Jerimaya 39:4 - Ạḍinya Iigbia

⁴ Mem dị ạZedekaya rꞌoomo ạbuo ẹgham mọ ọdi ọmiin bọ ịdi remite, bịdi ụwa ni osuma ọḍua sịphe ẹmha phọ mem aḍughul. Bịdi urelhe eten dị ẹkpaariom esi ịizupha ọdaam mọ, ọḅeeny eten ọnhu-aḍibuo phọ dị ẹkpasi ịyal iikpe phọ kụ osuma ḍịghaagh Eḍiiny ạJodan.

Jerimaya 39:4 Iomraidhean Croise

2 Krọnikuls 32:5

Ịlo ọkpaariom ẹmha phọ, ọdaam mọ aselemi ni oghoony iikpe, adoghoḍi iiphopha ariisi kụ ạḅile ạlogh iikpe amitiom erugh. Ẹdi etum, ọdi aselemi ịikpara ariisi phọ ịpe esele yogh bọ sịphe aḍigbaany ạḍighaagh aJeruselem ạga emitenom erumuḍio phọ. Ọdi ạḅile ạto mọ ọlhem ịbadibadi ịsoph rꞌịsuaram.

Azaya 22:11

nyina eguph ooni ologhi ẹmha phọ ooko ghan ạmuum mọ rakil bọ ẹpe ogbaany ọodu phọ kasoor. Kụ ọlo nyina ízuumaam íphogh Ẹnaan, nyọpo agbiighi bọ oomo ịphen kꞌageedi kụ aḍighi ịdi ịphen phọ emiteghu.

Azaya 22:3

Oomo abuḍiemiom mọ anyina rosumughu mem dị rꞌekpo ẹkpina kọ̋raph kụ osiphi bọ.

Azaya 29:2

kụ Ẹnaan ẹsighe etu ekperenom muphe sịphe ẹmha phọ oghol bọ mọ “Enmeny Ẹnaan”. Emoghi rꞌọto kẹtol li, kụ oomo ẹmha phọ kẹkigh ịdipho enmeny dị ịḅaal ezuughiom.

Jerimaya 32:4

Ḅịle kẹn mọ ạZedekaya ọdaam mọ kákpetenaan. Kọḅogh ni nyọdi ọngo ọdaam eelhe phọ ạBabilon; ịyal ạbidi kọmiinan risigh rꞌarisigh kụ ọdi ạḅaanaan nyọdi rꞌaloor.

Jerimaya 32:5

Kọsighe ni Zẹdekaya ọkimom Bạbilonia, kụ ọdi kạtol ẹpe tụtu mị aḍighi nyọdi ịlo mị kaḍighi. Ghạlamo ọdi eenan rꞌawe ạBabilon, kẹ́nighenom nyọdi. Mị Ọmoogh-we phọ kụ mạḅem.”

Izikiel 12:12

Ọkpana phọ ọpo ạda bọ bịdi katool dool ọdi ọpha sịphe ufiri phọ kụ akiton epogh dị bịdi oguphanaan nyọdi sịphe iikpe phọ kụ akpetenaan. Ọdi kakpereghi riḍien ọdi kụ kạ́miin ẹpe ọdi rạki bọ.

Izikiel 12:4

Mem dị aḍio edi ni, kookoroghi dool ạna ịlo ọghi ạdol iiruen, ḍighi ni ịlo bịdi kọmiin nyịna, ḅịle kẹn bịdi ọmiin ni mem adulhe dị nạ rạḍua ịdipho oye lọ rakeel dọl iiruen.

Lịvitikos 26:17

Kụ mị ạgbole risigh ạmi esi anyina kụ ạbumulogh-ḍien phọ anyina ịze inyina, bụphe ịlogh bọ inyina ḍien ọtooghi ghan ịngo inyina, kụ nyina ẹpu bịn ekiil esumughu mem dị oye inyina ríphorogh.

Lịvitikos 26:36

“Kụ ịyal-ikpo anyina ạbuphe osugha bọ, mị kạsighe mukum ologhi ạlogh iloghi ạbidi ẹpe areelhe ạbumulogh-ḍien phọ bịdi orugh bọ kụ rominonom; kụ ẹḍogh ạḍinya oreeny dị ookuugh rapula keḍighi ịdi bịdi kokiil osumughu dịadi awe lọ roporoghom elhool ẹgham, kụ omeleghu mem dị ạmulogh-ḍien inyina útuman kụ ạri oye kụ ráporogh bịdi.

Ẹmos 2:14

Ghạlamo awe egbogh eghiil bịn kótue okpetenaan; awe ịikpo kodugh ni, kụ awe ẹgham kótue ọpel ghuḍum ạbidi.

Dutoronomi 28:25

“Ọmoogh-we phọ kaḍighi ni ịdi ạbumulogh-ḍien phọ anyina kọkpar ipu inyina. Nyina kekiton eniin eten kụ ẹki ozuom ạbidi, kụ nyina kesumughian oḍual areten kụ ẹḍuaghu, kụ imutonaan inyina sịphe oomo areelhe ịsien aḅirini phọ.