Jerimaya 3:12 - Ạḍinya Iigbia

¹² Ọdi ụḅeni ịmi ọghi ọḅeni Ịzirel mọ, “Ịzirel ghạlamo ịduon nyina ologhi réḍuom ghan bọ ni, tigheel esi ạmi. Mị aḍighi oye ọnma ighirigiir ḅịle kẹn mị kạ́kagh mun ologhi; mị nyịna kạ́kagham ologhi kꞌagee-pọ.

Jerimaya 3:12 Iomraidhean Croise

Emiighom 4:7

Mụghumo nạ uḍighi ni ịdi ẹnighe, mịna nyịna mụ́seph ḍụghum? Kụ ọlo eru mạar dị ịpe nạ aḍighi bọ ị́nighe, pọ ịkaraph ẹḅona ni sịphe eghuugh phọ ạna, rẹwa ni ọtooghi ọngo ạna, kụ ọlo kụruru ni ạkpar apu nyọdi.

2 Ạbudaam 15:29

Ariiḍio phọ ịpe aPeka ạda bọ Ịzirel kụ ẹdi ạTiglat Pileser ogbogh ọdaam mọ Asiria ạghi bọ ạsighe Ijon, Ebel Bẹt Maaka, Janoa, Kedes rꞌaHazor rꞌareelhe ạGiliad, Galili rꞌạNaftalai, kụ asiphi we agheelom ẹpe Asiria.

2 Ạbudaam 17:23

tụtu Ọmoogh-we phọ aghel Ịzirel, ạḅogh bịdi ạngo Asiria. Kụ bịdi ọsighe Ịzirel sịphe ade phọ ạbidi ọḍuanam ọsighe ọghi ẹpe Asiria, ịdipho abutelhedom mọ ọdi ariil phọ ọghaaph ghan bọ. Kụ ịphen phọ eḍighi kụ bịdi odi ghan ẹpe phọ kꞌarodon.

2 Ạbudaam 17:6

Ẹman bọ esugha ạsia phọ aHosia ạda bọ kụ amem mọ ọdaam mọ Asiria ạsighe bọ Sameria, ạsighe Ịzirel ạpham agheelom Asiria, arughemi bịdi ẹpe phọ. Buniin ọdi aseere ẹpe ẹmha Hala, buniin ọgbal Ọphiiny aHabor ẹpe ade aGozan, bụeri phọ ẹpe ạramha phọ aMedia.

2 Ạbudaam 18:1

Ẹman bọ ịraar ạsia aHosia ọony phọ Ela ạda bọ Ịzirel, kụ amem dị ạHezekaya ọony phọ Ehaz amiigh ọda Juda.

2 Krọnikuls 29:10

“Mị magbiighi oghiran ịyo Ọmoogh-we Ẹnaan phọ Ịzirel, ọbo ọdi kụ́ghagham mun iyira ophin ologhi.

2 Krọnikuls 30:9

Eḍighi ịyaar dị nyina eḅula esi Ọmoogh-we phọ, bịn bụphe mọsighiogh bọ siya phọ anyina ọḍuanam kọmoogh ọnma ighirigiir ọngo bịdi kụ omeera bịdi otigheel. Ọmoogh-we Ẹnaan phọ anyina ẹmoogh ọnma ighirigiir rꞌigbiririph, kụ eḍighi ịyaar lọ nyina eḅula esi ọdi, ọdi kịsighe ni inyina.”

Ạsuor 103:17

Esi ạbuphe oghueni bọ Ọmoogh-we phọ, ẹphomoghian phọ ọdi kẹtolan kꞌagee-pọ, ḅịle egeny ẹphamam mọ ọdi kẹtol bịn oghiil atum oghiil

Ạsuor 103:8

Ọmoogh-we phọ ạmoogh ghụsan rꞌẹphomoghian; ịyaar rẹ́nuun ghan kephin ologhi ọdi kụ ẹphomoghian ọdi rémunughan.

Ạsuor 103:9

Ọdi rạ́ḅaaghiom ghan oomo amem; ọdi rápin ghan ologhi bịn kꞌagee-pọ.

Ạsuor 145:8

Ọmoogh-we phọ oye ẹphomoghian rꞌọnma ighirigiir; ịyaar ị́nuun ophin ologhi ọdi kụ ẹphomoghian ọdi rémunughan.

Ạsuor 79:5

Ọmoogh-we, nạ kụghagham iyoor ologhi kꞌagee-pọ ḍụghum? Ophin ologhi ạna kaamor mụdi ạnian, ạkiom ghisigh ḍụghum?

