Jerimaya 24:8 - Ạḍinya Iigbia

⁸ “ẠZedekaya ọdaam mọ aJuda rꞌạbuo oḍighi phọ okoom bọ nyọdi, ḅịle rꞌạbueri phọ awe phọ aJeruselem bụen ọrol bọ sịen ade phọ ạḍien mụghumo ạbuphe ọḍua bọ ogheel Ijipt — mị Ọmoogh-we phọ kaḍighi oomo phọ ạbidi ịduon ịkaraph iimuma ạfig phọ ịphen ị́nighe bọ olhe.

Jerimaya 24:8 Iomraidhean Croise

1 Krọnikuls 3:15

AJosaya ạmoogh inya alephiri: Johanan, Jehoyakim, Zẹdekaya, rꞌaJoahaz.

Jerimaya 13:7

Kụ mị aḅula, kụ mem dị mị ạwa bọ ạmiin esi phọ mị ạaghi bọ sinika phọ, mị ụmiin mọ rọbegh bịn rẹfunyonu bịn ị́moogh mun ịyaar oḍighinom.

Jerimaya 21:10

Mị magbiighi ologhi ạmi amuneni mọ mị káseere mun ẹmha phọ ẹphen, mị kaagulemi ni. Mị kạḅogh ẹmha phọ ạngo ọdaam-ẹmha phọ ạBabilon kụ ọdi ạsu nịan oomo phọ ẹmha phọ. Mị, Ọmoogh-we phọ, kụ mạḅem.”

Jerimaya 24:2

Sịphe ẹḅel egunum mọ udoghoḍi igey iimuma ạfig, ịpe ẹnuun bọ ẹḅaal; ẹpheri phọ egunum mọ udoghoḍi ịkaraph iimuma ạfig, ịpe ị́nighe bọ olhe.

Jerimaya 24:5

“Mị Ọmoogh-we Ẹnaan phọ Ịzirel, agbiighi ạmiin mọ awe phọ ọsighe bọ ogheelom Bạbilonia ọkigh igey iimuma ạfig phọ ịphen, ḅịle kẹn mị kạsighe ni ọnma ighirigiir kụ apoghom bịdi.

Jerimaya 37:10

Ghạlamo nyina ịkpar ri epu oomo awe ẹgham ạBabilon phọ, eḍighi dị bụdi oḍighima rạraar bịn kụ usugha, ọmina yogh sịphe arugbogo phọ ạbidi, awe phọ ạbuphe kọḅile ni oḅetenu otu ọsu ẹmha phọ ẹphen oguulemi ude.”

Jerimaya 37:17

Rẹsighe mem kụ ạZedekaya ọdaam mọ arom uruom ịmi, kụ sịphe otu ọdaam mọ, upuru ịmi reten ịbooghian mọ, “Adom kꞌỌmoogh-we phọ edi ni ḍụghum?” “Edi ni,” mị ạphagharanaan kụ ạloghom mọ, “Kọḅogh ni nyịna ọngo ọdaam eelhe phọ ạBabilon.”

Jerimaya 43:1

Mị rọghaaph rọḅeni bịdi oomo ạraraar phọ Ọmoogh-we Ẹnaan phọ ạbidi urom bọ ịmi ọḅeni ạbidi,

Jerimaya 44:1

Ọmoogh-we phọ ụḅaanaan ni ịmi ịlo egbolomaam oomo awe phọ Ịzirel dị ọrol ghan Ijipt, sịphe ạramha aMigdol, Tapanes rꞌaMemfis, rꞌesoorom ạga eelhe phọ.