Jerimaya 27:5 - Ạḍinya Iigbia

⁵ Esi igbogh ịikpo phọ ạmi rꞌịnyaam ạmi kụ mị ạlhem bọ aḅirini phọ, weye, rꞌịnam dị edi sịphe ade phọ; kụ ẹdi mị ạngo tọrobo oye lọ mị kụ ạsaḅar.

Jerimaya 27:5 Iomraidhean Croise

Emiighom 1:25

Kụ Ẹnaan ẹlhem oomo phọ ạbidi kụ ẹḅeeraan nyọdi ịpe ọdi ạmiin bọ.

Emiighom 9:6

Tọrobo oye lọ azu ịḅaal oye, pọ ọnon oye kakiigh aani ni nyọdi, ịdi eḍighi bọ Ẹnaan ịlhem oye ẹghighima loor.

1 Ạbudaam 8:42

(ịdi eḍighi bọ bịdi mọnaghan ni ịlo aḍigbogh aḍien phọ rꞌaḍilom ạḍighaagh phọ ạna, rꞌosele aḍikpe phọ ạna) mem lọ dị aru rạaḅereghi sịen Otu phọ ọphon,

Ẹzra 1:2

“Ịphen kụ ịto phọ ạSairos ogbogh ọdaam mọ aPasia. Ọmoogh-we Ẹnaan kꞌạke phọ, muḍighi ịmi ọdaam oomo areelhe ịsien aḅirini phọ kụ mạḅogh oḍighi ọlogh Otu Ịiḅereghi ọlo ọdi ẹpe Jeruselem ẹpe Juda ụngo ịmi.

Nehemaya 9:22

“Nạ ụngo ni bịdi ịnyaam ọkpar opu areelhe rꞌạramar, rạmha dị ẹkuanagh bịdi. Bịdi eeghi ni ọkpar opu de aHesbon, ẹpe aSihon kụ ạda bọ, rꞌade ạBasan, ẹpe Ọg kụ aḍighi bọ ọdaam.

Ạsuor 102:25

Mem dị eten dị mebia, nạ kụ ụlhem bọ de phọ kụ ạsighe rạghaagh phọ ạna kụ ạlemom kẹ phọ.

Ạsuor 96:5

Ạrumugh oomo ịpheri phọ areelhe phọ eḍighi ịkaaghineen ạrumugh, kụ ọlo Ọmoogh-we phọ kụ ạlhem sịke phọ.

Ẹḍua 20:11

Ịsiphe odiiny aḍio phọ kụ ẹdi mị Ọmoogh-we phọ ạlhem bọ kẹ phọ rꞌade phọ, rꞌọphiiny phọ, rꞌoomo ạraraar lọ edimom, kụ aphooghian ḍịphe emuneniom bọ oḍual aḍio phọ. Ịduon kụ ẹdi mị Ọmoogh-we phọ ạseph bọ ḍio ophooghian phọ aseere ḍio iigbia.

Ẹḍua 6:6

Loor ịduon phọ ḅẹni we phọ Ịzirel mọ, ‘Mị kụ Ọmoogh-we phọ. Mị kịsighe ni inyina esi ịminimiin phọ Ijipt rịmiine bọ inyina. Mị kịsighe ni inyina esi ạdol ạrebene phọ. Mị kapoophe ni ḍịghaagh iphelegbe ạmi ịtagharan inyina rꞌịgbagara ịiruen.

Azaya 42:5

Ẹnaan ịlhem ni sịke phọ kụ ẹetarion ẹreghe; ọdi ạnighemi ni de phọ rꞌoomo ạraraar phọ ẹdi ghan bọ sịphe; ọdi ạngo ni ghuḍum rꞌaḍiphooghu oomo awe ịsien aḅirini phọ. Kụ nyịidipho Ọmoogh-we Ẹnaan phọ ạḅeni otelhedom mọ ọdi mọ,

Azaya 44:24

“Mị kụ Ọmoogh-we phọ, ọpelia phọ anyina. Mị kụ ọpo ịlhem bọ inyina. Mị kụ Ọmoogh-we phọ, ọlemom oomo ạraraar. Ogina ạmi kụ ụreghe bọ sịke phọ; mem mọ mị ạlhem bọ de phọ, oye ịmi ḍịghaagh ụ́loghonaan.

Azaya 45:12

Mị kụ ọpo ạlhem bọ de phọ kụ ạlhem oye mọ ạghelom; Mị ụsighe ịikpo ạmi kụ ạlhemom bọ sịke phọ; mị rạpamaghan ghan erumuḍio phọ, ụnwanyu phọ rꞌạraanaan phọ.

Azaya 48:13

Ạraghaagh ạmi kụ ịlhem bọ ephighiom ade phọ kụ ạreghe bọ sịke phọ. Mem lọ mị ạmagh de phọ rꞌokuaḍio phọ, bịdi rotu ghan ni egina amem koḍeenaan siloor ạbidi.

