Jerimaya 26:6 - Ạḍinya Iigbia

⁶ Eḍighi ịyaar dị nyina ẹrolom ni ẹ́naghanan phọ, pọ mị kaḍighi ni Otu Ịiḅereghi phọ ọphon ịpe mị aḍighi bọ Sailo, kụ oomo areelhe aḅirini phọ ọsighe ghan ḍien ẹmha phọ ẹphen ịdipho ẹmha dị moruule.”

Jerimaya 26:6 Iomraidhean Croise

2 Ạbudaam 22:19

loor esi dị ologhi ạna mạkonono kụ nạ masooromi loor ạna risigh Ọmoogh-we phọ mem dị nạ ạnaghan bọ ịpe mị ạghaaph bọ ịlo esi phọ ịsien rꞌịlo ạbuphe orugh bọ sịphe phọ mọ koogulemi bịdi ophiemi otonyon osu ọnhu, kụ nạ ạphaanyi rukpe ạna risigh ạmi amoghi yogh, mị mạnaghan ni ịiḅereghi phọ ạna.

Azaya 43:28

kụ ạbudaam anyina ụupu ni dọl iigbia phọ ạmi. Ịduon kụ iḍighi kụ mị aphiemi bọ Ịzirel; mị ạngo ọgel mọ oronyon yogh we phọ ạmi.”

Azaya 65:15

Awe phọ ạmi ọsaḅar bọ kọsighe ḍien anyina ịdipho igurughian. Mị Ọkar Ogbogh Ọmoogh-we phọ kịze ni inyina. Kụ ọlo, mị kạngo ḍimoom aḍien bụphe ụnaghanan bọ ịmi.

Jerimaya 24:9

Mị kaagulemi ni bịdi ịdi keḍigh ni ruugu esi oomo areelhe aḅirini phọ. Awe kọnmoghoghoom ghan ni bịdi, ọsighe bịdi ọmaarom ghan ịmaar ịnhu, ọmilogh ghan bịdi, ọḅile kẹn ọsighe ḍien phọ ạbidi oḍighi itonyonaan tọrotoro ekpisi lọ mị ạwalalami bịdi ạghiom.

Jerimaya 25:18

AJeruselem rꞌoomo ạramha phọ aJuda, bụdaam mọ rꞌabuḍiemiom mọ ạbidi, ụphughol li pịdi bịdi oten de ophugh, oḍigh ruugu ọmiin ghan, ḅịle kẹn pịdi awe ọsighe ghan ḍien phọ ạbidi oḍighi itonyonaan — ịdipho bịdi roḍighi bọ ni kꞌarodon.

Jerimaya 29:18

Mị kaporoghom bịdi ẹgham, ọkoony rꞌẹzegh. Aḍiigu kụ kẹtolonaan oomo areelhe aḅirini phọ esi ịdi bịdi kọmiin. Tọrobo ekpisi lọ mị ạwalalami bịdi, awe kokpereghaan kụ ọmoogh oghiilaan esi ịdi memitenaan bịdi. Awe kọnmoghoghoom bịdi kụ aḍien ạbidi eḍighi itonyonaan.

Jerimaya 29:22

Mem dị awe phọ osiphi bọ Jeruselem ọḍuanam ọghimom ẹpe Bạbilonia ọwa ogurughi oye, bịdi kọḅem ghan mọ, ‘Ọmoogh-we phọ iḍighi inyina ịdipho aḍighi bọ Zẹdekaya rꞌEhab, bụphe ọdaam-ẹmha ạBabilon ạphoghi bọ imoom!’

Jerimaya 42:18

“Ọmoogh-we Ẹnaan phọ Ịzirel ạḅem mọ, ‘Ịdipho ọghagh ologhi phọ ạmi rꞌophin ologhi phọ ạmi azuom bọ weye aJeruselem, iniin phọ ịne kụ ẹdi ophin ologhi ạmi kizuom inyina eḍighi ịyaar lọ nyina egheel Ijipt. Nyina keḍighi we dị kebeeph iboom ọmiin; awe kiphogh ghan inyina ọḅitonaan kụ aḍien anyina eḍighi itonyonaan. Nyina esi phọ ịsien kẹ́miin mun.’”

Jerimaya 44:22

Ḍio phọ arodon ade phọ anyina mẹphu kụ rꞌoye ólho mun sịphe. Mẹḅile eḍighi esi dị eeph ọmiin kụ awe ọsighe ḍien phọ oḍighi ịlo itonyonaan loor esi dị Ọmoogh-we phọ órue mun ọ́kparam sịpioghom mọ rꞌẹkaraph eḍighinom ịyaar phọ anyina.

Ịkunuma 2:15

Awe lọ orelhe roten ọogaany ẹmha phọ ophogh nyịna kụ ọḅitonaan. Bịdi ooḅoghomi ẹmhu ạbidi kụ ọmilogh ọmiin ịdipho aJeruselem maphe bọ. “Ẹphen ịma ẹmha phọ ni ḍụghum?” “Ẹphen esi phọ aḅirini phọ obagaam ghan bọ ḍien?”

Ịkunuma 2:16

Oomo ạbumulogh-ḍien ạna rọnmoghoghoom nyịna kụ ophoghom nyịna rꞌẹ́pomoghian. Bịdi ọḅugh ịidoronhu ạbidi kụ ọnmir opogh, “Yoor mophiemi nyẹdi! Rodon kụ aḍio phọ yoor okori ghan bọ!”

Dạniel 9:11

Oomo Ịzirel mọka iilogh phọ ḅịle kẹn úmeera ụnaghan ịpe nạ ạḅem bọ. Yoor ụpioman ni nyịna, kụ iḍighi kụ nạ uruomaan iyoor itonyonaan phọ ịpe ọge bọ sịphe Ologh phọ aMozis, otelhedom mọ ạna.

Zẹkaraya 5:3

Kụ ọdi agbi ọḅeni ạmi mọ, “Sịphe ạḍinya phọ ọge itonyonaan phọ kẹki bọ oleeny oomo ade phọ. Oniin ọman ạḍinya phọ ẹḅem mọ koporogh ni tọrotoro ọḅa sịen ade phọ, ọphori phọ ọman ạḍinya phọ ẹḅem mọ tọrotoro oye lọ rạgba ghan ọkpe mem dị maghunya ni, pọ koporogh kẹn ni.

Malakai 4:6

Ọdi kạḅile ni ạḅophoghi bụrude phọ rꞌạnmuny phọ; mọ ịduon kụ ílho, pọ mị ạmoogh ni oru oogulemi eelhe phọ anyina.”

Josua 18:1

Oomo aḍita awe phọ Ịzirel ookpomoghan egina esi ẹpe Sailo kụ ọlogh Ogbogo Ạdol Ọmoogh-we phọ sịphe phọ, kụ ade phọ eḍighi ḍịo ạbidi.