Jerimaya 3:8 - Ạḍinya Iigbia

⁸ AJuda ạmiin kẹn ni mọ mị maseere Ịzirel aporogh nyọdi loor esi dị ọdi mạḍua ḍịghaagh ạmi bịn aḍighi ọnyo oliom ẹmha. Kụ ọlo aJuda, umarani phọ Ịzirel ologhi róḍuom ghan bọ, ọ́moogh oghiilaan. Ọdi phọ kẹn aḍighi kẹn ọnyo oliom ẹmha,

Jerimaya 3:8 Iomraidhean Croise

2 Krọnikuls 21:11

Ọdi ạḅile ni adoghoḍi ruutu ooseeny ghan aruru sịphe aroogbolom mọ aJuda, kụ aḍiemiom we aJuda rꞌaJeruselem ọpioman esi Ọmoogh-we phọ.

Azaya 50:1

Ọmoogh-we phọ rạḅem ghan mọ, “Nyina egbi mọ mị ụsighe ni we ạmi ạḍuanam ịdipho oye dị aseere ạnir ọdi ḍụghum? Ạrinya ọgbaranaan phọ edi ẹghen nụun? Nyina regbi mọ mị kụ aal inyina mọ ịtol ikoli ẹgham, ịdipho oye dị aal nmụny ọdi mụdi ạrebene ḍụghum? Eeye, nyina kụ irelhe ni eḍigh ikoli ẹgham loor ịkaraph phọ anyina; ịsighe inyina ọḍuanam loor iilogh dị nyina esoroghu.

Jerimaya 2:19

Ịkaraph phọ ạna kẹliom ni nyịna, kụ ọwile ạmi phọ nạ ạwile bọ kesoph ni ọoruen ephume nyịna. Nạ kalegheri ni eghiḍim dị ẹdi rꞌịdi eeph ọwile ạmi Ọkar Ogbogh Ọmoogh-we phọ, ḅịle rꞌịduon nạ ịmi ụ́naghanan mun bọ. Mị Ọkar Egbogh Ẹnaan Oomo Ịikpo Ọmoogh-we phọ kụ ụḅem.”

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 33:24

“Nạ mạnaghan ni ịdipho awe rọḅem ghan bọ mọ mị maghel Ịzirel rꞌaJuda, ịyal phọ arughunughun mị ạsaḅar bọ? Kụ loor esi ịduon phọ bịdi ropoghom we phọ ạmi rꞌophin ologhi kụ rọ́sighe mun bịdi mọ eelhe.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Izikiel 16:46

“Okumoor umarani ạna, aSameria ẹpe ephunom mọ rꞌạramha phọ ọdi. Ọbam umarani ạna rꞌạramha phọ ọdi, ạSodom ẹpe esoorom mọ.

Izikiel 16:47

Nyina ị́gbaanyan ọdaph ịgbaranuom aruwol phọ ạbidi rꞌọtuughaany eḍighinom ạraraar isa phọ ạbidi? Eeye, íbia bịn eḍighinom ạraraar phọ ạna meeph epu ịpe ạbidi.”

Izikiel 16:51

“ASameria ọ́pioghom oolemi odi esi ịpe ạna. Nạ maḍighi ịdi eeph epu ịdi ọdi maḍighi ghan. Ạsipioghom mọ ạna kụ ọtomaam ịpe abumarani phọ ạna bịn bịdi moḍighi bugey awe.

Izikiel 23:44

Bịdi ọḅile oḅula ọghi esi abulhiom ẹmha phọ ạbuen amem etum mem. Bịdi ọḅile oḅula ọghi esi Ohola rꞌOholiba, bulhiom ẹmha ạnmariir phọ ạbuphe.

Izikiel 23:9

Esi ịduon phọ mị ạḅogh nyọdi ạngo rụga ạbuo Asiria phọ ọdi, bụphe ọdi ạwa bọ iboom mọ.

Hosia 3:4

Ịduon ẹdi awe phọ Ịzirel kọtol ebia dị bụdaam ḅịle rꞌabuḍiemiom kọ́moogh, dị ạrikia ḅịle rꞌạroko asighiigh kẹ́tol, ịkaaghineen ạrumugh ḅịle rꞌigbudu ịmiin kẹ́tol.

Dutoronomi 24:1

“Eru mạar dị oye aphin ạnir kụ ạmiin mọ ạnir phọ ọ́nighe ẹzo ọmaar dọl, kụ ạḅamanaan ạnir phọ ikpoki, kụ ạngo ạnir phọ ḍịnya ọgbaranaan ạḅam ikpoki kụ ạḅeni ạnir phọ mọ ạḍua kꞌọno;

Dutoronomi 24:3

kụ ạnir phọ olhom mọ ọdi ọphon kẹn ụḅeeraan kụ ạḅamanaan ạnir phọ ikpoki, aporogh ạnir phọ mọ ạḍua kꞌọno; kụ eru mạar dị olhom mọ ọdi ọphon phọ amugh,