Jerimaya 30:2 - Ạḍinya Iigbia

² ụḅeni ịmi mọ: “Gẹ loor ạḍinya tọrotoro ịyaar lọ mị mạḅeni nyịna,

Jerimaya 30:2 Iomraidhean Croise

Ẹḍua 17:14

Kụ Ọmoogh-we phọ ạḅeni Mozis mọ, “Gẹ ịlo ọkpar opu phọ ọphon loor ạḍinya ẹrol dị ọsighe ghan ọotughianam, kụ ạghaaph ịphen phọ adoghoḍi reḅeri aJosua. Ḅẹni nyọdi mọ mị kaagulemi ni bụo Ạmalek phọ ịdi kọ́otughian ghan mun bịdi sịen aḅirini phọ.”

Azaya 30:8

Ẹnaan ịḅem mọ mị ụge ụlogh ḍịnya ịpe awe phọ ạbuen ọrol bọ, ọbo ẹtol olegheriom mọ bịdi ịkaraph awe.

Azaya 8:1

Ọmoogh-we phọ ụḅeni ni ịmi mọ, “Sịghe opakara okpooghi ạge ikpo ạraraar dị ebagana yogh mọ, ‘Owum elhom, Ọphueghi elhom’.

Jerimaya 25:13

Oomo phọ ịiḅaghami phọ ọge bọ sịen ạḍinya phọ ạḍien — ịpe mị ạḅeni bọ aJerimaya mọ mị kạ́bile oḍighi areelhe phọ kụ ịdi mị kạsighe ạliomom Bạbilonia.

Jerimaya 30:1

Ọmoogh-we Ẹnaan phọ Ịzirel

Jerimaya 36:28

mọ mị ụsighe ḍịnon ạḍinya kụ ạge tọrobo ịyaar lọ ẹrol sịphe ạḍiḅel phọ.

Jerimaya 36:32

Kụ mị ạsighe ḍịnon ạḍinya kụ ạngo Baruk ọgeeghia phọ ạmi, kụ ọdi ạge tọrobo ịyaar lọ mị ạḅem. Ọdi ạge ni tọrobo ịyaar dị ẹrol loor ạḍiḅel ạḍinya phọ rꞌịnon ịdo asidom dị mị ạghaaph ạḅeni nyọdi.

Dạniel 12:4

Ọdi ụḅeni ni ịmi mọ, “Kụ nyịidipho, Dạniel, kpereghi ḍịnya phọ, kụ ạloghom elegh tụtu kꞌeekuna aḅirini phọ. Ịdipho ịbadi awe kokirighaan ni ọkparagha ọnaghanan ịpe remite bọ.”

Bụo aRom 15:4

Tọrobo ịyaar lọ ọge sịphe Ạḍinya Iigbia phọ, ụge ọtughemiom ghan ayira, pịdi yira ọtuan ọkparam mọ rꞌạkpo ologhi phọ ọghaaph Ạḍinya Iigbia phọ rụngo ghan bọ iyira ọmoogh oḍuom ologhi.

1 Bụo ạKorint 10:11

Oomo phọ ạraraar phọ ịphen phọ imiteghunaan bịdi ịlo ọsuemi ạbunon ologhi, kụ ọge bọ oseere ọphurom ạruru ayira, ịdi eḍighi bọ yira odi mem dị aruukuna phọ rẹteeny.

Dutoronomi 31:19

“Kụ iḍighi, gẹ ḍụor phọ ạḍien nyịidipho, ạsighe ạtughemi we phọ Ịzirel, ạsighe ạlogh ịnhu ạbidi. Ạḍuor phọ ạḍien eḍighi oye dị kạgba ghan ịpe eru bọ ịne sịphe ogbo awe phọ Ịzirel.

2 Pita 1:21

ịdi eḍighi bọ ọkal ịpe ogananami bọ dị ạḍua ịitughian awe kụ amite ólho. Uwaloor Iigbia phọ ghụn ni kụ ạsiiny ghan we mem mọ bịdi ọghaaph ghan bọ dom mọ Ẹnaan erom bọ.

Ogonanami Phọ 1:11

kụ ẹḅem mọ, “Gẹ ịphen nạ rạmiin bọ kụ ạsighe ḍịnya phọ ạghiom oḍual ạsiosi phọ ịphen: Ẹfesos, rꞌaSimana, rꞌaPagamom, rꞌaTiatira, rꞌạSaadis, rꞌaFiladelfia, rꞌaLodisia.”

Ogonanami Phọ 1:19

Gẹ nụun rạraar phọ nạ ạmiin bọ. Ḅạraghi ni ịpe edi bọ nyịidipho rꞌịpe kemite bọ.