezer.

2 Ạbudaam 17:24

Ogbogh ọdaam mọ Asiria ạsighe we ẹpe Bạbilon rꞌẹpe Kut rꞌẹpe Iva rꞌạHamat rꞌaSefaavaim arughemi ẹpe oomo ạramha phọ aSameria. Bụo Asiria ọsighe esi phọ awe phọ Ịzirel, ọmoogh Sameria, orughogh rạmha phọ edi bọ ẹpe phọ.

2 Ạbudaam 23:33

Kụ aNeko Ọdaam mọ ạphaḍi nyọdi ẹpe Ribla ẹpe ade ạHamat mọ ọdi kụ́ḍa mun Jeruselem, kụ aJuda asogh ịraar ọonir rꞌinya okuron igbogh ịtoom ẹemor asilva rꞌịraardi rꞌinya igbogh ịtoom ẹemor agol ạngo nyọdi.

2 Ạbudaam 25:6

Kụ bịdi ọsighe Zẹdekaya ọghiom ọdaam mọ ạBabilon ẹpe Ribla, kụ bịdi osophonaan nyọdi ọoruen.

2 Krọnikuls 33:11

Kụ Ọmoogh-we phọ aḍighi ịdi bụo ịtooghi awe ẹgham Asiria ozuom Juda ẹgham. Bịdi osiph Mạnase, ọkomoghi nyọdi siḅaph, ọghoroghiom nyọdi izime, kụ ọghimom nyọdi Bạbilon.

Azaya 22:3

Oomo abuḍiemiom mọ anyina rosumughu mem dị rꞌekpo ẹkpina kọ̋raph kụ osiphi bọ.

Jerimaya 21:7

Kụ ọlo ịlo anyina, ạbuo ịtooghi phọ anyina, ḅịle kẹn rꞌawe lọ okpetenaan ẹgham mọ rꞌịgbakuro phọ ḅịle kẹn rꞌẹzegh phọ — mị kameera ni mọ ạNebukadnezar ọdaam mọ ḅịle kẹn rꞌawe ẹpomoghian phọ anyina bụphe rọwa bọ ọze anyina, isiphi inyina ọḍuanam. ẠNebukadnezar kụ kịze inyina. Ọdi kásugheeny rꞌoniin ọnyo anyina mụghumo ọnma ighirigiir ọnyo anyina. Mị, Ọmoogh-we phọ, kụ mạḅem.”

Jerimaya 24:8

“ẠZedekaya ọdaam mọ aJuda rꞌạbuo oḍighi phọ okoom bọ nyọdi, ḅịle rꞌạbueri phọ awe phọ aJeruselem bụen ọrol bọ sịen ade phọ ạḍien mụghumo ạbuphe ọḍua bọ ogheel Ijipt — mị Ọmoogh-we phọ kaḍighi oomo phọ ạbidi ịduon ịkaraph iimuma ạfig phọ ịphen ị́nighe bọ olhe.

Jerimaya 38:18

Kụ ọlo nạ óphoophe rạghaagh, pọ kọḅogh ni ẹmha phọ ẹphen ọngo we ạBabilon. Bịdi kọsu ni oguulemi, kụ nạ kákpetenaan bịdi.”

Jerimaya 38:23

Kụ mị ạloghom mọ, “Oomo ạnmariir rꞌạnmuny anyina kọsighiogh ni ọkiomaan weye phọ ạBabilon, kụ nạ rꞌaloor kákpetenaan bịdi. Ọdaam-ẹmha ạBabilon phọ kasiph ni nyịna aḍighi ọnyo-ikoli, kụ ẹmha phọ ẹphen kọsu ni oguulemi.”

Jerimaya 4:12

ookuugh phọ ratu bọ esi ịto Ọmoogh-we phọ kạkpar ri iboom! Ọmoogh-we phọ rꞌaloor kụ rasoph ọoruen kạngo weye phọ ọdi.

Jerimaya 44:30

Mị kạḅogh Hofra ọdaam mọ Ijipt ạngo bụmulogh-ḍien ọdi bụphe rọwa bọ oghiigh ọdi, ịdipho mị ạḅogh bọ Zẹdekaya ọdaam mọ aJuda ạngo Nẹbukadnezar ọdaam eelhe phọ ạBabilon, ọpo aḍighi bọ mụlogh-ḍien ọdi kụ ạwa bọ oghiigh ọdi.”

Jerimaya 49:23

Ịphen kụ ịdi Ọmoogh-we phọ ạḅem bọ ịlo ạDamaskos: “Awe phọ odiighi bọ igbogh ạramha phọ ạHamat rꞌApad okiriri ni kụ iloghi ị́ḅaal loor esi dị bịdi mọnaghan ịkaraph iphirigba. Iloghi ạbidi ị́po, ịdipho oologh ogbogh ọphiiny.

Ịkunuma 1:3

Awe aJuda ạrebene dị ẹpelenaan ílho, dị mophorogh sịphe ẹmha phọ. Bịdi odiighi ịnon arere, dị esi ílho ọḅem mọ ẹlo ạbidi. Ạbumulogh-ḍien okoom, kụ eten okpetenaan ílho.

Ịkunuma 4:20

Bịdi ee ọsighe eten aghuḍum ayoor, ọdaam mọ Ọmoogh-we phọ mạsaḅar bọ, ọpo yoor oḍuom bọ ologhi eenan ạtorobo oye lọ uzuom iyoor.

Izikiel 23:24

Bịdi kọḍua ẹpe ephunom mọ kụ otu ozuom nyịna, otumom ḍita arughuugh eghiil ude rꞌawe ẹgham. Okopha ịsuaram rꞌaroghoony ạmama, bịdi kokitonom nyịna. Mị kạḅogh nyịna ạlogh ḍịghaagh ạbidi, kụ bịdi osophonaan nyịna ọoruen esi iilogh ạbidi.

Hạbakuk 1:7

Bịdi oleenye ḍiigu rꞌoghiilaan. Iilogh phọ ạbidi, iilogh phọ bịdi rꞌaloor mọlhogh bọ.

Igbiighi 13:21

Kụ bịdi ọghi oḅiligha de phọ, omiigh sịphe Ẹdala aZin osi Rehob ọtol ropogh Eḍighom ạHamat.

Josua 13:5

rꞌade phọ ḍịphe aGebalait rꞌoomo ạLebanon ẹghi esiemi ẹpe erumuḍio phọ remite ghan bọ, ọḍua sịphe Baal Gạd esoorom Eegum ạHermon ọghi osi Eḍighom ạHamat.

Josua 4:13

Ọkiom ni inyadi ọonir awe dị ọnyaaghian ibura ẹgham ụḅeeny ophun Jọdan, ọrol egbodo Ọmoogh-we phọ ọghi ẹgham, ọghi osi ẹpe ẹdala ade phọ aJeriko.

Josua 5:10

Ịdipho awe phọ Ịzirel ọrol bọ ẹpe Gịlgal sịphe ạḍiyaghaghaany ade phọ etuman bọ Jeriko, bịdi ule ni ẹyaal ọphel otene phọ dulhe aḍioph rꞌinya aḍughul-otu ụnwanyu phọ.

Bụo Ịiruen 3:3

Ịphen kụ areelhe phọ: oogh ạramha phọ ạbuo aFilistia, rꞌoomo awe ạbuo aKenan rꞌaSaidon, rꞌạbuo aHivait phọ orugh bọ ẹpe ạraaḅaraph phọ ạLebanon, emiigh sịphe Eegum aBaal Hẹrmon ẹsighe ẹghi esi ẹpe eḍighom ạHamat.