Jerimaya 3:9 - Ạḍinya Iigbia

⁹ kụ umugholoor nyọdi rásiph ghan. Ọdi mạapu de phọ, ḅịle ọdi malhe ẹmha esi ọoḅereghi ireeny rꞌasighiigh.

Jerimaya 3:9 Iomraidhean Croise

Azaya 57:3

Itu sịen, nyina abuḍighinom ịkaraph. Kosoph ni ọoruen ịngo inyina. Nyina ị́nighe ipu we ạghama, bulhiom ẹmha rꞌạnmariir erelhe ipesi.

Azaya 57:6

Nyina ẹsighiogh ịkpolkpol iiḅoghoḍi asighiigh sịphe phọ kụ reeseeny ghan mọ ạrumugh. Nyina remoor ghan miim ạrikia kẹphinyon rịkia ịbiakpa ẹngo bịdi. Nyina regbi mọ oomo ịphen phọ ịḅeeraan ni ịmi ḍụghum?

Jerimaya 10:8

Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 16:18

Mị kaḍighi ni ịdi bịdi kọkpe ịikpia ịkaraph phọ ạbidi ịyal amem, loor esi dị bịdi mọsighe ịkaaghineen ạraraar ọopuom de phọ ạmi, ruru dị ghuḍum ị́moogh ịdipho aḍizu oye lọ mamugh, ḅịle kẹn bịdi mọsighe rụmugh ọkpe omuzeḍi de phọ.”

Jerimaya 2:27

Koofolomi ni oomo anyina — nyina phọ ẹḅem bọ mọ oreeny kụ ọde anyina ḅịle mọ aḍighiigh kụ onhiin anyina. Ịphen phọ kemite loor esi dị nyina mẹḍua esi ạmi kpạripe rꞌoru esi ạmi. Kụ ạri mem lọ nyina edi esi ịiḅaghami, nyina rịmagh ghan ịmi oru ọphel anyina.

Jerimaya 2:7

Mị ụsighe bịdi asiemi ekpisi ade ẹnuum mọ bịdi ọghelom ibugha ekpisi phọ ḅịle rꞌịnon igey ạraraar ekpisi phọ. Kụ bịdi ụbile ghụn oogulemi de phọ ạmi; ọḅile ọopu eelhe phọ mị ạngo bọ bịdi.

Jerimaya 3:2

Pogh aani ạnyu aroogbolom mọ. Esi esugha ni dị nạ úḍighi ịdipho ọnyo akunakuna ḍụghum? Nạ ukori ghan rụga phọ ạna ẹpe ọgbal eten phọ, ịdipho oye ọlo Arebia rakori ghan bọ oye lọ ọdi kaḍighi ịkaraph ẹpe ẹdala phọ. Nạ mạapu de phọ loor esi olhe-ẹmha phọ ạna.

Izikiel 16:17

Nạ ạsighe ịkuta asilva rꞌagol ịpe mị mạngo bọ nyịna, ạsighe bịdi ạkaam ilephiri igbudu, kụ aliom ẹmha rꞌạbidi.

Izikiel 23:10

Bịdi ọkarion nyọdi ạrol ẹdaḅa, ọsighe nmụny rꞌạnmanyaan ọdi, kụ roḍighi pạ kụ oghiigh nyọdi rꞌelhool ẹgham. Tọrobo ekpisi ạnmariir ụghalaghian ghan ịlo memitenaan nyọdi.

Izikiel 23:21

(Oholiba, nạ ụwa ọḅile oḅula olhe ẹmha phọ nạ ạmoogh bọ apum ịdipho ọnyani sịphe Ijipt, ẹpe alephiri opheghom bọ rꞌạramamaam ạna kụ nạ aroph bọ ẹnighe phọ ạna.)

Izikiel 23:3

Mem mọ bịdi oḍighi bọ risina kụ orugh sịphe Ijipt, bịdi uroph ni ẹnighe ạbidi kụ oḍighi bulhiom ẹmha.

Hosia 2:2

Nmụny ạmi, ịḅaanaan onhiin anyina — ọbo ọdi kạ́nir ạmi mun, kụ mị kólom ọdi mun. Ịḅaanaan nyọdi ọdi ạwile olhe ẹmha rꞌorelhe yogh.

Hosia 4:12

Bịdi rọlom ghan olegheri ịlo ạaghian loor ekulha ạḍipe! Oreeny kụ rạḅeni bịdi ịlo bịdi ọwa olegheri. Bịdi mụwile ịmi. Mụdi ạnir dị maḍighi ọlo erelhe, bịdi mọḅogh siloor ạbidi ọngo ịnon ạrumugh.

Joel 1:19

Mị amoghiom nyịna, Ọmoogh-we, ịdi eḍighi bọ ạroogho phọ rꞌireeny phọ mẹgharaghar, mụdi ạnian kụ ilhe.

Hạbakuk 2:19

Nyina mephe! Nyina ẹḅeni ekulha oreeny mọ, “Ḅetenu!” ḅịle mꞌekulha aḍighiigh mọ, “Mẹera!” Ẹkaaneen ịyaar ketue ni ẹkaaph ịyaar dị ẹeghian ịḅeni inyina ḍụghum? Iini okpoghom silva rꞌagol, kụ aghuḍum ólho loor.

Matiu 5:32

Kụ mị rịḅeni ghan inyina mọ oye lọ aseere ạnir ọdi, dị ụ́tuan mọ ale ẹmha, kụ ạnir phọ ạḅile ạghi ạal ịnon ilom, pọ olhom mọ maḍighi dị ạnir phọ malhe ẹmha. Kụ oye lọ aphin ạnir lọ oseere pọ ale aani kẹn ni ẹmha.”