Jerimaya 39:2 - Ạḍinya Iigbia

² Ḍio phọ ạḍiphe emuneniom bọ esugha phọ ụnwanyu phọ ọpo amuneniom bọ inya phọ, lhạ dị eḍighi ḍioph rꞌaḍiniin dị ạZedekaya aḍighi ọdaam mọ, uḅonyon ni iikpe ẹmha phọ.

Jerimaya 39:2 Iomraidhean Croise

Jerimaya 1:3

ḅịle kẹn ọdi ạḅaanaan ni nyọdi mem dị aJehoyakim ọony aJosaya kụ ạda. Ịphen phọ reten kụ Ọmoogh-we phọ ạḅaanaan ni nyọdi ịbadi amem tụtu ẹteeny ḍioph rꞌaḍiniin ạlha esi amem mọ ọpo ạZedekaya ọony phọ aJosaya ạda bọ. Omuneniom oogh ụnwanyu ạlha phọ ạḍiphe kụ ẹdi ọsighe bọ weye phọ aJeruselem ọghi oseere dọl iiruen phọ.

Jerimaya 32:1

Ọmoogh-we phọ ụḅaanaan ịmi lhạ phọ ạḍiphe emuneniom bọ ḍioph ạsia phọ emiigh mem mọ ạZedekaya ạda bọ Juda, ạḍien phọ iḍighi lhạ dị emuneniom ḍioph rꞌọphaanya ạsia dị ạNebukadnezar mạda Bạbilonia.

Jerimaya 34:22

Mị kạto ạḅeni kụ bịdi kotigheel sịen ẹmha phọ ẹphen. Bịdi kozuom ni, ọsighe, kụ ọsu nịan oogulemi. Mị kaḍighi rạmha phọ aJuda mụdi ade ịisaar dị oye útugh. Mị, Ọmoogh-we phọ, kụ mạḅem.”

Jerimaya 37:8

Kụ awe ạBabilon phọ ọḅile otu ozuom ẹmha phọ ọsighe kụ ọsu nịan.

Jerimaya 5:10

Mị katom ẹpomoghian mọ aru alereghi ireeny amiim avain awe phọ ạmi kụ kúugulemi ụ́madan. Mị kạḅeni bịdi mọ oḅonyon ịla phọ, loor esi dị ịla phọ ịpe phọ kị́lo ạmi.

Izikiel 33:21

Omuneniom oogh aḍio phọ omuneniom aḍioph ụnwanyu esi ạlha dị emuneniom ḍioph rꞌịyal sịphe ạdol iiruen phọ ayoor, oye dị asuma ẹpe Jeruselem aru kụ ụḅeni ịmi mọ ẹmha phọ memeel.

Izikiel 4:3

Sịghe ạgbagba okuron kụ ạmeremi aaghironom ịdipho iikpe dị eesophoghom nyịna rꞌẹmha phọ. Soman ẹmha phọ. Moghoonyom ẹmha phọ, kụ nạ kụ ẹpomoghian phọ rakoonyom bọ ẹmha phọ. Ẹphen keḍighi eḍeenaan ẹngo eelhe phọ Ịzirel.

Izikiel 5:2

Sụ nịan muniin abin sịphe ẹmha phọ mem dị oghoonyom mọ maten. Sịghe mụnon abin ạkiriph rꞌelhool ạna mem dị nạ ratelhe yogh ọgbal ẹmha phọ. Wạawalami mụphe osugha bọ ạngo ookuugh; kụ mị aporoghom rꞌelhool ạmi.

Zẹfanaya 1:10

“Ḍio phọ ạḍiphe,” Ọmoogh-we phọ ạḅem, “Nyina kẹnaghan ni emoghi sịphe Ọnhu-aḍibuo Ina phọ ẹpe Jeruselem. Nyina kẹnaghan ni ịlooghi ạga amumoom amarugh ẹmha phọ rꞌẹḍogh dị kẹtol mụdi ịyaar kụ imeel eetughuḍian ạnyu aroogbolom mọ.

Zẹkaraya 8:19

“Ọkaagh ẹḍogh phọ ạrol ghan bọ rụnwanyu phọ ịpe emuneniom bọ inya, oogh, oḍual rꞌaḍioph phọ keḍighi mem olhe ghan ẹyaal iboh rꞌọḅaal ologhi awe phọ aJuda. Nyina ẹkpe ọphomoghian igey phọ ḅịle rꞌẹepho.”