Ạsuor 86:15

Kụ ọlo nạ, Ọmoogh-we, nạ kụ Ẹnaan ọnma ighirigiir rꞌẹphomoghian, oomo amem rạkparam ghan, oomo amem rạmoogh ghan igbiririph, ọ́moogh mabi.

Ạsuor 86:5

Nạ ạnighe ni esi ayoor kụ ạsar ghan ịkaraph rạbilenaan; ẹphomoghian phọ ạna rémuneen ghan bọ emuzanaan bụlo rọoḅereghi ghan nyịna.

Asidogh 28:13

Edughom kẹ́teeny nyịna, eḍighi mạar dị nạ ạaghi ịkaraph ạna. Tuphughian amitiom bịn ạwile yogh kụ Ẹnaan keḍeenaan nyịna ọnma ighirigiir.

Azaya 31:6

Ọmoogh-we phọ ạḅem mọ, “We phọ Ịzirel, nyina meḍighi ịkaraph esi ạmi kụ ịmi ị́naghanan. Kụ nyịidipho, itu eḅula esi ạmi.

Azaya 44:22

Mị magbuurogh ịkaraph anyina ạsighe mụdi ọotu. Iḅula esi ạmi; mị kụ ọpo rịphel ghan bọ inyina.”

Jerimaya 11:6

Kụ Ọmoogh-we phọ agbi ọḅeni ạmi mọ, “Kịa ẹpe igbogh ạramha phọ aJuda rꞌẹpe aroḅodo phọ aJeruselem. Gbeelom dom mọ ạmi ẹpe phọ ạḅile ạḅeni weye phọ mọ ọnaghan iilogh ịyo phọ ọḅile ọdaphan.

Jerimaya 12:15

Kụ ọlo mem dị mị mạsighe bịdi ạḍuanam, mị kạmoogh ni ọnma ighirigiir esi ạbidi; mị kạsighe ni tọrotoro eelhe aḅulemi ẹpe ade phọ ạbidi ḅịle rꞌẹmha phọ ạbidi.

Jerimaya 23:8

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Kụ bịdi ogbi orugh ịsien ade phọ ạbidi.”

Jerimaya 3:1

Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:14

“Nyina awe dị ologhi róḍuom ghan, itigheel; nyina ạbuo ạmi. Mị kạsighe weye phọ anyina, oniin oye ẹmha ẹmha, ịyal awe eghun eghun, kụ mị kịsighe inyina aḅulemi ẹpe Eegum ạZayon.

Jerimaya 3:18

Ịzirel kọḅophoghan rꞌaJuda, kụ ọḅoph ọnhu ọḍua ẹpe iiruen ạramha phọ bịdi ọrol ghan bọ ẹpe ephunom mọ kụ otigheel ẹpe ade phọ mị ạngo bọ bụrude ạburude phọ anyina mọ ọmoogh kꞌagee-pọ.”

Jerimaya 3:22

Itigheel, oomo phọ anyina phọ mẹḍua bọ ḍịghaagh Ọmoogh-we phọ; ọdi kiikonom ni inyina ạḅile iḍighi inyina weye oḍuom ologhi. Ịḅem mọ, “Ii, yoor rotu ni esi Ọmoogh-we phọ, loor esi dị ọdi kụ Ẹnaan phọ ayoor.

Jerimaya 3:5

Ịyaar kẹ́kagh ghan ologhi ạna oomo amem; nạ ịmi kụ́ghagham kꞌagee-pọ.’ Ịzirel, ịpe kụ ịdi nạ ạḅem bọ, kụ ạri nạ uḍighi ni oomo ịkaraph phọ ịpe nạ arue bọ.”

Jerimaya 3:7

Mị ugbiom ghan mọ ọdi roḍighi oomo phọ ịphen phọ mọ ọdi kaḅula ni esi ạmi. Kụ ọlo ọdi óḅula, kụ umarani phọ ọdi Juda ọpo ologhi róḍuom ghan bọ ạmiin ni oomo phọ ịdi.

Jerimaya 30:11

Mị katu ni esi anyina ịtagharan inyina. Mị kapiemi ni oomo areelhe phọ ẹpe mị ịiwalalami bọ inyina, kụ ọlo mị inyina kíphiemi. Mị kạ́bile ọliom anyina kụ mem dị mị ịliom inyina, mị kạtuugh ni eḍighinom. Mị Ọmoogh-we phọ kụ mạḅem.”

