Jerimaya 3:13 - Ạḍinya Iigbia

¹³ Meeraam bịn mọ nạ ạpioman ni ḅịle kẹn mọ nạ mạḅaar ẹmhu esi Ọmoogh-we phọ, Ẹnaan phọ ạna. Tuphughian mọ eeḍian ạtorotoro oreeny lọ ạrinya phọ ewil nạ mạngo ẹphomoghian phọ ạna iiruen ạrumugh ḅịle kẹn mọ nạ ịto phọ ạmi ọ́naghanan. Mị Ọmoogh-we phọ kụ ụḅem.

Jerimaya 3:13 Iomraidhean Croise

Asidogh 28:13

Edughom kẹ́teeny nyịna, eḍighi mạar dị nạ ạaghi ịkaraph ạna. Tuphughian amitiom bịn ạwile yogh kụ Ẹnaan keḍeenaan nyịna ọnma ighirigiir.

Azaya 57:5

Nyina reeseeny ghan rụmugh ẹmaria kụ rẹtolan ghan eeḍian iizin ireeny iigbia phọ anyina. Nyina rẹpinyonom ghan nmụny anyina rịkia ologhi aropogh asighiigh dị etuman eeḍian okol ọphiiny.

Jerimaya 14:10

Ọmoogh-we phọ rạḅem ghan ịlo awe phọ ạbuen phọ mọ, “Bịdi ọpomoghian oghiil ọḍua esi ạmi, ḅịle kẹn bịdi ụ́pamaghan siloor ạbidi. Kụ iḍighi kụ ologhi ạmi ọ́ḅaal esi ạbidi. Mị kạatughian ni ịpe bịdi ọpioman yogh bọ kụ mị ạliom bịdi loor esi ịkaraph phọ ạbidi.”

Jerimaya 14:20

Yoor moḍighi ịkaraph esi ạna Ọmoogh-we phọ; yoor moruphughian ịkaraph ayoor ḅịle kẹn rꞌịkaraph ạburude ạburude phọ ayoor.

Jerimaya 2:20

Ọkar Ogbogh Ọmoogh-we phọ ạḅem mọ, “Ịzirel, mebia ni nạ aghel bọ ịtooghi phọ ạmi; Nạ ómeera mun ụnaghanan ịmi ọḅile ụuḅereghi ịmi. Ạnyu ạtorotoro ẹeḅaraph rꞌeeḍian ạtorotoro oreeny, nạ rạaḅereghi ghan rụmugh ẹmaria.

Jerimaya 2:25

Ịzirel, aruwol ạna kị́kola loor esi erelhe, ḅịle kẹn ẹḍogh ạna kị́karaghar loor esi ọwa ịnon ạrumugh. Kụ ọlo nạ ạḅem mọ, ‘Eeye! Mị kátue abula. Mị mạphomoghian iiruen ạrumugh kụ mị kạdaph ni bịdi.’”

Jerimaya 3:2

Pogh aani ạnyu aroogbolom mọ. Esi esugha ni dị nạ úḍighi ịdipho ọnyo akunakuna ḍụghum? Nạ ukori ghan rụga phọ ạna ẹpe ọgbal eten phọ, ịdipho oye ọlo Arebia rakori ghan bọ oye lọ ọdi kaḍighi ịkaraph ẹpe ẹdala phọ. Nạ mạapu de phọ loor esi olhe-ẹmha phọ ạna.

Jerimaya 3:25

Ẹkpe ni dị yira kọmina ude kụ umugholoor uukpereghiom iyira. Yira ḅịle rꞌạburude ạburude ayira rọ́gba ghan mem oḍighi ịkaraph esi Ẹnaan phọ ayira Ọmoogh-we phọ; kꞌekulha yira ụ́naghanan ịto phọ ọdi.”

Jerimaya 3:6

Mem mọ ọpo aJosaya kụ aḍighi bọ ọdaam mọ, kụ Ọmoogh-we phọ ụḅeni ịmi mọ, “Nạ ạmiin ni ịpe Ịzirel, ọkaraph ạnir phọ, maḍighi bọ? Ọdi mạḍua ḍịghaagh ạmi, kụ ạki ạnyu ạtorotoro ẹeḅaraph ḅịle rꞌạtorotoro eeḍian oreeny lọ ạrinya phọ ewil bịn ạki dọl olhe-ẹmha.

Jerimaya 7:24

Kụ bịdi ụ́naghanan. Kpạripe ghụn bịdi uḍighi ghan tọrotoro ịlo ịkaraph iloghi phọ ạbidi ẹḅeni bịdi oḍighi, ḅịle kẹn bịdi eeph ni ọloghori kpạripe rꞌọnighe.

Jerimaya 7:26

Kụ ọlo rꞌoniin oye ọ́naghanan. Kpạripe ghụn, nyina ịḅile ghụn bịn kụ ẹḅaar ẹmhu epu bụrude ạburude phọ anyina.

Izikiel 16:15

“Kụ ọlo nạ ạsighe ọgel ẹnighe phọ rꞌaḍien phọ ạna bịn kụ rạminaam ghan tọrotoro oye dị aru.

Hosia 5:15

“Mị kạḅitonaan ni we phọ ạmi tụtu bịdi mọmiinom ịminighan loor ịkaraph phọ ạbidi kụ otu ọwa ghan ạmi. Iini esi ọmiinom ạbidi, bịdi kụwa ni ịmi.”

Dutoronomi 12:2

Ekori ephiemi oomo ariisi phọ ịpe ạbuo areelhe phọ nyina rẹki bọ ọmoogh phọ rọoḅereghi ghan bọ rụmugh phọ ạbidi, ạnyu aruugum rꞌạnyu aroogbolom mọ rꞌạtorobo ẹlo edi ude aruurum mọ.