Jerimaya 3:1 - Ạḍinya Iigbia

¹ Ọmoogh-we phọ ạḅem mọ, “Eḍighi ịyaar dị oye aseere ạnir ọdi kụ ạnir phọ ạwile oye phọ ạghi ạal ọnon oye, oye phọ kátue mun ạsighe ạnir phọ ọpo aḅulemi. Ịphen phọ kẹepu ni de phọ ẹmadan. Kụ ọlo, Ịzirel, nạ mạmoogh ịbadi ạruga, kụ nyịidipho nạ rạwa ghan oḅula esi ạmi!

Jerimaya 3:1 Iomraidhean Croise

Ạsuor 106:38

Bịdi ọze nmụny phọ ạbuphe úlegheri aani bọ kụ ọphuenom de phọ.

Azaya 24:5

Awe phọ mọopu de phọ loor ọkaaghi iilogh phọ Ẹnaan, mꞌoghonyonaan ịyo phọ ọdi aghiran bọ mọ ẹrol kꞌagee-pọ phọ.

Jerimaya 2:20

Ọkar Ogbogh Ọmoogh-we phọ ạḅem mọ, “Ịzirel, mebia ni nạ aghel bọ ịtooghi phọ ạmi; Nạ ómeera mun ụnaghanan ịmi ọḅile ụuḅereghi ịmi. Ạnyu ạtorotoro ẹeḅaraph rꞌeeḍian ạtorotoro oreeny, nạ rạaḅereghi ghan rụmugh ẹmaria.

Jerimaya 2:23

Nạ kaḍighi ika kụ ạḅem bọ mọ nạ ọ́opuan loor phọ ạna, mọ nạ kꞌekulha ọ́oḅereghi Baal? Pogh aani ịpe nạ ạpioman bọ ẹpe eḍiiny phọ; mịin ịpe nạ aḍighi bọ. Nạ ạkigh ẹnam ạkamel dị oye ụ́moogh kụ rạwa mọ olephiri phọ ạdaar nyịno, rakilighuan ghan bịn,

Jerimaya 2:7

Mị ụsighe bịdi asiemi ekpisi ade ẹnuum mọ bịdi ọghelom ibugha ekpisi phọ ḅịle rꞌịnon igey ạraraar ekpisi phọ. Kụ bịdi ụbile ghụn oogulemi de phọ ạmi; ọḅile ọopu eelhe phọ mị ạngo bọ bịdi.

Jerimaya 22:20

Weye aJeruselem, ịki ẹpe Lẹbanon ẹlhooghi, ịki ẹpe ade phọ ạBasan kụ emoghi; Ịlooghi ẹmagh ẹpe ạraaḅaraph phọ ạMoab, loor esi dị oomo phọ ạbuphe oḍighan bọ rꞌanyina ẹgham mọ momeel.

Jerimaya 3:22

Itigheel, oomo phọ anyina phọ mẹḍua bọ ḍịghaagh Ọmoogh-we phọ; ọdi kiikonom ni inyina ạḅile iḍighi inyina weye oḍuom ologhi. Ịḅem mọ, “Ii, yoor rotu ni esi Ọmoogh-we phọ, loor esi dị ọdi kụ Ẹnaan phọ ayoor.

Jerimaya 3:9

kụ umugholoor nyọdi rásiph ghan. Ọdi mạapu de phọ, ḅịle ọdi malhe ẹmha esi ọoḅereghi ireeny rꞌasighiigh.

Jerimaya 31:22

Kꞌạpur-aḍio kụ ẹdi nyina kẹekpukian, we dị omeeraam ụ́moogh? Mị mạlhem emoom ịyaar dị ẹgbatanaan, mụdi ạnir dị raakpereghi olephiri ọony.”

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Jerimaya 4:14

Jeruselem, tootola ịkaraph sịphe ologhi phọ ạna, pịdi nạ ạmoogh pẹleeny. Ạpur amem kụ nạ ạbile ọotughian ghan ịkaraph ịitughian?

