Jerimaya 38:2 - Ạḍinya Iigbia

² Ọmoogh-we phọ mạḅem mọ, “Tọrobo oye lọ ạrol sịphe ẹmha phọ kamugh erugh ẹgham ghạlamo ọkoony ḅịle kẹn mꞌẹzegh. Kụ ọlo tọrobo oye lọ ạḍua kụ aphoophe rạghaagh ạngo weye ạBabilon phọ kókiigh; ịlo eḍighi eḍighi, ọdi kạpam ni ghuḍum ọdi.”

Jerimaya 38:2 Iomraidhean Croise

Jerimaya 21:4

mọ ọghi ọḅeni ạZedekaya mọ Ẹnaan phọ Ịzirel Ọmoogh-we phọ mạḅem mọ, “Zẹdekaya, mị kạkpar ri apu weye ẹgham mọ ạna, bụen robe bọ ẹgham mọ rꞌọdaam ẹmha phọ ạBabilon rꞌaweye ẹgham mọ ọdi. Mị kakpol rạraar ẹgham awe ẹgham mọ ạna sịphe ogbo ẹmha phọ.

Jerimaya 24:8

“ẠZedekaya ọdaam mọ aJuda rꞌạbuo oḍighi phọ okoom bọ nyọdi, ḅịle rꞌạbueri phọ awe phọ aJeruselem bụen ọrol bọ sịen ade phọ ạḍien mụghumo ạbuphe ọḍua bọ ogheel Ijipt — mị Ọmoogh-we phọ kaḍighi oomo phọ ạbidi ịduon ịkaraph iimuma ạfig phọ ịphen ị́nighe bọ olhe.

Jerimaya 27:11

Kụ eḍighi ịyaar dị eelhe ẹrol dị esooromi loor kụ ẹngo ọdaam-eelhe phọ ạBabilon kụ ekumu nyọdi, pọ mị kameera ni mọ bịdi ọrol sịphe ade phọ ọdi, oḅeph iizo ọḅile orugh sịphe phọ. Mị, Ọmoogh-we phọ, kụ mạḅem.”

Jerimaya 27:13

Iḍighi ika kụ ẹgham mꞌọkoony mꞌẹzegh keghiigh bọ nyịna rꞌawe phọ ạna? Ịphen kụ ịdi Ọmoogh-we phọ mạḅem mọ kemitenaan tọrobo eelhe dị ọdaam mọ ạbidi úsooromi loor ụ́ngo ọdaam eelhe phọ ạBabilon.

Jerimaya 29:16

Ịnaghanan ịphen Ọmoogh-we phọ rạḅem bọ ịlo egbolomaam ọdaam mọ ọpo ạda bọ ọmar phọ aDevid ạda ghan bọ, ḅịle ịlo awe ẹmha phọ ẹphen, rꞌịlo asiya anyina lọ úsiphi ụ́ḍuanam rꞌanyina.

Jerimaya 29:18

Mị kaporoghom bịdi ẹgham, ọkoony rꞌẹzegh. Aḍiigu kụ kẹtolonaan oomo areelhe aḅirini phọ esi ịdi bịdi kọmiin. Tọrobo ekpisi lọ mị ạwalalami bịdi, awe kokpereghaan kụ ọmoogh oghiilaan esi ịdi memitenaan bịdi. Awe kọnmoghoghoom bịdi kụ aḍien ạbidi eḍighi itonyonaan.

Jerimaya 34:17

Kụ nyịidipho, mị, Ọmoogh-we phọ, ạḅem mọ nyina mẹḅaar ẹmhu esi ạmi; nyina ke̋sereghi bumor phọ anyina we Ịzirel phọ dọl ẹereegh. Ọkar agey, mẹteeny mị kịngo inyina dọl ẹereegh: ẹereegh omugh esi ẹgham, ẹzegh rꞌọkoony. Mị kaḍighi ịdi tọrobo eelhe ịsien aḅirini phọ kokiilaan ọmiin ịpe mị iḍighi bọ inyina.

Jerimaya 39:18

Mị kạmaar ri ạpham nyịna, kụ nyịna kóghiigh. Nạ kạtol li loor esi dị nạ mạkpasi oḍuom ologhi ạna esi ạmi. Mị Ọmoogh-we phọ kụ mạḅem.”

Jerimaya 42:17

Oomo awe phọ ọnya bọ ọghi ọrol ẹpe Ijipt komuughu ni, iini erugh ẹgham mꞌesi ạdol ọkoony mꞌẹzegh. Rꞌoniin kạ́tol dị kakpetenaan. Rꞌoniin kạ́ḍua esi igbogh ịiḅaghami phọ mị katuomaan bọ bịdi.’

Jerimaya 42:22

Kụ ịduon phọ, ilegheri ịduon: nyina kemuughu ni, iini erugh ẹgham ḅịle mꞌesi ạdol ọkoony ḅịle mꞌesi ẹzegh sịphe ade phọ nyina rẹwa bọ ogheel ọrol phọ.”

Jerimaya 44:13

Mị kạliom ni bụphe odi bọ ẹpe Ijipt, ịdipho mị ạliomom bọ Jeruselem, rꞌẹgham rꞌọkoony rꞌẹzegh.

Jerimaya 45:5

Nạ rạwa ghan mọ ọmaar ọpham nyịna ḍụghum? Káḍighi ịdipho. Mị ratuomaan ịiḅaghami oomo awe kụ nạ, ịlo eḍighi eḍighi, kạtol li tọrobo ekpisi lọ nạ ạghi. Mị Ọmoogh-we phọ kụ mạḅem.”

Izikiel 14:21

Ịphen kụ ịpe Ọmoogh-we dị ạmoogh oomo ịikpo rạḅem bọ: “Mị kiruom inya ạmalhiom ạmi dị eeph igey sịphe Jeruselem — ẹgham, ịgbakuro, ilhom ịnam rꞌẹzegh — ophiemi awe rꞌịnam igina phọ.

Izikiel 6:11

Ọmoogh-we dị ạmoogh oomo ịikpo ạḅem mọ, “Piliphiil rạghaagh ạna! Kpạakpa rạda ạna! Moghi esi ọto loor ẹmhu oomo ịkaraph ạraraar isa phọ awe phọ Ịzirel moḍigh yogh bọ. Bịdi komuughu ni esi ẹgham, esi ịgbakuro rꞌesi ạreezegh.

Izikiel 7:15

Elephiri edi ni sịphe areten phọ, ḅịle ẹzegh rꞌọkoony iloghi aruutu. Tọro ọlo mamite ẹpe ẹmha phọ kamugh ni loor elephiri phọ, kụ tọro ọlo odi ologhi ẹmha phọ, ẹzegh rꞌọkoony kụ kẹsighe.