Jerimaya 3:6 - Ạḍinya Iigbia

⁶ Mem mọ ọpo aJosaya kụ aḍighi bọ ọdaam mọ, kụ Ọmoogh-we phọ ụḅeni ịmi mọ, “Nạ ạmiin ni ịpe Ịzirel, ọkaraph ạnir phọ, maḍighi bọ? Ọdi mạḍua ḍịghaagh ạmi, kụ ạki ạnyu ạtorotoro ẹeḅaraph ḅịle rꞌạtorotoro eeḍian oreeny lọ ạrinya phọ ewil bịn ạki dọl olhe-ẹmha.

Jerimaya 3:6 Iomraidhean Croise

1 Ạbudaam 14:23

Kụ bịdi ọḅile kẹn odoghoḍi riisi ooseeny ẹpe aroogbolom mọ, rꞌịkaaghineen ạrumugh rꞌigbudu um-ạke Asera ạnyu ạtorobo eegbolom rꞌazin ạtorobo oreeny lọ azughuman.

2 Krọnikuls 34:1

AJosaya ạman ọphaanya ạsia kụ aḍighi ọdaam aJuda, kụ ọdi ạda sịphe Jeruselem ịraardi rꞌoniin ạsia.

Ạsuor 106:39

Bịdi ọphuenaan siloor ạbidi rꞌeḍighinom ịyaar phọ ạbidi kụ úmeelom Ẹnaan phọ.

Azaya 57:3

Itu sịen, nyina abuḍighinom ịkaraph. Kosoph ni ọoruen ịngo inyina. Nyina ị́nighe ipu we ạghama, bulhiom ẹmha rꞌạnmariir erelhe ipesi.

Azaya 57:7

Nyina rẹki ghan ạnyu iiphopha aruugum mọ ọphinyon ạrikia rꞌọrolan esi.

Jerimaya 1:2

Ọmoogh-we phọ ạḅeni ni Jerimaya mem dị aJosaya ọony Ạmon mạda Juda ḍioph rꞌịraar ạsia,

Jerimaya 11:10

Bịdi moḅula ọḅile roḍighi yogh ịkaraph ạburude ạburude phọ ạbidi, bụphe úmeera bọ úḍighi ịpe mị ạḅem bọ; bịdi mọoḅereghi ịnon ạrumugh. Ịzirel rꞌaJuda mọka ịyo phọ mị aghiran bọ rꞌạburude ạburude phọ ạbidi.

Jerimaya 17:2

Awe phọ anyina rọoḅereghi ghan sịphe arenmeny phọ rꞌigbudu um-ạke Asera ọgbal ạtorotoro oreeny, rꞌạnyu ạraaḅaraph,

Jerimaya 3:8

AJuda ạmiin kẹn ni mọ mị maseere Ịzirel aporogh nyọdi loor esi dị ọdi mạḍua ḍịghaagh ạmi bịn aḍighi ọnyo oliom ẹmha. Kụ ọlo aJuda, umarani phọ Ịzirel ologhi róḍuom ghan bọ, ọ́moogh oghiilaan. Ọdi phọ kẹn aḍighi kẹn ọnyo oliom ẹmha,

Jerimaya 31:22

Kꞌạpur-aḍio kụ ẹdi nyina kẹekpukian, we dị omeeraam ụ́moogh? Mị mạlhem emoom ịyaar dị ẹgbatanaan, mụdi ạnir dị raakpereghi olephiri ọony.”

Jerimaya 5:11

Awe phọ Ịzirel rꞌaJuda mubi ịmi. Mị Ọmoogh-we phọ kụ ụḅem.”

Jerimaya 7:24

Kụ bịdi ụ́naghanan. Kpạripe ghụn bịdi uḍighi ghan tọrotoro ịlo ịkaraph iloghi phọ ạbidi ẹḅeni bịdi oḍighi, ḅịle kẹn bịdi eeph ni ọloghori kpạripe rꞌọnighe.

Izikiel 16:31

Sịphe ọgbal ạtorobo eten nạ ạlogh riisi ooseeny ịkaaghineen ạrumugh ḅịle rꞌọphamanam olhe ẹmha. Kụ nạ ọ́wa ikpoki ịdipho oghiil oliom ẹmha.

Izikiel 16:35

Kụ iḍighi kụ, Jeruselem, nạ oliom ẹmha! Nạghan ịdi Ọmoogh-we phọ rạkaaph.

Izikiel 20:28

Mị ạsighe bịdi asiemi de phọ mị maguanaan bọ ọngo ạbidi. Mem dị bịdi ọmiin iiphopha aroogbolom rꞌiḍiil ireeny, bịdi ọphinyon rịkia ọngo oomo ạbidi. Bịdi ụngo ịmi ọghagh ologhi loor esi ạrikia phọ bịdi oguom ghan bọ nịan phọ ḅịle rꞌesi amiim mọ bịdi ọsighe bọ oru ịdipho inmo.

Izikiel 23:11

“Ghạlamo ịdipho umarani phọ ọdi Oholiba ạmiin bọ ni ịphen phọ, ọdi eeph ghụn ạḅile ạbugh esi olhe ẹmha phọ apu ịpe Ohola ạrol bọ.

Izikiel 23:4

Okumoor phọ ughol mọ Ohola (ọdi ạmeera esi aSameria), kụ ọḅam mọ oghol mọ Oholiba (ọdi ạmeera esi aJeruselem). Mị aphin ịyal phọ ạbidi, kụ bịdi ụmaranaan ịmi nmụny.

Hosia 11:7

Bịdi ọlogh ẹmhu ọḍua esi ạmi kụ úmeera uḅula. Bịdi komoghi omitiom loor ạdol ạrebene phọ bịdi kọtol bọ, kụ rꞌoye kạ́tagharan bịdi.

Hosia 4:13

Riisi iigbia ọkar ạnyu aruugum, bịdi rọpinyon ghan rịkia, kụ ạnyu aroogbolom bịdi rọsuughi ghan ịnsens zin iipopha ạsiogh dị eevughuman, loor esi dị uba phọ ạnighe! “Loor ịduon phọ, ạnmanyaan anyina moḍighi reepheeny ḅịle ạnmariir dị ạnmuny phọ anyina mophinogh rolhe ghan ẹmha.

Bụo Ịiruen 2:17

Kụ bịdi ụ́naghanan kẹn ni bụo ịiruen phọ ạbidi. Kụ bịdi oyeela yogh rọdaph ghan ịnon ạrumugh, okpuḍian rọoḅereghi. Bịdi ọwile ọdaph areten phọ ịpe ạburude phọ ạbidi orelhe bọ, bụphe ọnaghanam bọ iilogh Ọmoogh-we phọ. Bịdi ụ́daph ịpe phọ kụ roḍighi.