Jerimaya 30:3 - Ạḍinya Iigbia

³ loor esi dị amem retu ni dị mị kaḅulemi weye phọ ạmi, Ịzirel rꞌaJuda. Mị kaḅulemi ni bịdi sịphe ade phọ mị ạngo bọ bụrude ạburude phọ ạbidi kụ bịdi ọḅile ọmoogh. Mị, Ọmoogh-we phọ, kụ mạḅem.”

Jerimaya 30:3 Iomraidhean Croise

Ẹzra 3:1

Rẹteeny ụnwanyu phọ ọpo amuneniom bọ oḍual phọ, oomo awe phọ Ịzirel morugh sịphe ạramha phọ ạbidi. Pọ kụ amem dị oomo phọ ạbidi ookpomoghan sịphe Jeruselem,

Ẹzra 3:12

Ịbadi ikumoor awe ariil ạrikia phọ, ạbuo aLivai phọ rꞌaruwo ẹmhu aropolo ụmiin ni ọḅel Otu Ịiḅereghi phọ, kụ ịduon bịdi ọmaar bọ ophogh ịdi ropighi ephighiom Otu Ịiḅereghi phọ ọphon, bịdi umoghi ni. Kụ ạbueri phọ ạbuphe ọrol aani bọ sịphe ụlo ni rꞌibo.

Ẹzra 3:8

Iru ni emite dị bịdi omiigh oḍighi oḍighi, ạlha phọ ạḍiphe bịdi origheel bọ osi esi phọ Otu Ịiḅereghi phọ ạrol bọ sịphe Jeruselem reru reten, ụnwanyu phọ ọpo amuneniom bọ ịyal phọ, bịdi omiigh oḍighi oḍighi. ẠZerubabel rꞌaJosua rꞌạbueri phọ awe ẹmha phọ ạbidi, ariil ạrikia phọ rꞌạbuo aLivai — dị ọkpe úlho, oomo ạbuphe ọḍua bọ rạmha ọmiinom origheel Jeruselem uḍighan ni ọḅophoghan sịphe oḍighi phọ. Ụḅogh ni ịtooghi oḍighi ọḅile ọlogh Otu Ịiḅereghi phọ ọngo tọrotoro ọlo kꞌaLivai dị mạman ịyaldi ạsia mụghumo mạkpo apel sịphe.

Ạsuor 126:4

Ọmoogh-we, ḅịle ụngo iyoor edughom, ịdipho ọlophia rạsighe ghan bọ mụum karuom ude ọphiiny dị amoopha.

Ạsuor 53:6

Mị ạkar ri rạlom mọ ọkpar opu ạḍua ẹpe Zạyon aru ạteeny Ịzirel. Pọ eeghe ọdo ọḅaal ologhi dị awe Ịzirel kọmoogh mem dị Ẹnaan kẹḅile bọ ẹngo bịdi ẹeḍiom.

Jerimaya 16:15

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn, ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Mị kạsighe ni bịdi aḅulemi ẹpe eelhe phọ ạbidi, ẹpe ade phọ mị ạngo bọ bụrude ạburude phọ ạbidi. Mị, Ọmoogh-we phọ, kụ mạḅem.”

Jerimaya 23:5

Ọmoogh-we phọ ạḅem mọ, “Amem retu ni dị mị kạsaḅar oye aruukuan ọlo ẹemara ẹemara aDevid kụ aḍighi ọdaam ẹmha. Ọdaam ẹmha phọ ọpo phọ kạsighe ni olegheri-ịyaar kụ apoghom weye phọ ạḅile aḍighi ghan ịpe eseleman bọ ẹḅile eḍighi elhiom sịen oomo ade phọ.

Jerimaya 27:11

Kụ eḍighi ịyaar dị eelhe ẹrol dị esooromi loor kụ ẹngo ọdaam-eelhe phọ ạBabilon kụ ekumu nyọdi, pọ mị kameera ni mọ bịdi ọrol sịphe ade phọ ọdi, oḅeph iizo ọḅile orugh sịphe phọ. Mị, Ọmoogh-we phọ, kụ mạḅem.”

Jerimaya 27:22

Kọsighiogh ni ọkimom ẹpe Bạbilonia osereghi tụtu mị akiririom aphogh. Kụ mị agbi nụun ọsighe ạbidi oḅulemi kụ osereghi ịsien esi phọ ẹphen. Mị, Ọmoogh-we phọ, kụ mạḅem.”

