Jerimaya 3:16 - Ạḍinya Iigbia

¹⁶ Kụ mem dị nyina meḍiza ẹpe ade phọ, awe kọ́kaaph ghan mun okol Igbe Ịyo phọ ạmi. Bịdi kọ́otughian ghan mun kẹn, kobula ni; bịdi kọ́moogh ghan kẹn ịyaar oḍighinom, bịdi kọ́ka mun ịnon.

Jerimaya 3:16 Iomraidhean Croise

Azaya 60:22

Ghạlamo ọkar ẹbam eghunotu dị esooromi loor Kẹḅile ni eten egbogh eelhe dị ẹmoogh ịikpo. Mem dị ọkar amem mọ ẹteeny, Mị kaḍighi ịdi ịphen phọ kẹnuun emite. Mị kụ Ọmoogh-we phọ!”

Azaya 61:4

Bịdi kọḅile oselemi yogh rạmha dị eegulaan kꞌaḍiodi.

Azaya 65:17

Ọmoogh-we phọ rạḅem ghan mọ, “Mị rạlem ḍimoom ade rꞌimoom ạsike. Rạraar phọ ịpe meten bọ kọ́otughian mun.

Jerimaya 3:17

Mem dị ẹteeny mem mọ ạmuphe phọ, kokol Jeruselem mọ ‘Ạgada Ọdaam Ẹmha Ọmoogh-we phọ’, ḅịle kẹn, oomo areelhe phọ kookpomoghan ghan ẹpe phọ kụ ụuḅereghi ịmi. Bịdi kóḍighi ghan mun ịlo ịkaraph iloghi rꞌoḅom ẹmhu phọ ạbidi ạḅeni bịdi.

Jerimaya 30:19

Awe phọ ạbuphe orugh bọ ẹpe phọ kọmoor sụor ọsephom, bịdi kọlo ḍịolho iboh. Ạḍiseph ạmi kẹbughe ḍita ạbidi, ạḍiseph ạmi ketuomaan bịdi eghuan.

Jerimaya 31:27

“Mị Ọmoogh-we phọ ạḅem mọ amem retu ni dị mị kamuzeḍi de phọ Ịzirel rꞌaJuda weye rꞌịnam.

Jerimaya 31:8

Mị kaakpomoghi ni bịdi kꞌẹpe ephunom mọ kụ ạamaghagh bịdi kꞌaruukuna ade phọ. Awe ikpom ariḍien rꞌạrukugha kotu aani ni, ạnmariir lọ odi rꞌịyal amem aloor rꞌạbulo oghunughun rakun. Bịdi kotigheel kụ oḍighi egbogh eelhe.

Jerimaya 7:4

Kémeeraam mun ikpo ọnhu areekeleghian phọ, ‘Ịiḅaghami ílho! Ọphon Otu Ịiḅereghi Ọmoogh-we phọ! Ọphon Otu Ịiḅereghi Ọmoogh-we phọ! Ọphon Otu Ịiḅereghi Ọmoogh-we phọ!’

Izikiel 15:5

Ọdi ọ́moogh mạar oḍighinom ghạlamo amem mọ ọpo kọ̋lhogh bọ nịan. Nyịidipho ạnian phọ melhe bọ nyọdi kụ eḍighi iighu nyọdi, ọdi ọ́kar ọ́moogh mun rꞌẹnum ịyaar oḍighinom.”

Izikiel 37:26

Mị kakiran ịyo rꞌạbidi dị kẹmeera enye mọ ịyaar bịdi kẹ́ḅogh kꞌagee-pọ. Mị kạmeremi bịdi ạḅile ạbughe ḍita ạbidi, kụ mị ạlogh Otu Ịiḅereghi ạmi de ạbidi, esi dị kạtol kꞌagee-pọ.

Ẹmos 9:9

“Mị kạto ni ạḅem kụ apighemi we phọ Ịzirel ịdipho ịbiakpa dị rọsal. Mị kapighemi ni bịdi igbo areelhe phọ ạgbarion oomo ạbuphe ụ́moogh bọ ịyaar oḍighinom ạsighe.

Zẹfanaya 3:11

Mem mọ ọpo, nyina awe phọ ạmi kẹ́moogh mun umugholoor mọ nyina ẹḅaar ẹmhu esi ạmi. Mị kạgbole tọrobo oye lọ aphoophe loor rꞌeboom ekpom, kụ nyina kẹ́ḅaar mun ẹmhu esi ạmi ạnyu eegbolom iigbia phọ ạmi.

Matiu 1:11

aJosaya kụ ọde aJehoyasin rꞌabumor ọdi. Pọ kụ amem mọ ọsighe bọ we Ịzirel ogheelom Bạbilon.

Matiu 3:9

Kéḍuom ologhi Ebraham ọde phọ ayira. Boonaan Ebraham kạ́tol, mem dị nyina eḍighi ịkaraph. Mị rịḅeni ni inyina mọ Ẹnaan ketue ni ẹsighe sighiigh phọ ịphen eḍighi nmụny ẹngo Ebraham.