Jerimaya 27:4 - Ạḍinya Iigbia

⁴ Ọmoogh-we Egbogh Ẹnaan phọ Ịzirel ụḅeni ịmi ọto ọngo ạbidi mọ ọḅeni bụdaam ẹmha phọ ạbidi mọ Ọmoogh-we phọ mạḅem:

Jerimaya 27:4 Iomraidhean Croise

Ẹḍua 5:1

Kụ ẹteeny mem dị aMozis rꞌEeron ọghi ọteeny ọdaam eelhe phọ Ijipt kụ ọḅeni nyọdi mọ, “Ọmoogh-we Ẹnaan phọ Ịzirel ẹḅem mọ, ‘Meera awe phọ ạmi ogheel, ọghi ẹpe ẹdala phọ ulianaan ịmi ẹyaal.’”

Jerimaya 10:10

Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Jerimaya 10:16

Ẹnaan phọ ạJekob ọ́ghigh bịdi; ọdi kụ ạlhem bọ oomo ạraraar phọ, kụ ọdi mạsaḅar Ịzirel mọ oḍighi weye ọdi. Ẹnaan Oomo Ịikpo Ọmoogh-we phọ kụ aḍien ọdi.

Jerimaya 25:27

Kụ Ọmoogh-we phọ agbi ọḅeni ạmi mọ, “Ḅẹni weye phọ mọ mị Ọmoogh-we Ẹnaan phọ Ịzirel Ẹnaan Oomo Ịikpo kụ ụto ạngo bịdi mọ bịdi ọphughol tụtu aghiigh bịdi ọḅile ozuughi yogh, tụtu ọḍua omeleghu bịn útue mun úḅetenu, loor esi ẹgham mọ mị ạsighe bọ ratuomonaan bịdi.

Jerimaya 27:3

Kụ Ọmoogh-we phọ ụḅeni ịmi mọ mị ụngo dom ikpolom aruuruen dị oru Jeruselem ọmiin ạZedekaya ọdaam ẹmha phọ mọ bịdi ọghiomonaan bụdaam mọ Idom, Mọab, Amon, Taya rꞌaSaidon.

Jerimaya 27:5

Esi igbogh ịikpo phọ ạmi rꞌịnyaam ạmi kụ mị ạlhem bọ aḅirini phọ, weye, rꞌịnam dị edi sịphe ade phọ; kụ ẹdi mị ạngo tọrobo oye lọ mị kụ ạsaḅar.

Jerimaya 28:14

Egbogh Ẹnaan phọ Ịzirel Ọmoogh-we phọ mạḅem mọ ọno kạsighe ọfeguma okuron ạḅam rụpha oomo areelhe phọ ịphen, kụ mọ bịdi kokumu ghan Nẹbukadnezar ogbogh ọdaam mọ ạBabilon. Ọmoogh-we phọ mạḅem mọ ọno kaḍighi ịdi ghạlamo rꞌilhom ịnam bịn kekumu ghan Nẹbukadnezar.”

Jerimaya 51:19

Ẹnaan phọ ạJekob ị́kigh ịdipho ạbidi; ọdi kụ ọpo ạlhem bọ oomo ạraraar, kụ ọdi mạsaḅar Ịzirel oḍighi ọkar awe ọdi. Ẹnaan Oomo Ịikpo Ọmoogh-we phọ kụ aḍien ọdi.