Jerimaya 3:4 - Ạḍinya Iigbia

⁴ “Kụ nyịidipho nạ rụḅeni ghan ịmi mọ, ‘Nạ ọde ạmi, ḅịle kẹn nạ mụphomoghian ni ịmi kꞌẹghoroghor ạmi.

Jerimaya 3:4 Iomraidhean Croise

Ạsuor 119:9

Ika kụ onyugheel ọony aseere dọl ọdi ịdi ịyaar ọḍagha kẹ́tol? Esi ọnaghanan ghan ịtooghi phọ ạna.

Ạsuor 48:14

“Ẹnaan phọ ẹphen phọ kụ Ẹnaan ayira kꞌagee-pọ kꞌagee-pọ. Ọdi kụ kuḍiemiom iyira tụtu ẹteeny kꞌagee-pọ.”

Ạsuor 71:17

Nạ mụtughemi ni ịmi kꞌẹghoroghor, kụ ẹteeny kꞌarodon mị rạkaaph ni ịlo ịiḍaany phọ ạna.

Ạsuor 71:5

Ọmoogh-we, nạ kụ azin oḍuom-ologhi ạmi; mị ạkpasi oḍuom-ologhi ạmi esi ạna kꞌẹghoroghor.

Asidogh 1:4

Ketue ni ekiton oye lọ ariḍien ị́ḅaranu ạmoogh olegheri-ịyaar, ẹḅile ẹtughemi ugheel ạnmuny ọwa ghan ịyaar omitiom.

Asidogh 2:17

lọ ụ́ḅogh loor ụ́ngo olhom ọdi kụ awula iikunya aḍio apineen ọdi.

Jerimaya 2:2

mọ gbeelom dom mọ aḍien ạḅeni tọrotoro oye lọ odi Jeruselem. “Mị ạatughian ni omeeraam dị nyina ẹmoogh ghan mem ẹghoroghor phọ anyina, ịpe nyina ịphomoghian bọ ịmi mem mọ pụruku yira ạalan bọ. Nyina ịdaph ni ịmi ẹpe ẹdala phọ, ẹpe ade phọ oye kőḅeph ghan bọ.

Jerimaya 2:27

Koofolomi ni oomo anyina — nyina phọ ẹḅem bọ mọ oreeny kụ ọde anyina ḅịle mọ aḍighiigh kụ onhiin anyina. Ịphen phọ kemite loor esi dị nyina mẹḍua esi ạmi kpạripe rꞌoru esi ạmi. Kụ ạri mem lọ nyina edi esi ịiḅaghami, nyina rịmagh ghan ịmi oru ọphel anyina.

Jerimaya 3:19

Ọmoogh-we phọ ạḅem mọ, “Ịzirel, mị ụwa ghan ọsighe ạna oḍighi ọony ạmi ḅịle rꞌọngo ạna ịma ade, de dị ẹkaraghi ẹnighe sịen oomo aḅirini phọ. Mị ụwa ghan mọ nạ ụmagh ịmi mọ ọde, ḅịle amem kị́tol mun dị nạ kạḍua ḍịghaagh ạmi.

Jerimaya 31:22

Kꞌạpur-aḍio kụ ẹdi nyina kẹekpukian, we dị omeeraam ụ́moogh? Mị mạlhem emoom ịyaar dị ẹgbatanaan, mụdi ạnir dị raakpereghi olephiri ọony.”

Jerimaya 31:9

Awe ạmi kotigheel rꞌemoghi kụ ọḅaram ịiḅereghi mem dị mị ạpham bịdi ratighelom. Mị katorori bịdi asiemi sikol ạmuum, sịphe eten dị ịyaar okpetaan kẹ́tol. Mị ạkigh ọde esi Ịzirel kụ Ifraim kụ ọkpana ạmi.”

Hosia 2:15

Mị kaḅulemi ni iizo avain phọ ọdi ạmoogh bọ ạngo nyọdi kụ akiton Eḍiiny Ịiḅaghami atene Ọnhu-aḍibuo Oḍuom Ologhi. Ọdi kạḅogh loor ụngo ịmi ịdipho ọdi aḍighi ghan bọ mem isina phọ, ọdi ạḍua bọ Ijipt aru.

Malakai 1:6

Ọmoogh-we Oomo Ịikpo phọ rạḅeni ghan bụpinyon rịkia phọ mọ, “Ọony rạngo ghan ni rughuenian ọde ọdi, ḅịle kẹn otelhedom rạngo ghan ni rughuenian ọde-otu ọdi. Mị kụ ọde anyina — eeghe kụ iḍighi bọ kụ nyina ịmi eegu ị́logh bọ? Nyina mịḅitonaan ịmi, kụ pụruku nyina repuru ghan mọ, ‘Ika kụ ẹdi yoor ọḅitonaan bọ nyịna?’

Malakai 2:14

Nyina epuru ịpe eḍighi bọ kụ ọdi ụ́sighe mun bọ. Ịyaar phọ eḍighi bọ ịduon, ọdi alegheri ni mọ nyina íiko oguanaan phọ ọpo nạ ạngo bọ ạnir phọ ọpo nạ aphin bọ mem mọ ọpo ugheel phọ ạna. Ạnir phọ aḍighi ghan ni ọḅarama ạna, bịn kụ nạ óoko oguan phọ ạna esi ọdi, ghạlamo ịduon nạ aguanaan bọ ni risigh Ẹnaan mọ nạ kạmaar ri ạpam ạnir phọ, mọ nạ kábi nyọdi.