Azaya 51:13

Nyina mewula Ọmoogh-we phọ ịlhem bọ inyina, ọpo ạreghe bọ sịke phọ kụ aphighi bọ de phọ ạkparami? Eeghe kụ nyina edi ghan bọ dọl oḅio-kakaph ọghagh ologhi ạbidi inyina kị́teeny mun, ạbuphe ọnya bọ ophiemi anyina? Ọkaraph ookuugh ạbidi inyina kạ́teeny.

Jerimaya 27:4

Ọmoogh-we Egbogh Ẹnaan phọ Ịzirel ụḅeni ịmi ọto ọngo ạbidi mọ ọḅeni bụdaam ẹmha phọ ạbidi mọ Ọmoogh-we phọ mạḅem:

Jerimaya 32:17

“Ọkar Ogbogh Ọmoogh-we, nạ ụlhem de phọ rꞌokuaḍio phọ rꞌịikpo ạna rꞌịnyaam ạna; ịyaar ílho dị ẹkparanaan nyịna.

Jerimaya 51:15

Ẹnaan phọ ạlemom de phọ rꞌịikpo ọdi; rꞌolegheri ịyaar ọdi kụ ẹdi ọdi ạlhemom bọ aḅirini phọ ạḅile arere kẹ phọ.

Dạniel 2:38

Ọdi mạma nyịna ọda oomo awe lọ orugh sịphe ade phọ rꞌọḅile ọda oomo ịnam rꞌịnun. Nạ kụ ẹmhu agol igbudu phọ.

Dạniel 4:14

Ọdi agbeelom eboom ẹḍogh, ‘Isoph oreeny phọ elher, eegbo ịla phọ, ẹmaaphogh rịnya phọ, ẹḅile ẹwalalami iimuma phọ. Iporogh ịnam mọ sịphe eeḍian phọ ḅịle rꞌịnun phọ ẹpe ịla phọ.

Dạniel 4:17

Ịphen kụ ịdi ạruukpaany kꞌẸnaan phọ ookolobian bọ kụ ogon ghan bọ ọḅem. Loor ịphen phọ, oomo awe tọrobo ekpisi ọmaar olegheri mọ Ọkaraghi Egbogh Ẹnaan phọ kụ ịmoogh ịikpo ẹda reelhe awe kụ ketue ni ẹngo tọrobo oye lọ ọdi ạsaḅar — ghạlamo ọkaraghi oghiil oye.’

Dạniel 4:22

“Ogbogh ọdaam, nạ kụ oreeny phọ ọpo aphoph bọ kụ ạmoogh bọ ịnyaam mọ. Nạ maphoph akara okuaḍio phọ, kụ ịikpo ạna aleeny oomo aḅirini phọ.

Dạniel 4:25

Kophorogh ni nyịna ọsighe eghoroghan awe kụ nạ atughan rꞌilhom ịnam. Esi oḍual ạsia nạ kạtaal ghan rọogho ịdipho ạnam, kụ ạmina ghan ephoghoghoony, esi dị ooto kasoorom ghan nyịna. Kụ nạ agbi omeeraam mọ Ọkaraghi Egbogh Ẹnaan phọ kụ repogh oomo ạramar awe, kụ mọ ọdi katue ni ạngo bịdi tọrobo oye lọ ọdi ạsaḅar.

Dạniel 5:18

“Ọkaraghi Egbogh Ẹnaan phọ aḍighi ni ọde ạna Nẹbukadnezar ogbogh ọdaam kụ ạngo nyọdi rughuenian rꞌạgada igbogh.

Iiḍighi 14:15

“We phọ! Iḍighi ika kụ nyina reḍighi bọ rạraar phọ ịphen phọ? Yoor awe ni. Yoor ọmoogh ni ḍiniin aḍizu ịdipho anyina. Yoor ọsighe ooḅi ọghaaph iruomonaan inyina, ọbo nyina ẹwile oopho ạraraar phọ ịphen ekiton esoman Ẹnaan phọ edi ghan bọ, ẹpe ẹlhem bọ kẹ rꞌade rꞌọphiiny phọ rꞌịlo esi rꞌesi.

Iiḍighi 17:24

Ẹnaan phọ ẹlhem bọ aḅirini phọ rꞌoomo ịpe edi bọ Ọmoogh-we ạke rꞌade rátugh ghan ruutu lọ ọsighe rạghaagh kụ ọloghom.

Iiḍighi 17:26

Ọdi kụ aḍighi ịdi oniin ogbogh ọde bịn kụ ạmaraghi bọ bụo oomo areelhe aleenye aḅirini phọ, kụ ạtooghi ịlo amem rꞌamem kụ ạloghoḍi rụuku arere phọ,

Dutoronomi 2:19

Kụ mem lọ nyina ẹghi ẹteeny de ạnmuny Amon, ị́ki ghan ọwa asighiton esi ạbidi. Kézuom bịdi ẹgham, ịdi eḍighi bọ mị inyina kị́ngo rꞌẹkpigh ade phọ ạnmuny Amon, ịdi eḍighi bọ mị mạngo de phọ ạḍiphe nmụny ạLot, ạḍio ạbidi.’”

