Jerimaya 32:4 - Ạḍinya Iigbia

⁴ Ḅịle kẹn mọ ạZedekaya ọdaam mọ kákpetenaan. Kọḅogh ni nyọdi ọngo ọdaam eelhe phọ ạBabilon; ịyal ạbidi kọmiinan risigh rꞌarisigh kụ ọdi ạḅaanaan nyọdi rꞌaloor.

Jerimaya 32:4 Iomraidhean Croise

Jerimaya 21:7

Kụ ọlo ịlo anyina, ạbuo ịtooghi phọ anyina, ḅịle kẹn rꞌawe lọ okpetenaan ẹgham mọ rꞌịgbakuro phọ ḅịle kẹn rꞌẹzegh phọ — mị kameera ni mọ ạNebukadnezar ọdaam mọ ḅịle kẹn rꞌawe ẹpomoghian phọ anyina bụphe rọwa bọ ọze anyina, isiphi inyina ọḍuanam. ẠNebukadnezar kụ kịze inyina. Ọdi kásugheeny rꞌoniin ọnyo anyina mụghumo ọnma ighirigiir ọnyo anyina. Mị, Ọmoogh-we phọ, kụ mạḅem.”

Jerimaya 25:35

Ịlo okpetenaan kẹ́tol.

Jerimaya 34:21

Mị kạḅile ạḅogh Zẹdekaya ọdaam mọ aJuda rꞌawe iiḍighi phọ ọdi ạngo bụphe rọwa bọ ọze ạbidi. Mị kạḅogh bịdi ạngo we ẹgham mọ ạBabilon, bụphe mọwile bọ ozuom ghan anyina.

Jerimaya 34:3

Nạ kákpetenaan; kosiph ni nyịna kụ ọḅogh ọngo nyọdi. Nạ kạmiin ni nyọdi risigh rꞌarisigh kụ ạḅaanaan nyọdi, kụ nạ agbi ọghi ạBabilon.

Jerimaya 37:17

Rẹsighe mem kụ ạZedekaya ọdaam mọ arom uruom ịmi, kụ sịphe otu ọdaam mọ, upuru ịmi reten ịbooghian mọ, “Adom kꞌỌmoogh-we phọ edi ni ḍụghum?” “Edi ni,” mị ạphagharanaan kụ ạloghom mọ, “Kọḅogh ni nyịna ọngo ọdaam eelhe phọ ạBabilon.”

Jerimaya 38:18

Kụ ọlo nạ óphoophe rạghaagh, pọ kọḅogh ni ẹmha phọ ẹphen ọngo we ạBabilon. Bịdi kọsu ni oguulemi, kụ nạ kákpetenaan bịdi.”

Jerimaya 38:23

Kụ mị ạloghom mọ, “Oomo ạnmariir rꞌạnmuny anyina kọsighiogh ni ọkiomaan weye phọ ạBabilon, kụ nạ rꞌaloor kákpetenaan bịdi. Ọdaam-ẹmha ạBabilon phọ kasiph ni nyịna aḍighi ọnyo-ikoli, kụ ẹmha phọ ẹphen kọsu ni oguulemi.”