Jerimaya 26:9 - Ạḍinya Iigbia

⁹ Eeghe kụ iḍighi kụ nạ ạsighe bọ ḍien Ọmoogh-we phọ rạḅemom ghan mọ Otu Ịiḅereghi phọ ọphon kạtol ịdipho aSailo ḅịle kẹn mọ koogulemi ẹmha phọ ẹphen kụ mọ oye kátugh mun sịen phọ?” Ọpo kụ amem dị awe phọ ukoom ịmi.

Jerimaya 26:9 Iomraidhean Croise

2 Krọnikuls 25:16

“Kꞌapuramem,” Amazaya apuru, “kụ ẹdi yoor ọma nyịna oye oromoghiom ọdaam mọ? Kpereghi ọnhu ạna, ọbo mị kaghiigh nyịna!” Oyil phọ asophe, kụ ạḅem ạloghom, “Nyịidipho mị alegheri ni mọ Ẹnaan mẹetughian ophiemi ạna loor esi dị nạ maḍighi oomo ịphen kụ mạḅitonaan oroma ạmi.”

Azaya 29:21

Ẹnaan kepiemi ni bụo ịkaraph ạsiagba phọ, bụphe rokikima bọ mọ ọliom bụo ạsipioghom mọ, rꞌạbuphe rọgba ghan bọ ọkpe ịlo ọpharanaan igey awe akeel phọ ạbidi.

Jerimaya 32:3

ẠZedekaya ọdaam mọ musiph ịmi ạlogh ikoli sịphe, ịdi eḍighi bọ mị ụḅeni we phọ mọ Ọmoogh-we phọ mạḅem mọ, “Mị kaḍighi ịdi ọdaam-ẹmha phọ ạBabilon kạsighe egbogh ẹmha phọ ẹphen.

Jerimaya 33:10

Ọmoogh-we phọ ạḅem, “Awe rọḅem ghan mọ esi phọ ịsien ẹkigh de ịisaar dị awe rꞌịnam ítugh. Kụ bịdi ụ́pioman; ạramha phọ aJuda rꞌaroḅodo phọ aJeruselem epoghogho ni; awe rꞌịnam ílho ghan. Kụ ọlo riisi phọ ịphen nyina kẹḅile ni ẹnaghan

Jerimaya 36:29

Ọmoogh-we phọ ụḅeni ịmi ọḅeni ọdaam mọ mọ, “Nạ mạsu ḍịnya phọ kụ nạ apuru aJerimaya ịpe eḍighi bọ kụ ọdi ạge bọ mọ ọdaam-ẹmha phọ ạBabilon katu apiemi de phọ ạḍien kụ ạze weye rꞌịnam mọ.

Jerimaya 9:11

Ọmoogh-we phọ ạḅem mọ, “Mị katene Jeruselem egu ạrana; keḍighi marugh ịkaraph asuogh; igbogh ạramha phọ aJuda keḍighi ẹdala, esi dị oye kátugh mun.”

Ịkunuma 4:13

Kụ imite ni loor esi dị ariil ẹmha phọ ụpioghom kụ ariil ạrikia oḍighi ịdi aḍuugh ẹteeny we dị ịyaar ụ́piom.

Ẹmos 5:10

Nyina ẹlogh ḍien we lọ úmeeraam ịkaraph ịiruen kụ rọkaaph ghan ịpe eru bọ igeny phọ sịphe aruutu ịiruen phọ.

Maika 2:6

Awe ọgba kụ ụḅeni ịmi kụ ọḅem mọ, “Kẹ́gba ị́ḅeni iyoor. Kẹ́gba ịlo oomo ịpe. Ẹnaan kíifolomi iyoor.

