Jerimaya 27:2 - Ạḍinya Iigbia

² mọ mị ụsighe ọfeguma ozu ẹnam rꞌipoḍi oreeny dị ẹgbagh ụgban orum ạmi.

Jerimaya 27:2 Iomraidhean Croise

1 Ạbudaam 22:11

Kụ oniin ọnyo ạbidi ạZedekaya, ọony phọ aKenaana, ạsighe okuron ạlemom rụkuodu ịlo ọdi kụ ạḅeni Ehab mọ, “Ọmoogh-we phọ ạḅem ịduon mọ, ‘Nạ kạsighe ịphen phọ kụ anyuughiom bụo ạSiria phọ apiemi.’”

Jerimaya 27:11

Kụ eḍighi ịyaar dị eelhe ẹrol dị esooromi loor kụ ẹngo ọdaam-eelhe phọ ạBabilon kụ ekumu nyọdi, pọ mị kameera ni mọ bịdi ọrol sịphe ade phọ ọdi, oḅeph iizo ọḅile orugh sịphe phọ. Mị, Ọmoogh-we phọ, kụ mạḅem.”

Jerimaya 27:12

Mị ụḅeni kẹn ni ịduon Zẹdekaya ọdaam mọ aJuda mọ, “Sooromi loor ạngo ọdaam eelhe phọ ạBabilon. Kumu nyọdi rꞌaweye ọdi, bịn nạ kạtol li abia.

Jerimaya 30:8

Ọmoogh-we Ẹnaan Oomo Ịikpo phọ ạḅem: “Mem dị aḍio phọ ạḍiphe eru esi, mị kasoph ni oḍigh phọ ọkpoom bọ irum mọ ạbidi kụ ạakpo izime phọ ọphaḍiom bịdi, kụ bịdi kóḍighi mun rẹbene ọ́ngo ruuruen.

Izikiel 30:18

Ufiri kasoorom Tapanes mem dị mị aphiemi ịikpo phọ Ijipt, kụ awe oomo ạramha phọ ọdi koḍighi bụo ikoli.

Izikiel 7:23

“Tọrobo ịyaar edi ni esi ịgbaragbara — de phọ ạrookom-enu omuza kụ rạmha phọ ekpom elephiri emuza.

Ẹmos 7:1

Mị ụmiin ni ịmiin dị Ọmoogh-we Oomo Ịikpo phọ uḍeenaan ịmi. Mị ụmiin ịdi ọdi ạlhem ọoloogh igurubia mem dị mogbo bin ạroogho dị ịnam ọdaam mọ rẹḅal ịḅal, kụ ạroogho phọ mạḅile rasiighi.

Ẹmos 7:4

Ọmoogh-we Oomo Ịikpo phọ ạḅile ni uḍeenaan ịmi ịmiin. Nyẹen, mị ụmiin dị odi raakolobian ọlhiom awe phọ ọdi rꞌạnian. Ạnian phọ ilhe ni ogbogh ọphiiny phọ odi bọ eeḍian ade phọ, kụ emiigh olhe oomo ade phọ.