Jerimaya 26:16 - Ạḍinya Iigbia

¹⁶ Pọ kụ amem dị abuḍiemiom mọ rꞌawe phọ ọḅeni bụpinyon rịkia phọ rꞌariil phọ, “Oye phọ ọphon aghol ghan ḍien Ọmoogh-we Ẹnaan phọ ayira kụ ạghaaph ghan bọ ụḅeni iyira; ọdi ọ́kpe oghiigh.”

Jerimaya 26:16 Iomraidhean Croise

Esta 4:14

Eru mạar dị nạ aḅoorian mem dị ẹrol ịduon, pọ ọloghonaan ạḍighaagh kạḍua ni kꞌạke atu ạteeny we aJu phọ, kụ kạpel li bịdi, kụ ọlo nạ kamugh ni bịn eghun ọde phọ ạna mesi eekuna. Ghạlamo ịduon ni — ạnhian kụ alegheri — ịduon sịen ịtuan mem mọ ạmuen kụ oḍighi bọ nyịna ukueni-ạnir ẹmha phọ.”

Ạsuor 94:16

Ạnhian kụ ụmeeraam ịmi mem mọ mị eenan bọ rꞌawe ẹkaraph eḍighinom ịyaar? Ạnhian kụ uḍighan ịmi mem mọ mị eenan bọ rꞌawe ạsipioghom mọ?

Asidogh 16:7

Nạ aḍighi ịlo ẹḅeeraan Ọmoogh-we phọ, ẹpomoghian ạna katen ọyaghiri.

Jerimaya 26:11

Kụ ariil ạrikia phọ rꞌariil uḍien phọ ọḅeni buḍiemiom mọ rꞌawe phọ, “Oye phọ ọphon ạkpe osophonaan ịiruen aḍuugh loor esi dị ọdi mạghaaph ịkaraph ẹmha phọ ayira. Nyina ịnaghan ni rꞌareḅeri anyina.”

Jerimaya 34:10

Oomo awe phọ rꞌabuḍiemiom mọ ạbidi omeeraam osereghi ạrebene ạbidi dọl ẹereegh, kọ́pam mun bịdi mọ ạrebene. Bịdi usereghi ni bịdi,

Jerimaya 36:19

Kụ bịdi ọḅeni nyọdi, “Nạ rꞌaJerimaya ẹmoogh ọghi ạaghian. Kémeera rꞌoniin oye alegheri esi lọ nyina edi.”

Jerimaya 36:25

Ghạlamo ịduon Ẹlnatan, aDelaya rꞌaGemaraya ọoḅereghi ghan mọ kụ́su ḍịnya phọ, ọdaam mọ ọ́naghanan bịdi.

Jerimaya 37:15

Bịdi ụghagham ni ịmi ologhi kụ ọto mọ ukuphogh ịmi kụ ụkasaghiom ịmi otu ạJonatan ọgeeghia ogiga ọdaam mọ, ọpo motene bọ otu ọdi otu ikoli.

Matiu 27:54

Kụ mem dị uwo ẹmhu ạbuo ẹgham mọ rꞌạbuphe ọrol bọ rꞌọdi rogon Jịzos ọmiin bọ mọ ade phọ repiigha rꞌịpheri phọ ạraraar phọ emiteghu bọ, iḍighi ni ruugu kụ bịdi ọḅem mọ, “Agey ni, oye phọ ọphon kụ Ọony phọ Ẹnaan ni.”

Elegh aLuk 23:41

Tọrobo ịlo ẹrol, ịiruen phọ ịphen ayira ẹkpe ni, ịdi eḍighi bọ ịphen kụ ịikpia ịkaraph phọ yira oḍighi bọ, kụ oye phọ ọphon ịkaraph óḍighi.”

Elegh aLuk 23:47

Kụ uwo ẹmhu ạbuo ẹgham mọ ạbuphe phọ ạmiin bọ ịphen emiteghu bọ ạseph ni Ẹnaan kụ ạḅem mọ, “Igey phọ ni, ọphon phọ oye aruukuan ni.”

Iiḍighi 23:29

Kụ mị ạwa bọ ạmiin ọdi ósoor ologh dị ẹkpe oghiigh ọdi mụghumo ọlogh ikoli. Ịpe bịdi ọgbaam bọ nyọdi iḍighi ịlo iilogh phọ ạbidi bịn.

Iiḍighi 23:9

Kụ oboom ọruonu asoor, kụ buniin ạbutughemia iilogh phọ dị oḍighan Farisi phọ oḅerenu ọmeregha ịlo ọkparamiom kụ ọḅem mọ, “Yoor ụ́miin ịkaraph dị oye phọ ọphon aḍighi. Iini uwaloor mụghumo ọokpaany Ẹnaan kụ ạghaaph bọ ạḅeni nyọdi.”

Iiḍighi 25:25

Kụ mị ạwa bọ mị ụ́miin ịyaar lọ ọdi aḍighi dị ẹkpe oghiigh ọdi. Kụ ịdipho ọdi mạsighe bọ ḍighiton phọ ọdi ạghiom Siza, mị mameeraam ọsighe ọdi ọghiom ẹpe phọ.