Jerimaya 29:10

“Ọmoogh-we phọ ạḅem, ‘Mem dị nyina mẹrol oḍualdi ạsia ẹpe Bạbilonia, mị kaḍeenaan ọnma ighirigiir ạmi esi anyina kụ aḍighi ịpe mị aguanaan bọ. Mị kịsighe ni inyina aḅulemi ẹmha phọ anyina.

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 3:18

Ịzirel kọḅophoghan rꞌaJuda, kụ ọḅoph ọnhu ọḍua ẹpe iiruen ạramha phọ bịdi ọrol ghan bọ ẹpe ephunom mọ kụ otigheel ẹpe ade phọ mị ạngo bọ bụrude ạburude phọ anyina mọ ọmoogh kꞌagee-pọ.”

Jerimaya 30:10

“We ạmi, kẹ́moogh oghiilaan; weye Ịzirel, ịyaar kị́tol dị kiikperemi inyina. Mị kịtagharan ni inyina ạsighe ẹpe ạḍiikela ade phọ, ẹpe ade phọ nyina edi bọ ikoli phọ. Nyina ketigheel li otu, ẹtol rꞌẹepho; kiikpereghi ni inyina, kụ oye ólho dị kiḍighi inyina ịlo aḍiigu.

Jerimaya 30:18

Ọmoogh-we phọ ạḅem: “Mị kaḅulemi ni we phọ ạmi de ạbidi kụ ạnma ighirigiir tọrobo eghunotu. Jeruselem kọḅile ni ọlogh ogiga ọolha-ẹmha phọ ọḅile oselemi ọosa ịdipho ạrol ghan bọ.

Jerimaya 30:4

Ọmoogh-we phọ ạḅeni weye phọ Ịzirel rꞌaJuda mọ,

Jerimaya 31:16

Isophe emoghi phọ anyina kụ egbuurogh izin phọ anyina. Oomo ịdi nyina meḍighinaan nmụny phọ anyina kékeel oopho; bịdi kọḍua de ạmulogh-ḍien phọ otigheel.

Jerimaya 31:23

Ọmoogh-we Egbogh Ẹnaan phọ Ịzirel ạḅem, “Mem dị mị ạḅile aḅulemi weye phọ sịphe ade phọ ạbidi, bịdi kọḅile ni ọḅem sịphe ade phọ aJuda rꞌịsiphe ạramha phọ ọdi mọ, “‘Ọmoogh-we phọ ạseph ni eegbolom iigbia phọ aJeruselem, esi iigbia phọ ọdi odi ghan bọ.’

Jerimaya 31:27

“Mị Ọmoogh-we phọ ạḅem mọ amem retu ni dị mị kamuzeḍi de phọ Ịzirel rꞌaJuda weye rꞌịnam.

Jerimaya 31:31

Ọmoogh-we phọ ạḅem mọ, “Ariiḍio retu ni dị mị kakiran imoom ịyo rꞌawe phọ Ịzirel rꞌawe phọ aJuda.

Jerimaya 31:38

“Amem mọ retu ni,” Ọmoogh-we phọ ạḅem, “dị kọḅile ọlogh Jeruselem, ẹmha ạmi, ọmadan, emiigh Ẹsogolo Esi Otu ạHananel ẹpe erumuḍio phọ remeel ghan bọ kụ esi Ọnhu-aḍibuo Ẹkul.

Jerimaya 32:37

Mị kaakpomoghi ni we phọ ọḍua bọ oomo areelhe phọ mị ạawalalami bọ bịdi rꞌophin ologhi phọ, kụ mị ạsighe bịdi atu esi phọ ịsien kụ aḍighi ịdi bịdi kọtol rꞌẹepho.

Jerimaya 32:44

Awe kokooghi ni rere, kụ ọge rịnya ibool, ọdaphari rạghaagh ạbidi ghisigh awe dị ọrol sịphe ọmiin aani. Ịphen phọ kemite ẹpe eelhe ạBenjamin, sịphe ịbam ạramha phọ ekoom bọ Jeruselem, sịphe igbogh ạramha phọ aJuda, rꞌạramha ịigaany ạraaḅaraph phọ, rꞌariisi ọḍua kụ ọsiiny aroogbolom mọ rꞌẹpe esoorom aJuda. Mị kạḅile ni aḅulemi we phọ sịphe ade phọ ạbidi. Mị Ọmoogh-we phọ kụ mạḅem.”

