Jerimaya 3:3 - Ạḍinya Iigbia

³ Ẹpe kụ ịyaar phọ ọlophia phọ ụ́loph mun bọ, oyiririph aghozogh kẹn bịn óru. Nạ ạkar ghụn ạkigh ọnyo akunakuna; umugholoor nyịna rásiph ghan.

Jerimaya 3:3 Iomraidhean Croise

Emiighom 19:34

Kụ rẹḅaal ḍịeri phọ aḍio kụ okumoor ọnyani phọ ạḅeni umarani phọ ọdi mọ, “Mị ụrolan ni rꞌoye phọ ḍughul; rodon yira kọḅile ọngo nyọdi miim, ọbo nạ ạrolan aani nyọdi esi, ọbo tọrobo ọnyo ayira ạmoogh mọony dị ọde phọ ayira kụ amitiom.”

Nehemaya 9:17

Bịdi úmeeraam ụ́naghanan; bịdi uwula ni oomo phọ ịpe nạ aḍighi bọ; bịdi uwula ni ịiḍaany phọ nạ aḍighi bọ. Esi ologhoma igbogh, bịdi ụsaḅar ri oḍiemiom dị kạsighe bịdi aḅulemi Ijipt ẹpe ạdol ạrebene phọ. Kụ nạ Ẹnaan dị rạsar ghan kạwilenaan; nạ oye ạghusan rꞌẹphomoghian dị ráagborion ghan oḍeenaan ịghagh iloghi. Ọnma ighirigiir ạna ạbugh ni; kụ nạ bịdi ọ́gunom.

Asidogh 21:29

Awe aruukuan ologhoma siloor ạbidi; ạbukaraph awe kọpu bịn mọ bụno igeny awe.

Azaya 5:6

Mị kạbile ni ạroogho ạsighe. Mị kákoy mun vain phọ, ọghoor ólho mun; kpạripe mị kạbile ạroogho iitoor rꞌiiḅurom ẹsighe. Mị kamirighan mọ aḍio eghire ọlophia ạlophom.”

Jerimaya 14:1

Ọmoogh-we phọ ụḅeni ịmi ịdi egbolomaam ẹkuom ạmuum,

Jerimaya 14:22

Rꞌeniin eru areelhe phọ kétue ẹngo ọlophia; okuaḍio phọ rꞌaloor ọdi bịn kátue aḍighi ịdi ọlophia kạloph. Yoor mọsighe oḍuom ologhi ayoor ọkpasi esi ạna, Ọmoogh-we Ẹnaan phọ ayoor, loor esi dị nạ kụ raḍighi ghan bọ rạraar phọ ịphen.

Jerimaya 14:3

Ạbudaam mọ rotom ghan butelhedom ạbidi mọ ọghi ọwa mụum; bịdi rọki ghan ẹpe ariini ạmuum mọ, kụ ọlo rọ́miin ghan mụum; bịdi rotigheel ghan rꞌizoki dị ịyaar ologhi ílho. Kụ bịdi ọbooghi yogh risigh ạbidi, loor ịdi úlegheri mun ịlo oḍighi.

Jerimaya 14:4

Loor esi dị ọlophia ụ́loph bọ kụ ade phọ mẹgharaghar bọ, mẹkaraghi rẹeḅaghami iloghi abuḅephom iizo phọ; bịdi ọbooghi yogh risigh ạbidi.

Jerimaya 36:2

“Sịghe ḍikpooghineen ạḍinya kụ ạge sịphe phọ tọrobo ịyaar lọ mị ạḅeni nyịna ịlo Ịzirel rꞌaJuda rꞌoomo areelhe phọ. Gẹ tọrobo ịyaar lọ mị mạḅeni ghan nyịna kꞌẹḅel amem mọ mị ạḅaanaan bọ nyịna mem dị aJosaya kụ aḍighi ọdaam-ẹmha kụ ẹteeny nyịidipho.

Jerimaya 5:24

Nyina ị́itughian oghueni ạmi ghạlamo ịduon mị kụ rạngo ghan bọ ni ọlophia phọ ạḅile ạnighemi ibugha phọ anyina lhạ etum lhạ, mem aghozogh rꞌarunu.

Jerimaya 5:25

Kpạripe ghụn, ịkaraph phọ anyina ímeera mọ igey ạraraar phọ ịphen ịteeny inyina.

Jerimaya 5:3

Ọkaraghi agey Ọmoogh-we phọ rạwa ghan weye dị ọphamanam omeeraam mọ ọdi. Ọdi ịgur inyina, kụ ọlo nyina ị́naghanan; ọdi iigbighiḍi inyina, kụ nyina ímeera kẹn ni ị́naghan. Nyina ịḅaar ẹmhu kụ ímeera íkiton esi ịkaraph phọ anyina.

