Jerimaya 26:2 - Ạḍinya Iigbia

² bịn Ọmoogh-we phọ ụḅeni ịmi mọ, “Mẹera sịphe ogiga Otu Ịiḅereghi phọ kụ agbeelom oomo ịpe mị ạto bọ ạḅeni nyịna mọ ḅẹni weye phọ ạbuphe ọḍua bọ rạmha phọ aJuda kụ oru ọoḅereghi ịsien phọ. Kámuton rꞌeniin ịyaar.

Jerimaya 26:2 Iomraidhean Croise

Jerimaya 1:17

Kookolobian, Jerimaya; kịa ạḅeni bịdi tọrotoro ịyaar lọ mị ạḅeni nyịna ọghaaph. Kákiilaan bịdi nyịidipho ọbo mị kaḍighi ghan bọ ịdi nạ kạkaraghi akiilaan mem lọ nạ ọdi rꞌạbidi.

Jerimaya 1:7

Kụ Ọmoogh-we phọ ụḅeni ni ịmi mọ, “Kạ́ḅem mọ nạ aḍighi ọbumoony ạpughan. Kịa ghụn ạteeny weye phọ mị rarom bọ nyịna, ạḅile ạḅeni bịdi tọrotoro ịyaar lọ mị ạto ạḅeni nyịna.

Jerimaya 19:14

Kụ mị agbi ọḍua aTofet, ẹpe Ọmoogh-we phọ ụsighe bọ ịmi ạghi mọ ogbeelom dom mọ ọdi. Kụ mị ạghi ạmeera sịphe erugh Otu Ịiḅereghi phọ kụ ạghaaph ạḅeni oomo phọ awe phọ

Jerimaya 23:28

Oyil dị ạmalha mạlha ạkpe ni ọḅem mọ ọno ạmalha ni bịn, kụ ọlo oyil dị ạnaghan dom ạmi ạkpe ni ogbeelom adom mọ ạḍiphe phọ agey. Eeghia ạsuo kụ ọdi ọsighe ikpu kụ ọtomaam ịbiakpa?

Jerimaya 25:2

Mị ụḅeni ni oomo awe phọ aJuda rꞌaJeruselem mọ,

Jerimaya 28:5

Pọ kụ amem dị sịphe ogbo ariil ạrikia phọ rꞌoomo awe phọ ọmeregha bọ sịphe Otu Ịiḅereghi phọ, mị ạḅeni Hananaya:

Jerimaya 36:10

Pọ kụ amem dị oomo awe olher rụru rọnaghan ịdi aBaruk ạal bọ ạḍinya phọ oomo ịpe mị mạḅem bọ. Ọdi aḍighi ịphen phọ sịphe Otu Ịiḅereghi phọ, sịphe osoph phọ aGemaraya ọony aSafan ọgeeghia ogbo ogiga phọ. Osoph phọ ọdi ạrol ạga dị etuman eḍighom Omoom Ọnhu-aḍibuo ịsiphe Otu Ịiḅereghi phọ.

Jerimaya 42:4

Mị ạphagharanaan, “Ọkar agey phọ ni, mị kạaḅereghi Ọmoogh-we Ẹnaan phọ ayira, ịdipho nyina mẹlhom bọ, kụ tọrobo ịlo ọdi ạḅem, mị kịḅeni ni inyina. Mị inyina ịyaar kạ̋aghinaan.”

Jerimaya 7:27

“Kụ iḍighi, Jerimaya, nạ kạkaaph oomo phọ ikpo ọnhu phọ ịphen phọ ạḅeni weye phọ ạmi, kụ ọlo bịdi nyịna kọ́naghanan; nạ kạmagh ni bịdi, kụ ọlo bịdi kómeera.

Izikiel 3:10

Ẹnaan ẹloghom mọ, “Oye dị kamugh ni, mạar amiigha loor kụ ạatughian tọrobo ịlo mị ạḅeni bọ nyịna.

Izikiel 33:7

“Nyịidipho, Oye dị kamugh ni, mị rạma nyịna oye aḍikori ọlo eelhe phọ Ịzirel. Nạ ạmoogh ọngo ạbidi ọphur ạruru phọ mị ạngo bọ nyịna.

