Jerimaya 24:9 - Ạḍinya Iigbia

⁹ Mị kaagulemi ni bịdi ịdi keḍigh ni ruugu esi oomo areelhe aḅirini phọ. Awe kọnmoghoghoom ghan ni bịdi, ọsighe bịdi ọmaarom ghan ịmaar ịnhu, ọmilogh ghan bịdi, ọḅile kẹn ọsighe ḍien phọ ạbidi oḍighi itonyonaan tọrotoro ekpisi lọ mị ạwalalami bịdi ạghiom.

Jerimaya 24:9 Iomraidhean Croise

1 Ạbudaam 9:7

pọ mị kamutonaan Ịzirel sịphe ade phọ ạḍiphe mị ạngo bọ bịdi rꞌOtu phọ ọphon mị mạsaḅar bọ aseere dọl iigbia ạngo ḍien phọ ạmi; mị kạḅitonaan ni bịdi kụ Ịzirel aḍighi ḍidogh rꞌịgilaam esi oomo awe.

2 Krọnikuls 7:20

pọ mị kiphorogh inyina sịphe ade phọ mị ịngo bọ inyina, kụ mị kakel li Otu Ịiḅereghi phọ ọphon mị maseerian bọ mọ esi dị kuuseeny ghan ịmi. Tọrobo ekpisi awe kọgilaam kụ opogh bịn ọḅitonaan.

Ạsuor 69:11

Mị ạkpologhian loor ạmi iinmenan ọto, kụ bịdi rụmilogh ghan ịmi.

Azaya 43:28

kụ ạbudaam anyina ụupu ni dọl iigbia phọ ạmi. Ịduon kụ iḍighi kụ mị aphiemi bọ Ịzirel; mị ạngo ọgel mọ oronyon yogh we phọ ạmi.”

Azaya 65:15

Awe phọ ạmi ọsaḅar bọ kọsighe ḍien anyina ịdipho igurughian. Mị Ọkar Ogbogh Ọmoogh-we phọ kịze ni inyina. Kụ ọlo, mị kạngo ḍimoom aḍien bụphe ụnaghanan bọ ịmi.

Jerimaya 15:4

Mị kaḍighi ni ịdi keḍigh ruugu ọmiin ạbidi esi oomo awe aḅirini phọ loor esi ịpe ạManase ọony phọ ạHezekaya aḍighi yogh bọ ẹpe Jeruselem mem mọ ọpo ọdi aḍighi bọ ọdaam-ẹmha aJuda.”

Jerimaya 19:8

Ịdi mị kaagulemi bọ ẹmha phọ ẹphen tọrotoro oye lọ aten ạmiin kabughaan ghan ni kụ amaghagha.

Jerimaya 25:18

AJeruselem rꞌoomo ạramha phọ aJuda, bụdaam mọ rꞌabuḍiemiom mọ ạbidi, ụphughol li pịdi bịdi oten de ophugh, oḍigh ruugu ọmiin ghan, ḅịle kẹn pịdi awe ọsighe ghan ḍien phọ ạbidi oḍighi itonyonaan — ịdipho bịdi roḍighi bọ ni kꞌarodon.

Jerimaya 26:6

Eḍighi ịyaar dị nyina ẹrolom ni ẹ́naghanan phọ, pọ mị kaḍighi ni Otu Ịiḅereghi phọ ọphon ịpe mị aḍighi bọ Sailo, kụ oomo areelhe aḅirini phọ ọsighe ghan ḍien ẹmha phọ ẹphen ịdipho ẹmha dị moruule.”

Jerimaya 29:18

Mị kaporoghom bịdi ẹgham, ọkoony rꞌẹzegh. Aḍiigu kụ kẹtolonaan oomo areelhe aḅirini phọ esi ịdi bịdi kọmiin. Tọrobo ekpisi lọ mị ạwalalami bịdi, awe kokpereghaan kụ ọmoogh oghiilaan esi ịdi memitenaan bịdi. Awe kọnmoghoghoom bịdi kụ aḍien ạbidi eḍighi itonyonaan.

Jerimaya 29:22

Mem dị awe phọ osiphi bọ Jeruselem ọḍuanam ọghimom ẹpe Bạbilonia ọwa ogurughi oye, bịdi kọḅem ghan mọ, ‘Ọmoogh-we phọ iḍighi inyina ịdipho aḍighi bọ Zẹdekaya rꞌEhab, bụphe ọdaam-ẹmha ạBabilon ạphoghi bọ imoom!’