Jerimaya 31:20

“Ịzirel, nạ kụ ọony ologhi ạmi, ọony dị mị ạkar ạphomoghian. Tọrobo amem lọ mị aghol ḍien phọ ạna, mị ạatughian nyịna rꞌẹphomoghian. Mị ạphomoghian ni nyịna rꞌoomo ologhi phọ ạmi; mị kạnma ni ighirigiir.

Jerimaya 31:21

Igimi rọko ẹloghom elegh eten phọ, ẹḅile emitiom eten phọ nyina erelhe bọ kụ ẹḍua. Itigheel, weye Ịzirel, itigheel ẹpe ạramha phọ nyina ẹrol bọ kụ ẹḍua.

Jerimaya 31:8

Mị kaakpomoghi ni bịdi kꞌẹpe ephunom mọ kụ ạamaghagh bịdi kꞌaruukuna ade phọ. Awe ikpom ariḍien rꞌạrukugha kotu aani ni, ạnmariir lọ odi rꞌịyal amem aloor rꞌạbulo oghunughun rakun. Bịdi kotigheel kụ oḍighi egbogh eelhe.

Jerimaya 33:26

Ịduon mị maḍighi bọ ịphen phọ kụ ẹdi mị kạpamanam ịyo phọ ạmi rꞌẹemara ẹemara ạJekob rꞌaDevid otelhedom mọ ạmi. Mị kạsaḅar oniin ọnyo ẹemara ẹemara phọ aDevid ạda ẹemara ẹemara Ebraham rꞌẠizik rꞌạJekob. Mị kạnma ighirigiir we phọ ạmi kụ ạḅile ạngo bịdi edughom.”

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Ịkunuma 3:22

Ẹphomoghian Ọmoogh-we phọ rꞌọnma ighirigiir phọ ọdi amabi úlho ghan bọ edi ghan bịn.

Izikiel 11:17

“Esi ịduon phọ ḅẹni bịdi ịpe mị Ọmoogh-we dị ạmoogh oomo ịikpo phọ rạḅem ghan bọ. Mị kaakpomoghi bịdi amitiom sịphe areelhe phọ ẹpe mị ạwalalami bọ bịdi, kụ aḅulemi de phọ Ịzirel ạngo bịdi.

Izikiel 33:11

Ḅẹni bịdi mọ agey ni ịduon mị Ọmoogh-we dị ạmoogh oomo ịikpo aru bọ Ẹnaan dị edi ghan, ịmi ị́ḅeeraan ọmiin mọ oḍighinom ịkaraph amugh. Kịḅeeraan ghụn ịmi ọmiin mọ ọdi ạbile oḍighi ghan ịkaraph phọ kụ ạtol. Weye Ịzirel, ịbile ịkaraph phọ nyina reḍighi ghan bọ. Eeghe kụ nyina rẹwa bọ omugh phọ?

Izikiel 39:25

Ọmoogh-we dị ạmoogh oomo ịikpo ạḅem, “Kụ ọlo nyịidipho mị kạnma ighirigiir ẹemara ẹemara ạJekob, weye phọ Ịzirel, ạḅile aḍume bịdi.

Hosia 6:1

Awe phọ ọḅem mọ, “Itu oḅula kꞌỌmoogh-we phọ! Ọdi muḍighi ni iyira ịdi ị́nighe; kụ ọdi kaseere ni ologhi ookonom ayira; ọdi mudoghoḍi iyira rẹlem, kụ ọdi kạkoroghiom ni riisi phọ ukpe. Kị́duon?

Lịvitikos 26:40

“Bụo ẹemara phọ anyina kọgba ni ịkaraph phọ ạbidi omitiom, kụ ọḅile ootuma sịpioghom ạburude phọ ạbidi ọḅaar bọ ẹmhu esi ạmi, ụwile ịmi kụ roḍighi yogh ịpe ítu bọ ịne, kụ ụgbatanaan bọ ịmi

Zẹkaraya 1:4

Kẹ́kigh bụrude ạburude phọ anyina. Mem dị mẹkel iboom, ariil phọ ụngo ghan ni bịdi dom ạmi, ọḅeni ghan bịdi mọ kụ́tolom mun sịdol ịkaraph rꞌạsipioghom. Kụ ọlo bịdi úler rụru, ịmi ụ́naghanan.

Dutoronomi 30:2

Mem ḍi nyịna ekiton eḅula esi Ọmoogh-we Ẹnaan phọ anyina, ẹnaghanan ghan ẹḍogh phọ ọdi, kụ ẹdaph ghan oomo phọ iilogh phọ mị ạlogh bọ ịngo inyina ḍio phọ arodon.