Dutoronomi 2:21

Bịdi ịgbagara awe, oḍiza, opophogh ịdipho awe phọ Anakim, kụ Ọmoogh-we phọ aphiemi bịdi aagulemi egbodo awe Amon phọ, kụ bịdi ạarom bịdi de phọ orugh.

Dutoronomi 2:7

“Ịitughian ịdi Ọmoogh-we Ẹnaan phọ anyina mạseph oomo iiḍighi ạraghaagh phọ anyina. Ọdi alegheri ni erelhe phọ anyina sịen eboom mọ ẹdala phọ ẹphen; esi inyadi ạsia phọ Ọmoogh-we Ẹnaan phọ anyina edianaan ni rꞌanyina, ịyaar inyina ki̋ku.

Dutoronomi 2:9

Kụ Ọmoogh-we phọ ụḅeni ịmi mọ, ‘Kẹ́eḅaghami we phọ ạMoab. Kézuom bịdi ẹgham ịdi eḍighi bọ mị inyina rꞌẹkpigh ade phọ ạbidi rị́ngo mọ ịmoogh, ịdi eḍighi bọ mị mạngo nmụny ạLot Ar mọ bịdi ọmoogh.’”

Dutoronomi 32:8

Mem mọ Ọkaraghi Egbogh Ẹnaan phọ adiighi bọ rere phọ, ọdi kụ ạtooghi riisi lọ areelhe kẹtologhu, ọdi kụ aseenaan eelhe kịrokiro ọokpaany.

Dutoronomi 4:17

lọ ẹghigh ẹnam lọ edi sịen aḅirini phọ, lọ ẹghigh ẹnun lọ edi sịen aḅirini phọ rẹpepheghuan ghan ẹpe okuaḍio phọ,

Dutoronomi 4:25

“Ghạlamo amem lọ nyina mẹrol sịphe ade phọ ebia kụ ẹmaraghi nmụny rꞌạnmuny ạnmuny, kẹ́epuan siloor anyina, kụ ẹ́kaaghi rụmugh lọ ẹghigh ịyaar. Ịphen phọ ạsipioghom dị kẹkagh ologhi Ọmoogh-we phọ.

Dutoronomi 4:32

“Ịitughian eḅula ọman mem dị eten kụ ogbi ọmar anyina, emiigh kꞌaḍio phọ Ẹnaan ẹlhem bọ oye sịen aḅirini phọ. Iḅiligha oomo ade phọ, emiigh kꞌeekuna ẹphen ạke phọ ẹghi esiemi ẹpheri phọ eekuna phọ. Ịyaar dị ẹbugh ịduon memite ghan ni kꞌekulha?

Dutoronomi 4:35

Iḍeenaan bọ inyina ịphen phọ, ọbo nyina ẹsighe elegheriom mọ Ọmoogh-we phọ, ọdi bịn kụ Ẹnaan. Omuton nyọdi ẹnon ílho.

Dutoronomi 5:16

“‘Lọgh eegu ọde ạna rꞌonhiin ạna, ịdipho Ọmoogh-we phọ Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we Ẹnaan phọ ạna rạngo bọ nyịna.

Dutoronomi 9:29

Kụ bịdi phọ awe ạna dị ạsaḅar ạmoogh, bụphe nạ ạsighe bọ igbogh ịikpo phọ ạna rꞌạḍighaagh iphelegbe phọ ạna nạ azin bọ aḍighi ịdi bịdi ọḍua.’

Bụo ạKolosi 1:16

Esi ọdi rꞌịlo kụ ẹdi Ẹnaan ẹlhem bọ oomo ạraraar phọ edi bọ kꞌạke rꞌịsien ade phọ, ịdi rọmiin rꞌịlo rọ́miin, rꞌoomo ịkpana ạraraar ẹpe kꞌạke rꞌịsien ade phọ, mꞌạbudaam aruwaloor mꞌạraalha mꞌigbogh awe ạbidi — oomo ạraraar, ụsighe ḍịghaagh ọdi kụ ọlhemom bọ mọ eḍighi ịpe ọdi ạtooghi bọ.

Bụo aHibru 1:2

kụ sịen ariiḍio ekureriom mọ, ọdi arom Mọony phọ ọdi kụ ạghaaph bọ ụḅeni iyira. Ẹnaan ịsighe ḍịghaagh ọdi kụ ẹlhemom bọ aḅirini phọ, ẹḅile ẹsaḅar nyọdi mọ ạmoogh oomo ạraraar ruukuna phọ.

Ogonanami Phọ 4:11

“Nạ, Ẹnaan rꞌỌmoogh-we phọ ayoor, ạman ni lọ yoor kọngo ghan eghuan rꞌigbogh rꞌịikpo, ịdi eḍighi bọ nạ kụ ụlhem bọ oomo ạraraar phọ. Esi ịtooghi phọ ạna kụ ẹdi bịdi edi ghan bọ repooghu.”