Ịkunuma 1:2

Oomo aḍughul phọ ọdi ramoghi ni; izin rẹkoghi riḍien kesoroghu. Sịphe ogbo oomo igbaany ạrighiri phọ ọdi, rꞌoniin ólho mun ọodereghi ọdi. Awe ạmuḅoph ọdi mookeleghi nyọdi, kụ oomo ạbidi rotu esi ọdi sighiton.

Izikiel 16:26

Nạ ameera mọ ạbuo Ijipt abumatuman bụo ẹephua phọ ạna ọrolan esi rꞌạna, kụ nạ aḍighinom olhe ẹmha phọ ạna ịlo ọngo ạmi ọghagh ologhi.

Izikiel 16:30

Ịphen kụ ịdi Ọmoogh-we dị ạmoogh oomo ịikpo rạkaaph bọ: “Nạ maḍighi oomo ịphen ịdipho oliom ẹmha dị umugholoor úlegheri.

Izikiel 16:35

Kụ iḍighi kụ, Jeruselem, nạ oliom ẹmha! Nạghan ịdi Ọmoogh-we phọ rạkaaph.

Izikiel 33:11

Ḅẹni bịdi mọ agey ni ịduon mị Ọmoogh-we dị ạmoogh oomo ịikpo aru bọ Ẹnaan dị edi ghan, ịmi ị́ḅeeraan ọmiin mọ oḍighinom ịkaraph amugh. Kịḅeeraan ghụn ịmi ọmiin mọ ọdi ạbile oḍighi ghan ịkaraph phọ kụ ạtol. Weye Ịzirel, ịbile ịkaraph phọ nyina reḍighi ghan bọ. Eeghe kụ nyina rẹwa bọ omugh phọ?

Hosia 1:2

Ẹḅel amem mọ Ọmoogh-we phọ ạḅeni bọ we phọ Ịzirel esi aHosia, ọdi ạḅeni ni Hosia mọ, “Kịa aphin ạnir; ạnir ạna nyịna kạ́naghanan, kụ ạnmuny ạna kọkigh nyọdi. Ịdipho phọ kụ ẹdi awe ạmi mụwile ịmi kụ odi ḍịo ạbidi.”

Hosia 2:2

Nmụny ạmi, ịḅaanaan onhiin anyina — ọbo ọdi kạ́nir ạmi mun, kụ mị kólom ọdi mun. Ịḅaanaan nyọdi ọdi ạwile olhe ẹmha rꞌorelhe yogh.

Maika 2:10

Iḅerenu ẹḍua; ạdol ẹepho ílho mun sịen. Ịkaraph anyina mẹphue esi phọ ẹphen ẹḅogh ẹngo oogulemi.

Zẹkaraya 1:3

kụ ọlo nyịidipho mị rịḅeni inyina mọ iḅula esi ạmi kụ mị kaḅula ni esi anyina.

Matiu 5:31

“Ụḅem ghan kẹn ni mọ oye lọ aseere ạnir ọdi, mọ ạngo ghan ḍịnya ọgbaranaan.

Dutoronomi 22:21

pọ bịdi ọsighe ọnyani phọ omitiom, ọsighe ọghi sịphe esomanan otu ọde ọnyani phọ awe ẹmha phọ oroḅol nyọdi ikpo oghiigh, ịdi eḍighi bọ ọdi mạphue Ịzirel, ạtol kꞌọde ọdi ale ẹmha. Iḍighi ghan ịduon ọbo ịkaraph ekunughian sịphe ogbo phọ anyina.

Bụo Ịiruen 19:2

Kụ ịyal phọ ạbidi ọmoogh ọgbaragbara kụ ạnir phọ ạwile nyọdi agheel kꞌọde ọdi ẹpe Bẹtilihem ẹpe eelhe aJuda kụ ạrol ẹpe inya ụnwanyu.