Jerimaya 26:4 - Ạḍinya Iigbia

⁴ Ọmoogh-we phọ ụḅeni ịmi ọḅeni awe phọ, “Mị Ọmoogh-we phọ mạḅem mọ nyina ẹmoogh ọnaghanan ạmi rꞌọdaphan ịtughemi phọ mị ịngo bọ inyina,

Jerimaya 26:4 Iomraidhean Croise

1 Ạbudaam 9:6

Kụ eru mạar dị nạ ạgbatanaan ụwile ịmi, mꞌạna mꞌạnmuny ạna, kụ ọwile ooko iilogh phọ ạmi, kụ ẹghi rekumu ịnon ạrumugh rẹeḅereghi bịdi,

Azaya 1:20

Kụ eḍighi ịyaar dị nyina ịgbagharan ịmi, pọ nyina meḍigh edoghola aḍuugh. Mị Ọmoogh-we phọ mạḅem.”

Jerimaya 17:27

Kụ ọlo ẹkpe ni dị bịdi kụnaghanan ịmi ọḅile ooko ḍio ophooghian phọ ịdipho aḍio iigbia. Bịdi kútool dool úḍighom rụnhu-aḍibuo phọ aJeruselem ḍio phọ ạḍiphe phọ; eḍighi ịyaar dị bịdi orool oḍighom, mị kạlogh nịan rụnhu-aḍibuo phọ aJeruselem. Ạnian kụ kele rigiga ọdaam-ẹmha phọ aJeruselem, kụ oye ólho dị katue aḍime nịan phọ.”

Jerimaya 22:5

Kụ ọlo eḍighi ịyaar dị nyina ị́naghanan ịto phọ ạmi, pọ mị akunya ni rịngo inyina rạḅem ghan mọ ogiga phọ ọphon kameel li aagulaan. Mị, Ọmoogh-we phọ, kụ mạḅem.

Jerimaya 32:23

Kụ mem dị bịdi osi sịen ade phọ ạḍien rọmoogh, bịn bịdi ụ́naghanan mun ịtooghi phọ ạna, ụ́ḅile ụ́daph ịtughemi phọ ạna; bịdi úḍighi rꞌeniin ịyaar lọ nạ ạto ạḅeni bịdi mọ oḍighi. Loor ịduon phọ kụ nạ ạsighe oomo oogulaan phọ ọphon aruomaan bịdi.

Jerimaya 44:10

Kụ kꞌaḍio phọ ạḍiphe kꞌarodon nyina ke̋soromi siloor anyina. Nyina ịmi eghuan kị̋lhogh ḅịle ẹ́daph ẹrolom oomo iilogh phọ mị ạloghoḍi bọ ịngo inyina rꞌạburude ạburude anyina.

Jerimaya 44:23

Ịminimiin phọ ịphen mịteeny inyina loor esi dị nyina iḍighi yogh rạraar aghuḍum ẹngo ruru kụ ẹpioman esi Ọmoogh-we phọ ịdipho nyina ị́naghanan bọ oomo ịto phọ ọdi.”

Jerimaya 7:14

Loor esi ịduon phọ, ịpe mị aḍighi bọ Sailo kụ ịdi mị kaḍighi Otu Ịiḅereghi phọ ạmi ọphon nyina ẹkpasi bọ emooph phọ anyina. Sịen phọ mị ạngo bọ bụrude ạburude phọ anyina ḅịle kẹn rꞌanyina, mị kaḍighi ni iniin ịpe mị aḍighi bọ Sailo.

Dutoronomi 11:32

Egona ghan siloor anyina, eḍighi ghan oomo ịtooghi phọ rꞌịiruen phọ ọdi ịpe mị rịḅeni bọ inyina rodon.

Dutoronomi 31:20

Mem dị mị ạsighe bịdi asiemi ẹpe ade ẹetool rꞌọninom, ḍịphe mị aghunya bọ ạngo bụrude phọ ạbidi, bịdi role rẹpher rọbughogh bịn bịdi okiton osoman ịnon ạrumugh kụ ooseeny ghan ụḅitonaan ịmi ọphue ịyo phọ ạmi.

Dutoronomi 4:44

Ịphen phọ iilogh phọ Ẹnaan dị aMozis ạlogh ạngo we Ịzirel.

Dutoronomi 4:8

Ẹnon eelhe ílho, ịlo ẹbugh ẹbugh, dị ẹmoogh iilogh dị ẹnighe ịdipho ịphen mị mịtughemi bọ inyina rodon.

Bụo aHibru 6:18

Ịyal phọ ạraraar phọ ịphen phọ rénmia ghan bọ, kụ Ẹnaan iyira ọkpe kị́gbaam bọ, imoogh ni iyira phọ moḍigh bọ ḍibuo phọ ọdi, ọpham oḍuom ologhi phọ ọpo odi bọ ghisigh phọ ayira ọkparami.