Jerimaya 34:17

Kụ nyịidipho, mị, Ọmoogh-we phọ, ạḅem mọ nyina mẹḅaar ẹmhu esi ạmi; nyina ke̋sereghi bumor phọ anyina we Ịzirel phọ dọl ẹereegh. Ọkar agey, mẹteeny mị kịngo inyina dọl ẹereegh: ẹereegh omugh esi ẹgham, ẹzegh rꞌọkoony. Mị kaḍighi ịdi tọrobo eelhe ịsien aḅirini phọ kokiilaan ọmiin ịpe mị iḍighi bọ inyina.

Jerimaya 42:18

“Ọmoogh-we Ẹnaan phọ Ịzirel ạḅem mọ, ‘Ịdipho ọghagh ologhi phọ ạmi rꞌophin ologhi phọ ạmi azuom bọ weye aJeruselem, iniin phọ ịne kụ ẹdi ophin ologhi ạmi kizuom inyina eḍighi ịyaar lọ nyina egheel Ijipt. Nyina keḍighi we dị kebeeph iboom ọmiin; awe kiphogh ghan inyina ọḅitonaan kụ aḍien anyina eḍighi itonyonaan. Nyina esi phọ ịsien kẹ́miin mun.’”

Jerimaya 44:12

Ịlo egbolomaam we phọ aJuda bụphe osugha bọ kụ ọnya bọ ọghi ọrol ẹpe Ijipt, mị kạmiin ni mọ oomo ạbidi oogulaan. Oomo phọ ạbidi, bugbogh rꞌạbubam, komugh ni ẹpe Ijipt mụghumo erugh ẹgham mꞌạdol ọkoony. Bịdi kobeeph ni ọmiin; awe kopogh bịdi ọḅitonaan kụ ọsighe ḍien ạbidi oḍighi ịlo itonyonaan.

Jerimaya 44:13

Mị kạliom ni bụphe odi bọ ẹpe Ijipt, ịdipho mị ạliomom bọ Jeruselem, rꞌẹgham rꞌọkoony rꞌẹzegh.

Jerimaya 44:22

Ḍio phọ arodon ade phọ anyina mẹphu kụ rꞌoye ólho mun sịphe. Mẹḅile eḍighi esi dị eeph ọmiin kụ awe ọsighe ḍien phọ oḍighi ịlo itonyonaan loor esi dị Ọmoogh-we phọ órue mun ọ́kparam sịpioghom mọ rꞌẹkaraph eḍighinom ịyaar phọ anyina.

Izikiel 23:46

Ịphen kụ ịdi Ọmoogh-we dị ạmoogh oomo ịikpo ạḅem: “Sịghe aru ḍita awe dị úsereghian ịlo ookperemi ạbidi rꞌomi ạbidi.

Izikiel 25:3

Ḅẹni bịdi mọ ọnaghan ịphen mị Ọmoogh-we dị ạmoogh oomo ịikpo rạḅem bọ: Ologhi anyina ạḅaal li ọmiin dị ọopu Otu Ịiḅereghi phọ, ọmiin dị moogulemi de phọ Ịzirel, ọmiin dị awe phọ aJuda mosumughu ạaghian.

Izikiel 26:2

Ọdi ạḅem mọ, “Oye dị kamugh ni, ịphen kụ ịdi awe ẹmha phọ aTaya rọlooghiom rꞌọḅaal ologhi. Bịdi ọlo mọ ‘Mọowalalami Jeruselem! Ịikpo ọwaam ikpoki phọ ạbidi mephe! Ọdi iyira kúupikian mun.’

Izikiel 5:8

Kụ esi ịduon phọ mị Ọkar Ogbogh Ọmoogh-we phọ rạḅeni nyịna mọ mị ạmulogh-ḍien ạna. Mị kasoph ọoruen ạngo nyịna ekpisi dị oomo areelhe phọ kọmiin.

Dutoronomi 28:25

“Ọmoogh-we phọ kaḍighi ni ịdi ạbumulogh-ḍien phọ anyina kọkpar ipu inyina. Nyina kekiton eniin eten kụ ẹki ozuom ạbidi, kụ nyina kesumughian oḍual areten kụ ẹḍuaghu, kụ imutonaan inyina sịphe oomo areelhe ịsien aḅirini phọ.

Dutoronomi 28:37

Kụ nyina eḍighi ighiil awe, we dị kodoghom ghan sidogh rꞌawe dị kọgilaam ghan, ẹpe oomo ạramha phọ Ọmoogh-we phọ kirorori bọ inyina ẹsighe ẹki.