Jerimaya 39:1 - Ạḍinya Iigbia

¹ Ụnwanyu phọ ọpo amuneniom bọ ḍioph phọ, lhạ dị eḍighi esugha dị ạZedekaya aḍighi ọdaam-ẹmha phọ aJuda, ạNebukadnezar ogbogh ọdaam mọ ạBabilon arumom oomo awe ẹgham ọdi kụ azuom Jeruselem.

Jerimaya 39:1 Iomraidhean Croise

2 Krọnikuls 36:17

Ịduon kụ iḍighi kụ Ọmoogh-we phọ ạsighe ọdaam eelhe phọ ạBabilon mọ eeghiom bịdi. Ọdi ạze ni ugheel ạnmuny phọ, ghạlamo rꞌịsiphe Otu Ịiḅereghi phọ. Ọdi ọ́mooghaan ọnma ighirigiir oye, mꞌonyugheel mꞌokumoor oye, mꞌolephiri mꞌạnir, mꞌómoom mꞌamoon. Ẹnaan ịḅogh ni oomo ạbidi ẹngo nyọdi.

Jerimaya 32:1

Ọmoogh-we phọ ụḅaanaan ịmi lhạ phọ ạḍiphe emuneniom bọ ḍioph ạsia phọ emiigh mem mọ ạZedekaya ạda bọ Juda, ạḍien phọ iḍighi lhạ dị emuneniom ḍioph rꞌọphaanya ạsia dị ạNebukadnezar mạda Bạbilonia.

Jerimaya 34:1

Ọmoogh-we phọ ụḅaanaan ni ịmi mem dị ạNebukadnezar ogbogh ọdaam mọ ạBabilon rꞌawe ẹgham mọ ọdi, rꞌaḍita awe ẹgham ịnon areelhe rꞌạbunon aweye dị odi eeḍian ọdi ọḅile oḍighan rꞌọdi, ozuom ghan Jeruselem rꞌạramha phọ etuman bọ sịphe.

Jerimaya 34:22

Mị kạto ạḅeni kụ bịdi kotigheel sịen ẹmha phọ ẹphen. Bịdi kozuom ni, ọsighe, kụ ọsu nịan oogulemi. Mị kaḍighi rạmha phọ aJuda mụdi ade ịisaar dị oye útugh. Mị, Ọmoogh-we phọ, kụ mạḅem.”

Jerimaya 42:18

“Ọmoogh-we Ẹnaan phọ Ịzirel ạḅem mọ, ‘Ịdipho ọghagh ologhi phọ ạmi rꞌophin ologhi phọ ạmi azuom bọ weye aJeruselem, iniin phọ ịne kụ ẹdi ophin ologhi ạmi kizuom inyina eḍighi ịyaar lọ nyina egheel Ijipt. Nyina keḍighi we dị kebeeph iboom ọmiin; awe kiphogh ghan inyina ọḅitonaan kụ aḍien anyina eḍighi itonyonaan. Nyina esi phọ ịsien kẹ́miin mun.’”

Jerimaya 52:1

ẠZedekaya ạman bọ ịyaldi rꞌoniin ạsia kụ ọdi agbi bọ ọda aJuda. Kụ ọdi ạda bọ ḍioph rꞌoniin ạsia ẹpe Jeruselem. Ḍien onhiin ọdi ughol mọ aHamutal ọnyani aJerimaya ọpo ạrol bọ ẹmha phọ aLibna.

Jerimaya 6:6

Ẹnaan Oomo Ịikpo Ọmoogh-we phọ mạto ạḅeni bụdaam mọ ạbuen phọ mọ olher ireeny okpol rugu ọbo okpobiom Jeruselem. Ọdi mạḅem mọ, “Mị kạliom ni ẹmha phọ ẹphen loor esi dị ịgbiphoghom mọ ẹphughan.

Izikiel 33:21

Omuneniom oogh aḍio phọ omuneniom aḍioph ụnwanyu esi ạlha dị emuneniom ḍioph rꞌịyal sịphe ạdol iiruen phọ ayoor, oye dị asuma ẹpe Jeruselem aru kụ ụḅeni ịmi mọ ẹmha phọ memeel.

Izikiel 4:3

Sịghe ạgbagba okuron kụ ạmeremi aaghironom ịdipho iikpe dị eesophoghom nyịna rꞌẹmha phọ. Soman ẹmha phọ. Moghoonyom ẹmha phọ, kụ nạ kụ ẹpomoghian phọ rakoonyom bọ ẹmha phọ. Ẹphen keḍighi eḍeenaan ẹngo eelhe phọ Ịzirel.

Izikiel 40:1

Omuneniom aḍioph aḍio esi aḍimoom ạlha phọ, dị eḍighi ịyaldi rꞌoogh ạsia kꞌamem mọ ụsighe bọ iyoor ọghimom iiruen arikpisi, ḅịle rꞌaḍioph ạsia kꞌamem mọ mee bọ ọsighe Jeruselem; ḍio phọ ạḍiphe phọ, mị uloghoma ịnyaam Ọmoogh-we phọ, kụ ọdi ụsighe ịmi ạḍuanam.

Izikiel 5:2

Sụ nịan muniin abin sịphe ẹmha phọ mem dị oghoonyom mọ maten. Sịghe mụnon abin ạkiriph rꞌelhool ạna mem dị nạ ratelhe yogh ọgbal ẹmha phọ. Wạawalami mụphe osugha bọ ạngo ookuugh; kụ mị aporoghom rꞌelhool ạmi.

Zẹkaraya 8:19

“Ọkaagh ẹḍogh phọ ạrol ghan bọ rụnwanyu phọ ịpe emuneniom bọ inya, oogh, oḍual rꞌaḍioph phọ keḍighi mem olhe ghan ẹyaal iboh rꞌọḅaal ologhi awe phọ aJuda. Nyina ẹkpe ọphomoghian igey phọ ḅịle rꞌẹepho.”

Dutoronomi 28:36

“Ọmoogh-we phọ kịsighe ni inyina rꞌọdaam mọ ọpo nyina ẹdaami bọ sịphe ẹmha phọ anyina ạsighe ạki ẹmha dị nyina rꞌạburude phọ anyina úlegheri; kụ nyina ẹtol ẹpe kụ ẹeḅereghi ghan, eeseeny ghan rụmugh dị ọsighe ireeny rꞌạrana kụ ọkaam.