Jerimaya 27:3 - Ạḍinya Iigbia

³ Kụ Ọmoogh-we phọ ụḅeni ịmi mọ mị ụngo dom ikpolom aruuruen dị oru Jeruselem ọmiin ạZedekaya ọdaam ẹmha phọ mọ bịdi ọghiomonaan bụdaam mọ Idom, Mọab, Amon, Taya rꞌaSaidon.

Jerimaya 27:3 Iomraidhean Croise

2 Krọnikuls 36:13

ẠZedekaya ạḅaar ri ẹmhu esi ạNebukadnezar ọdaam mọ, ọpo ạkpaariom bọ nyọdi mọ aghunya rꞌaḍien Ẹnaan mọ ọdi kaḍugh ni oye. Ọdi ạmoogh oḅom ẹmhu kụ ómeera okiton oḅula esi Ọmoogh-we Ẹnaan phọ Ịzirel.

Azaya 23:4

Ẹmha aSaidon, moofolomi nyịna! Ọphiiny phọ rꞌigbogh asigher otu-ḅualhe phọ mẹpharanaan nyịna kụ ẹḅem mọ, “Mị kọ̋mar ghan rꞌoniin ọony. Mị kőokonom ghan lephiri mꞌạnmanyaan.”

Jerimaya 27:12

Mị ụḅeni kẹn ni ịduon Zẹdekaya ọdaam mọ aJuda mọ, “Sooromi loor ạngo ọdaam eelhe phọ ạBabilon. Kumu nyọdi rꞌaweye ọdi, bịn nạ kạtol li abia.

Jerimaya 27:4

Ọmoogh-we Egbogh Ẹnaan phọ Ịzirel ụḅeni ịmi ọto ọngo ạbidi mọ ọḅeni bụdaam ẹmha phọ ạbidi mọ Ọmoogh-we phọ mạḅem:

Jerimaya 28:1

Ḍiniin phọ ạlha phọ ạḍiphe phọ, omuneniom oogh ụnwanyu ạlha dị emuneniom inya dị ạZedekaya mạda, aHananaya ọony Azur, oyil ọlo ẹmha ạGibion, ụḅaanaan ni ịmi sịphe Otu Ịiḅereghi phọ. Sịphe risigh ariil ạrikia phọ rꞌawe phọ, ọdi ụḅeni ịmi

Izikiel 29:18

Ọdi ạḅem mọ, “Oye dị kamugh ni, ạNebukadnezar ogbogh ọdaam mọ ạBabilon azuom ni Taya. Ọdi aḍighi ịdi awe ẹgham ọdi orool dool dị ẹemor iboom kụ ạrumhu ẹḅaal kụ ạrupha ephinogh, kụ ọdaam mọ ọ́moogh ịyaar ḅịle awe ẹgham mọ ụ́moogh ịyaar sịphe oomo ịiḅaghami phọ ạbidi.

Ẹmos 1:9

Ọmoogh-we ạḅem mọ, “Awe aTaya mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụkar kụ ọsighe ekpom eelhe kụ oseere dọl iiruen ẹpe ade phọ Idom, kụ úuko iilogh ịyo phọ bịdi kụ oghiran bọ ịlo ẹphomoghian.