Jerimaya 3:2 - Ạḍinya Iigbia

² Pogh aani ạnyu aroogbolom mọ. Esi esugha ni dị nạ úḍighi ịdipho ọnyo akunakuna ḍụghum? Nạ ukori ghan rụga phọ ạna ẹpe ọgbal eten phọ, ịdipho oye ọlo Arebia rakori ghan bọ oye lọ ọdi kaḍighi ịkaraph ẹpe ẹdala phọ. Nạ mạapu de phọ loor esi olhe-ẹmha phọ ạna.

Jerimaya 3:2 Iomraidhean Croise

Emiighom 38:14

Kụ ọdi ạkaranaan rukpe arukpukele ạnmariir phọ, ạsighe ịnon arukpe aanmenaan, aakpereghian loor ọdi azua ghisigh ọdi ạmana kụ ạghi ạrol ẹpe eḍighom Enaim koten bọ kụ ọki Timna, ịdi eḍighi bọ ọdi mạmiin mọ aSela maphoph ạmanam, kụ ụ́sighe nyọdi ụngo mọ ọdi aphin.

1 Ạbudaam 11:3

ẠSolomon aphin bọ oḍual okuron ạnmariir, nmạnyaan ikpolom awe, rꞌịraar okuron ịyooyo. Kụ ạnmariir phọ ọdi okiton ologhi phọ ọdi.

2 Ạbudaam 23:13

AJosaya ọdaam mọ ạḅile kẹn ạphue roogbolom mọ ịpe koten bọ kụ ọteeny Jeruselem edi bọ ḍịghaagh esoorom sịphe Eegum Ọlivs, ẹpe Sọlomon Ọdaam mọ Ịzirel ạloghonaan bọ Astarte ẹya-eru phọ awe aSaidon ḅịle rꞌaKemos ḅạphanya awe ạMoab ḅịle rꞌạMolek ḅạphanya awe Amon.

Ạsuor 106:38

Bịdi ọze nmụny phọ ạbuphe úlegheri aani bọ kụ ọphuenom de phọ.

Asidogh 23:28

Bịdi rogon nyịna mụdi ạruḅa dị ạaghian eten kụ oḍighi ịdi ịbadi alephiri kópogh mun nmạriir ạbidi.

Asidogh 7:11

Ọdi ạnir dị ạkpo ekpeḍien kụ umugholoor ụ́moogh, dị odi ghan orelhe ghan ikol areten,

Jerimaya 12:12

Awe ẹgham mọghi eten ẹdala phọ rẹḅeeny bọ roogbolom mọ kụ role uruur rạraar ade phọ. Mị marom mọ ẹgham ẹghi eegulemi de phọ; oye ólho dị kạtolom rꞌẹepho.

Jerimaya 2:20

Ọkar Ogbogh Ọmoogh-we phọ ạḅem mọ, “Ịzirel, mebia ni nạ aghel bọ ịtooghi phọ ạmi; Nạ ómeera mun ụnaghanan ịmi ọḅile ụuḅereghi ịmi. Ạnyu ạtorotoro ẹeḅaraph rꞌeeḍian ạtorotoro oreeny, nạ rạaḅereghi ghan rụmugh ẹmaria.

Jerimaya 2:23

Nạ kaḍighi ika kụ ạḅem bọ mọ nạ ọ́opuan loor phọ ạna, mọ nạ kꞌekulha ọ́oḅereghi Baal? Pogh aani ịpe nạ ạpioman bọ ẹpe eḍiiny phọ; mịin ịpe nạ aḍighi bọ. Nạ ạkigh ẹnam ạkamel dị oye ụ́moogh kụ rạwa mọ olephiri phọ ạdaar nyịno, rakilighuan ghan bịn,

Jerimaya 2:7

Mị ụsighe bịdi asiemi ekpisi ade ẹnuum mọ bịdi ọghelom ibugha ekpisi phọ ḅịle rꞌịnon igey ạraraar ekpisi phọ. Kụ bịdi ụbile ghụn oogulemi de phọ ạmi; ọḅile ọopu eelhe phọ mị ạngo bọ bịdi.

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:13

Meeraam bịn mọ nạ ạpioman ni ḅịle kẹn mọ nạ mạḅaar ẹmhu esi Ọmoogh-we phọ, Ẹnaan phọ ạna. Tuphughian mọ eeḍian ạtorotoro oreeny lọ ạrinya phọ ewil nạ mạngo ẹphomoghian phọ ạna iiruen ạrumugh ḅịle kẹn mọ nạ ịto phọ ạmi ọ́naghanan. Mị Ọmoogh-we phọ kụ ụḅem.

Jerimaya 3:21

Ọyugh odi ni ẹpe ạnyu ạraaḅaraph phọ: awe phọ Ịzirel kụ romoghi kọḅile ọoḅereghian, loor esi dị bịdi mọrol dọl ịkaraph ọḅile obula Ẹnaan phọ ạbidi Ọmoogh-we.

Jerimaya 3:9

kụ umugholoor nyọdi rásiph ghan. Ọdi mạapu de phọ, ḅịle ọdi malhe ẹmha esi ọoḅereghi ireeny rꞌasighiigh.

Jerimaya 7:29

“Ịmoogh ọto, weye aJeruselem; ịsama yogh sịlaal anyina eroḅologhi. Ịmoor ḍụor amaḍi sịphe ạnyu ạraaḅaraph mọ, loor esi dị mị Ọmoogh-we phọ rạkagh ni ologhi kụ mạḅile akel weye phọ ạmi.

Izikiel 16:16

Nạ ụsighe iniin arukpe ạna oselemiom ariisi ooseeny phọ ạna, kụ ọkaraghi ịdipho oliom-ẹmha, nạ ụngo loor ạna esi ạtorobo oye.

Izikiel 20:28

Mị ạsighe bịdi asiemi de phọ mị maguanaan bọ ọngo ạbidi. Mem dị bịdi ọmiin iiphopha aroogbolom rꞌiḍiil ireeny, bịdi ọphinyon rịkia ọngo oomo ạbidi. Bịdi ụngo ịmi ọghagh ologhi loor esi ạrikia phọ bịdi oguom ghan bọ nịan phọ ḅịle rꞌesi amiim mọ bịdi ọsighe bọ oru ịdipho inmo.

Elegh aLuk 16:23

Kụ ẹpe ooni ạnian phọ ịminimiin ịphughan ni, kụ aphoophe ghisigh ọdi ạmiin Ebraham ạga dị ẹkel, rꞌạLazaros dị odi ḍịghaagh elhiom ọdi.

Dutoronomi 12:2

Ekori ephiemi oomo ariisi phọ ịpe ạbuo areelhe phọ nyina rẹki bọ ọmoogh phọ rọoḅereghi ghan bọ rụmugh phọ ạbidi, ạnyu aruugum rꞌạnyu aroogbolom mọ rꞌạtorobo ẹlo edi ude aruurum mọ.