Jerimaya 33:26

Ịduon mị maḍighi bọ ịphen phọ kụ ẹdi mị kạpamanam ịyo phọ ạmi rꞌẹemara ẹemara ạJekob rꞌaDevid otelhedom mọ ạmi. Mị kạsaḅar oniin ọnyo ẹemara ẹemara phọ aDevid ạda ẹemara ẹemara Ebraham rꞌẠizik rꞌạJekob. Mị kạnma ighirigiir we phọ ạmi kụ ạḅile ạngo bịdi edughom.”

Jerimaya 51:60

Mị ụge ni loor ạḍinya oomo ịpe kopiemi bọ Bạbilonia rꞌoomo ịnon ạraraar ịlo ạBabilon.

Izikiel 20:42

Mem dị mị iḅulemi inyina ẹpe Ịzirel, de phọ ḍịphe mị aguanaan bọ mọ mị kạngo bụrude ạburude anyina, pọ kụ amem dị nyina kelegheri mọ mị kụ Ọmoogh-we phọ.

Izikiel 34:13

Mị kạsighiogh bịdi amiteghom iiruen ạramha, aakpomoghi bịdi, kụ aḅulemi bịdi de ạbidi. Mị katelhiom bịdi ạkimom ẹpe ạraaḅaraph phọ rꞌasikol ẹpe Ịzirel kụ ạngo bịdi ịma ạroogho ọraal.

Izikiel 36:24

Mị kịsighe ni inyina eelhe kịrokiro rꞌẹmha kịrokiro aḅulemi de anyina.

Izikiel 47:14

Mị ughunya ni rꞌạburude ạburude anyina mọ mị kạngo bịdi bin ẹmoogh sịen ade phọ aḍien; nyịidipho idian eelemi ẹngo siloor anyina.

Joel 3:1

Ọmoogh-we phọ ạḅem mọ, “Mem mọ ọpo mị kaḍighi ni ịdi aJuda rꞌaJeruselem kọḅile oḍum.

Zẹfanaya 2:7

Awe aJuda lọ okpetenaan kụ kọtol sịphe ade phọ anyina. Bịdi kookonom ghan sita ịga phọ sịphe phọ kụ ọki ọmina iloghi aruutu Askelon. Ẹnaan phọ ạbidi Ọmoogh-we phọ kạtolan rꞌạbidi kụ ạḅile aḍume bịdi.

Zẹfanaya 3:20

Amem mọ retu ni! Mị kạsighe weye phọ anyina ọwalala bọ atighelom; Mị kaḍighi ịdi nyina kemitiom ḍien oomo aḅirini phọ kụ ạḅile kẹn iḍume inyina.” Ọmoogh-we phọ kụ mạḅem.

Elegh aLuk 17:22

Kụ ạJizos ạḅeni bụmatuan phọ mọ, “Amem ketu ni dị nyina kẹwa ni ịlo ọmiin rꞌaḍiniin aḍio sịphe asiḍughul-otu phọ Ọony phọ Oye kamite bọ egaan phọ, kụ nyina kẹ́miin.

Elegh aLuk 19:43

ịdi eḍighi bọ ariiḍio ketu ni dị ạbumulogh-ḍien anyina kọḅiir iikpe ikoom inyina ọlogh ogbo.

Elegh aLuk 21:6

Kụ ạJizos ạḅem mọ, “Oomo phọ ạraraar phọ ịphen nyina rẹmiin bọ, amem ketu ni dị rꞌaḍiniin aḍighiigh ạnyu ạḍinon kọbile dị kőlhereghi.”

Dutoronomi 30:3

Pụruku Ọmoogh-we Ẹnaan phọ anyina kiḅulemi inyina ḍigbaany ạdol ẹelha phọ anyina, kụ Ọdi ịnma inyina ighirigiir, kụ Ọdi aakpomoghi bụphe Ọdi ạwalalami bọ ịnon areelhe phọ aḅulemi.

Dutoronomi 30:5

Kụ Ọmoogh-we Ẹnaan phọ anyina ịsighe inyina asiemi ẹpe ade phọ ạḍiphe ạburude phọ anyina ọmoogh bọ, kụ nyina ẹmoogh, kụ ọdi iḍighi inyina iiḅi kụ nyina ẹmaraghian epu bụrude phọ anyina.

Bụo aHibru 8:8

Kụ Ẹnaan mẹmiin ọpioman awe phọ ọdi kụ rẹḅem ghan bọ mọ, “Ọmoogh-we phọ rạḅem ghan mọ ariiḍio retu ni, dị mị kakiran imoom ịyo rꞌaweye phọ Ịzirel, ḅịle rꞌeghunotu phọ aJuda.