Matiu 21:23

Kụ ạJizos ạḅile aḍigh Otu Ịiḅereghi phọ rạtughemi ghan we, kụ ạbuo ạrumhu ariil ạrikia phọ rꞌikumoor awe phọ uru ni ọteeny nyọdi, kụ opuru mọ, “Nạ ụsighe ịghen ịikpo kụ raḍighinom ghan bọ ịphen phọ? Ạnhian kụ ạngo bọ nyịna ịikpo oḍighinom ịphen phọ?”

Matiu 27:20

Kụ ạbuo ạrumhu ariil ạrikia phọ rꞌikumoor awe phọ ọkpaariom ḍita awe phọ ịlo kọlom Pailet mọ amitiom Bạrabas, kụ ọsighe Jịzos ọlogh esi aḍuugh.

Elegh ạMak 15:11

Kụ bịdi owiiliom ḍita awe phọ ọnhu mọ, kpạripe rꞌoseere ạJizos, ọdi aseere Bạrabas kụ ạngo bụno.

Elegh ạJon 8:20

ẠJizos ạghaaph oomo phọ ịphen phọ mem mọ dị rạtughemi bọ sịphe Otu Ịiḅereghi phọ ẹpe osoph eekoom ikpoki phọ; kụ oye ósiph nyọdi, loor esi dị amem mọ ọdi kẹ̋teeny.

Elegh ạJon 8:59

Kụ bịdi ọsighiogh ikpo oroḅol ọdi, kụ ạJizos ạaghian amite pạ Otu Ịiḅereghi phọ ạḍua.

Iiḍighi 13:50

Kụ ạbuo aJu phọ ọkpaariom ikpolom ạnmariir dị oghueni ghan Ẹnaan rꞌikumoor awe ẹmha phọ, owiiliom bịdi ọnhu kụ ọgbiphoghom ophorogh Pọl rꞌạBanabas omitiom eelhe phọ.

Iiḍighi 21:30

Ọgbaragbara asoor ri aleeny ẹmha phọ, kụ awe oghughaan ọghi osiph Pọl kụ ọghogh omitiom sịphe Otu Ịiḅereghi phọ. Egina amem bịn oghughi yogh rughuugh Otu Ịiḅereghi phọ.

Iiḍighi 22:22

Kụ bịdi ulher ri rụru ọnaghanan tụtu ọdi ạghaaph bọ ịphen phọ, kụ bịdi ogbi ọlooghi mọ, “Pạm oye phọ ọphon ạḍuanam aghiigh. Ọ́kpianaan mun ọrol.”

Iiḍighi 3:11

Kụ ọdi aḅol Pita rꞌạJon, kụ oomo awe phọ oghiil ọtuonom bịdi ẹpe emitenom mọ oghol bọ mọ ịisua phọ ạSolomon.

Iiḍighi 5:12

Kụ abutelhedom mọ oḍighi yogh ghan reḍeenaan rꞌịiḍaany igbo awe phọ, kụ oomo phọ ạbuphe omeeraam bọ oru ghan Otu Ịiḅereghi phọ ookpomoghan ịisua phọ ạSolomon.

Iiḍighi 5:28

kụ ạḅem mọ, “Yoor ịphur ri inyina rụru mọ kẹ́tughemi mun ịlo aḍien phọ ạḍien. Kụ nyina mẹsighe kẹn ịtughemi phọ anyina eleenye oomo phọ aJeruselem. Nyina regbiom ghan ịlo ọsighe ịḅaal oye phọ ọphon ọḅam ạrumhu ayoor.”

Iiḍighi 6:14

Yoor ụnaghan ni dị ọdi ạḅem mọ ạJizos ọpo ạNazeret phọ kalereghi otu phọ ọphon, kụ anmeeghi eḍighinom ạraraar phọ aMozis amitiom bọ ụngo iyira.”

Josua 18:1

Oomo aḍita awe phọ Ịzirel ookpomoghan egina esi ẹpe Sailo kụ ọlogh Ogbogo Ạdol Ọmoogh-we phọ sịphe phọ, kụ ade phọ eḍighi ḍịo ạbidi.