Jerimaya 6:15

Umugholoor asiph ni bịdi loor esi ạraraar isa phọ bịdi oḍighi yogh bọ ḍụghum? Eeye, umugholoor ósiph bịdi rꞌẹnum; bịdi úlegheri rolegheri ịlo okiriri. Kụ iḍighi kụ bịdi komeel li ịdipho ạbueri phọ momeel bọ; mem dị mị ạliom bịdi, ẹpe kụ keḍighi eekuna ạbidi. Mị Ọmoogh-we phọ kụ ụḅem.”

Jerimaya 8:12

Weye ạmi, umugholoor isiph ni inyina loor esi ạraraar isa phọ ịphen phọ nyina eḍighi yogh bọ ḍụghum? Eeye, umugholoor inyina ísiph rꞌẹnum; nyina ílegheri rolegheri ịlo okiriri. Kụ iḍighi kụ nyina kemeel li ịdipho ạbueri phọ momeel bọ; mem dị mị ịliom inyina, ẹpe kụ keḍighi eekuna anyina. Mị Ọmoogh-we phọ kụ ụḅem.”

Jerimaya 9:12

Kụ mị apuru mọ, “Ọmoogh-we, eeghe kụ iḍighi kụ ade phọ mẹgharaghar bọ eten ẹdala phọ, dị tụtu oye ráten ghan mun bọ? Ạnhian kụ ạsu ologhi dị katue alegheri ịphen phọ? Ạnhian kụ ẹdi nạ mạḅeni ghan ịphen phọ, pịdi ọdi ạḅeni bụnon awe?”

Izikiel 3:7

Kụ ọlo rꞌoniin ọnyo awe phọ Ịzirel dị kạnaghanan nyịna ólho; ịmi kẹn bịdi kụ́naghanan. Oomo phọ ạbidi awe ịgbagharan rꞌọḅaar ẹmhu.

Lịvitikos 26:19

abunughi ịikpo phọ nyina rebagaam bọ. Ọlophia kạ́loph kụ ade phọ anyina ẹkaraghar ịdipho okuron.

Ẹmos 4:7

Mị kụ ụphamaghan bọ ni ọlophia phọ mem mọ ọpo ịizupha phọ anyina ẹkar bọ ẹwa mụum. Mị ụngo ni ọlophia eniin ẹmha kụ ẹnon mị ụ́ngo. Ọlophia ạloph ni oniin ozo kụ ọnon ọ́lhoph kụ ạkaraghar.

Ẹmos 4:8

Loor aḍidugh esi ẹephua ạmuum, awe ịbadi ạramha ụghi ni ẹmha lọ bịdi kọmiin mụum, kụ ọ́rol ịdi ạkasian ọphughol. Ghạlamo ịduon phọ ni, nyina ímeera ni íḅula esi ạmi.

Zẹfanaya 2:1

Nyina aweye eelhe dị umugholoor úlegheri, iloghoma siloor anyina,

Zẹfanaya 3:5

Kụ ọlo Ọmoogh-we phọ odi ni sịphe ẹmha phọ; ọdi raḍighi ghan ni ịlo ẹnighe, kị́lo eeph. Tọrobo ạḍiroor ọdi rạ́piom ghan, ọdi rạngo ghan iiḅi ịiruen weye ọdi. Kụ ghạlamo rꞌịduon phọ, awe ạsipioghom lọ odi roḍighi ni ịkaraph phọ kụ umugholoor ósiph.

Hagai 1:11

Mị mạngo ọkoony ạmuum de phọ — ạnyu ạraaḅaraph phọ ọdi, rꞌiizo ịbiakpa phọ, rꞌiizo ireeny avain phọ, ḅịle kẹn rꞌiizo ọliv phọ — tọro esi lọ ịizupha resi ghan sịen ade phọ, esi awe rꞌịnam rꞌoomo ạraraar lọ nyina ẹwa ọzuph.”

Dutoronomi 28:23

Ọlophia kạ́loph mun kụ ade phọ anyina ẹkpar ịdipho okuron.

Bụo aHibru 12:25

Igona ni loor, íkel ghan ọnaghanan ọpo rạkaaph ghan bọ. Bụphe ọḅitonaan bọ nyọpo ạrol bọ sịen ade phọ ạghaaph dom mọ Ẹnaan, ụ́ḍua wororoph. Ika nụun kụ ẹdi yira kokpetenaan bọ ghẹlhe, eḍighi ịyaar lọ yira ọḅitonaan nyọpo odi bọ kꞌạke kụ rạkaaph?