Izikiel 40:4

Ọdi ụḅeni ịmi mọ, “Gon, oye ịḅaal rꞌiphulupul, mạar alher rụru kụ aphogh tọrobo ịyaar lọ mị aḍeenaan nyịna, loor esi dị ịduon kụ ẹdi ọtuan bọ kụ ọsighe nyịna oru sịen. Nạ kạḅeni weye phọ Ịzirel tọrobo ịyaar lọ nạ ạmiin.”

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Elegh aLuk 19:47

ẠJizos ạtughemi ghan ni sịphe Otu Ịiḅereghi phọ ḍio etum ḍio. Ạbuo ạrumhu ariil ạrikia phọ, rꞌạbutughemia iilogh phọ rꞌikpolom awe phọ ụwa ghan ni oghiigh ọdi,

Elegh ạJon 18:20

Kụ ạJizos ạphagharanaan nyọdi mọ, “Mị ụ́booghian ghan kụ ạghaaph ghan bọ ạḅeni aḅirini phọ. Mị ụtughemi ghan ni sịphe arubughotu phọ rꞌOtu Ịiḅereghi phọ, pạ ạbuo aJu phọ ookpomoghan ghan bọ. Kụ mị kọ̋rol ghan ọgbal kụ ạghaaph.

Elegh ạJon 8:2

Eḅon ạḍiroor kụ ọdi ạḅile aḅula ẹpe Otu Ịiḅereghi phọ, kụ oomo awe uru ni ọteeny nyọdi, kụ ọdi ạrol ude, kụ amiigh ọtughemi ạbidi.

Iiḍighi 20:20

Mị ịyaar ạsuo ụ́booghi ghan ọghaaph rꞌọtughemiom anyina esi ogbo, rꞌọḍua ghan otu ọgba otu. Mị oye ụ́gbatan ghan.

Iiḍighi 20:27

Mị ụ́booghi ogbononomi oomo arigbiom mọ Ẹnaan ọḅeni anyina.

Iiḍighi 5:25

Kụ oniin oye aru aḍigh ạḅeni bịdi mọ, “Awe phọ nyina ẹlhogh bọ ikoli phọ ọmeregha ni ẹpe Otu Ịiḅereghi phọ rọtughemi ghan we phọ.”

Iiḍighi 5:42

Kụ bịdi úsoph ghan ḍio ọtughemi rꞌọghaaph ghan sịphe Otu Ịiḅereghi phọ rꞌiloghi aruutu awe phọ, mọ ạJizos kụ aMesaya phọ ni.

Dutoronomi 12:32

“Tọrobo ịpe mị ạlogh bọ ologh ịngo inyina, ịpamanam ghan ịpe phọ kụ ẹdaph ghan eḍighinom. Ị́sighe ghan ịnon ẹḅaram, ḅịle kẹn ípiemi ghan.

Dutoronomi 12:5

Esi dị nyina kẹki ghan kụ esi phọ ẹpe Ọmoogh-we phọ Ẹnaan phọ anyina kazua bọ sịphe oomo arughunughun phọ anyina, esi phọ ẹpe aḍien phọ ọdi kẹtol bọ.

Dutoronomi 4:2

Kẹ́loghom rꞌịyaar sịphe ịpe mị ạto bọ rịḅeni inyina, kụ kémuton rꞌịyaar. Iiko ghan iilogh phọ ịpe Ọmoogh-we Ẹnaan phọ anyina ạlogh bọ, ịdipho mị ạlogh bọ ịḅeni inyina.

Josua 8:35

Ekpo ịyaar ísugha sịphe iilogh phọ aMozis ạlogh bọ dị aJosua ụ́bal ụ́ḅeni sịphe ookpomoghan awe phọ Ịzirel, lephiri, nmạriir, ịbam ạnmuny rꞌaruuruen phọ ạbuphe rꞌạbidi orughan bọ.

Ogonanami Phọ 22:19

Kụ oye lọ asoph iniin ikpo ọnhu ịmiin ạḍinya phọ ạḍien aroph, Ẹnaan kẹboor ri nyọdi bin iimuma oreeny aghuḍum mọ rꞌạdol phọ ọdi sịphe ẹmha iigbia phọ ọgo bọ sịen ạḍinya phọ ạḍien.